Ester 4:5 - Bible in Tzeltal de Oxchuc y Tenejapa

⁵ Te Ester la yic' te Hatac, te ja' jcanan yu'un te muc' ajwalile, la sticun bael yu'un ya xba yil te Mardoqueo, yu'un ya sjojc'obey bila yac ta c'oel ta pasel, soc te bi yu'un te jich ya spase.

Bible in Tzeltal Bachajón

⁵ Ha yu'un te Ester la yic' tal te Hatac, jtuhl eunuco yu'un te ajwalil te ac'bil ta a'tel ta stojol, la sticon bahel ta stojol te Mardoqueo yu'un ya sjoc'obe bin c'ohem ta pasel soc bin yu'un hich ay.

Ester 4:5 Referans Kwoze

Hebreos 4:15

Melel te Muc' Sacerdote cu'untique, ma yu'unuc ma sna'botic yo'bolil jbatic te bit'il ay jwocoltic yu'un te ma'yuc quiptique, melel la yaiy swocol yu'un spisil ta jchajp uuc te yiljibal yo'tane, jich nix te bit'il ya caiytic te jo'otique. Ja'uc me to, ma ba yal ta mulil yu'un.

1 Corintios 12:26

Teme ay swocol junuc te bila ay ta jbaq'uetaltique, pajal ya yaiybeyic xc'uxul ta scojt'ol. Soc teme ya sta yutsilal junuque, pajal ya yaiybeyic yutsilal ta scojt'ol.

Romanos 12:15

Ayuc me sbujts' awo'tanic soc te mach'atic ay sbujts' yo'tanic ya awilique. Pajal me x'oq'uex soc te mach'atic ayic ta oq'uele.

Ester 1:12

Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.

Ester 1:10

Ta sjuquebal c'aal sjajch'el a te q'uine, te muc' ajwalil bin nax yo'tan ta scaj te yuch'oj vino. Jich la sticun bael te Mehumán, Bizta, Harbona, Bigta, Abagta, Zetar soc te Carcas, juqueb winiquetic te jun yo'tan sbaic ta stojole,

Filipenses 2:4

Ma me ayuc jtuluquex te atuquel nax ya ale te awutsilale; ya me sc'an ya alebeyic yutsilalic uuc te yantique.

Ester 4:4

Te criadaetic yacalic ta abatinel yu'un te antsil-ajwalil Ester, soc te soldadoetic chapalic yu'un ya xcanantayot yu'une, la yalbeyic yaiy te Ester te bila yac ta c'oel ta pasele. Te antsil-ajwalil bayal la smel yo'tan yu'un, jich la sticunbey c'u'il yu'un ya slap te Mardoqueo, swenta yu'un ya sjeltay a te ch'ixal pac' slapoje, pero te Mardoqueo ma ba la sc'an la yich'.

Ester 4:6

Te Hatac ba sc'opon te Mardoqueo te ay ta plaza yu'un te lume, te sitinej sba soc te yochibal spalacio te muc' ajwalile.

Ester 4:9

Te Hatac sujt' tel ta stojol te Ester, jul yalbey spisil te bila albot yu'un te Mardoqueo.

Ester 4:10

Te Ester la xcha'ticun xan bael te Hatac, yu'un ya yich'bey xan sujt'el sujt'ib te sc'op Mardoqueo: