Ester 4:11 - Bible in Tzeltal de Oxchuc y Tenejapa

¹¹ Jich la yal: “Ta spisil te mach'atic ayic ta abatinel yu'un te muc' ajwalil, soc nix te yajwal te juju-jpam q'uinal swentaineje, sna'ojic te ay jun ley te ya yac' ta lajel spisil antsetic o winiquetic te ya x'ochic bael ta yamaq'uil ta yutil te spalacio te muc' ajwalile, swenta yu'un ya xba yil te muc' ajwalil, teme ma ja'uc la sticun ta iq'uele. Ja' teme ma ba ya stuch ta ilel te sbastón pasbil ta oro ta stojol te mach'a ya x'och swenta seña te lec ta o'tanil, soc te ya spasbot perdón, te ma ba ya x'ac'ot ta lajele. Yan te jo'one, ayix lajuneb xcha'winic (30) c'aal te ma ba yic'ojon te muc' ajwalile”, xi' te sujt'ibe.

Bible in Tzeltal Bachajón

¹¹ Spisil te a'batetic yu'un te ajwalil soc te pueblohetic ta jujusehp q'uinal yu'un te ajwalil sna'ojic te mach'ayuc a, winic o ants, te ya x'och bahel ta yutil yamaq'uil ta yilel te ajwalil, teme ma ba ic'bile, junax ley ay ta scuenta: ha te ya me xlaj yu'un. Ha nax ya xcol te mach'a ya xhahchbot te bastón yu'un oro yu'un te ajwalil. Te ho'one, ayix lajuneb scha'winic (30) c'ahc'al te ma ba sticonejon ta iq'uel te ajwalil, xchi.

Ester 4:11 Referans Kwoze

Daniel 2:9

Ja' yu'un, teme ma ba ya awalbonic te bila la jwaichine, ta apisilic pajal ya xc'ot ta awentaic te lajele, melel te ja'exe achapojiquix te ya awac'bonic lotil sujt'ib te jc'ope ta swenta lo'laywanej, yu'un ya acuyic te jich ya xyanaj sc'oplal a te bila chapalixe. Albonic caiy jiche te bila la jwaichine, jich me ya jna' a te ya xju' awu'unic te ya awalbonic caiy te bila swentaile —xi'.

Ester 8:4

Te muc' ajwalil la stoy bael ta stojol Ester te sbastón pasbil ta oro. Te Ester jajch', la stejc'an sba ta stojol te muc' ajwalile,

Ester 2:14

Bajt'ic ta sna muc' ajwalil ta ajc'ubal. C'alal ya sacub q'uinal, ya xc'axix bael ta yan cuartoetic te ay ta sna te antsetic, te ja' ay ta swenta scanantayel te Saasgaz, ja' te jun yo'tan ta stojol te muc' ajwalile, te ja' ay ta swenta scanantayel te antsetic yinaminejix te muc' ajwalile. Tey ma ba ya xbajt' stejc'anix sbaic ta stojol te muc' ajwalile, ja' to teme ya sticun ta iq'uel te mach'a la smulane.

Ester 6:4

Ja' yorail a och bael te Amán ta amac' te c'oem c'alal ta spalacio ta banti ay te muc' ajwalil, swenta yu'un ba sc'an te ya yich' jijp'anel te Mardoqueo ta te' te la yaq'uix ta pasele. —¿Mach'a ay ta amac'? —xi' ta sjojc'oyel te muc' ajwalile.

Ester 1:19

Ja' yu'un, teme lec ya awaiye, te ja'at te muc' ajwalilate, ac'a me ta puquel ta alel te mandalil in to, soc ac'a yich' aq'uel ochel ta sjunal leyetic yu'un persiaetic soc mediaetic, swenta yu'un jich ma xju' ya yich' c'axintayel a, ja' in to: “Te antsil-ajwalil Vasti ma'yuquix bi ora ya xju' ya stejc'an sba ta stojol muc' ajwalil”, xi' me. Te bit'il yich'oj aq'uel yat'el ta antsil-ajwalil, ya me yich' pojel, swenta yu'un ya me yich' aq'uel yan ants te mero snujp' stuquele.

1 Pedro 3:7

Ja'ex uuc winiquetic te nujbinemexe, jich nix ayuc me sp'ijil awo'tan te ya xcuxinat ta q'uinal soc te awiname. Ich'a ta muc' te antse, te melel jteb staelic. Ja' me x'ana'ic te pajal ayex ta c'uxtayel yu'un soc te Diose, ja' te pajal ya yac'botic jcuxlejaltic soque. Jich ma'yuc bi ya smaquex a te c'alal ya ac'oponic te Diose.

Ester 4:10

Te Ester la xcha'ticun xan bael te Hatac, yu'un ya yich'bey xan sujt'el sujt'ib te sc'op Mardoqueo:

Ester 4:12

Te c'alal la yaiy te Mardoqueo te sujt'ib sc'op te Ester,