Ester 3:7 - Bible in Tzeltal de Oxchuc y Tenejapa

⁷ Ta u swenta xjajch'ibal ja'wil, ja' nix te u Nisán, ta slajchayebal ja'wil yochel ta muc' ajwalil a te Asuero, la spasbeyic snúmeroil ta na'el ta stojol te Amán, swenta yu'un ya yich' na'el te bi c'aalil soc te bi uil te ya xju' ya spas te bila chapal yu'une. Ja' loc' te yoxlajunebal c'aal te slajchayebal u, ja' nix te u Adar.

Bible in Tzeltal Bachajón

⁷ Ta shachel u, ha te u Nisán, ta slahchayebal (12) ha'bil yochel ta ajwalil a te Asuero, la stuhunic te pur, ha te seña ta na'el, ta stojol te Amán scuenta sna'el bin c'ahc'alil soc bin uhil te hich ya xc'oht ta pasel. Ha c'oht ta slahchayebal (12) u, ha te u Adar.

Ester 3:7 Referans Kwoze

Esdras 6:15

Te templo ju' ta pasel ta oxeb c'aal sjajch'el u Adar ta swaquebal ja'wil yat'el ta ajwalil te Darío te muc' ajwalil yu'un Persia.

Proverbios 16:33

Ay mach'a ya spas número ta na'el; pero ja' ya yac' número te Cajwaltique.

San Mateo 27:35

Te c'alal la sjijp'aniquix ta cruz, te soldadoetic caj spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse. Jich c'ot ta pasel te bila yaloj jilel te j'alwanej yu'un te Diose: “La spucbey sbaic te jc'u'-jpaq'ue. La spasic ta número yilic te mach'a ya xc'ot ta swenta te jc'u'e”, te xie.

Ester 9:21

La spas ta mandal te jujun ja'wil ya me spasic q'uin ta xchanlajunebal c'aal soc ta yo'lajunebal c'aal te u Adar.

Ester 9:5

Te judioetic la slajinic ta milel ta puñal spisil te scontroique. Jc'axel la slajinic spisilic, soc chican nax yo'tanic te bila la smulanic spasbeyel.

Ester 9:1

Ta yoxlajunebal c'aal yu'un te slajchayebal u, te Adar sbiile, ja' nix sc'aalelal a te ya c'an tsalotuc yu'un scontroic a te judioetic; pero ma jichuc c'ot ta pasel, ja' la yaiyic tsalaw te judioetique.

Ester 2:16

Te Ester la yich' iq'uel bael ta sna muc' ajwalil, swenta yu'un ya yich' aq'uel ta stojol te muc' ajwalil Asuero. Ja' ta slajunebal u te Tebet sbiil, te ja' sjuquebal ja'wil yochel ta muc' ajwalil a te Asuero.

Ester 1:3

Ta yoxebal ja'wil yich'bel yat'el ta muc' ajwalil a te Asuero, la spasbey sq'uin swenta yich'jibalic ta muc' ta spisilic te mach'atic ay yat'elic te ya xcoltayot ta at'el yu'une, te capitanetic yu'un soldado-persiaetic soc mediaetic, te ajwaliletic, soc jwentainwanejetic ta juju-jpam q'uinal,

Nehemías 2:1

Jun c'aal ta u te Nisán sbiile, te ayix jtab ja'wil yat'el ta muc' ajwalil a te Artajerjes, te c'alal yacon ta sc'asesel te bila ya yuch', la yilon te muc' ajwalil te mero jmeloj co'tane.

Esdras 4:6

Soc ta xjajch'ibal yat'el ta muc' ajwalil te Asuero la slebeyic smulic te mach'atic ayic ta slumalic ta Judá soc ta Jerusalén.