Ester 3:5 - Bible in Tzeltal de Oxchuc y Tenejapa

⁵ Te c'alal la sna' ta lec te Amán te ma ba ya squejan sba soc ma ba ya stinan sba te Mardoqueo te c'alal ya xc'axe, mero ilin yo'tan yu'un.

Bible in Tzeltal Bachajón

⁵ Te c'alal la yil te Amán te ma ba ya squejan sba soc ma ba ya spehc'an sba ta stojol, mero ilin yu'un.

Ester 3:5 Referans Kwoze

Daniel 3:19

Te c'alal la yaiy te Nabucodonosor te bila la yalique, tsajub yelaw yu'un slab yo'tan ta stojol te oxeb queremetique. Ja' yu'un la yal xan tulan mandal te ya yich' xan toyesel juqueb buelta yip te c'ajc' ta hornoe.

Ester 5:9

Te Amán loc' jajch'el tey ta banti we'-uch'ique, bin nax yo'tan soc buen nojel xch'ujt'. Pero c'alal la yil te Mardoqueo te ay ta yochibal spalacio te muc' ajwalile, soc te ma ba la stejc'an sba, soc ma ba la stij sba ta ilel yu'un te c'alal c'ax tey ae, mero ilin yo'tan yu'un.

Proverbios 21:24

Muc' scuyoj sba te jlabanwanej; soc te mach'a stoyoj sba ta jyalele ma x'ich'awan ta wenta.

Ester 3:2

Spisil te abatetic yu'un muc' ajwalil te ayic ta spalacio, ya squejan sbaic soc ya stinan sbaic ta stojol Amán te c'alal ya xc'axe, o teme teq'uelic ta stojole, melel jich yaloj mandal te muc' ajwalile. Pero te Mardoqueo ma ba la sc'an la xch'uun stuquel te mandale.

Proverbios 19:19

Te mach'a bayal ya x'ilin, ya me xc'ot ta swenta stojel; teme ma xyich' castigo, ya me xtoy xan ta sleel smul.

Proverbios 12:16

Te mach'a ma sna' q'uinal, ora ya x'ilin; te mach'a ay sp'ijile, ya xcujch' yu'un te bolc'optayele.

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Ester 1:12

Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.

Ester 3:4

Ta spisil ora ta jujun c'aal jich ya sjojc'obeyic, pero ma'yuc sc'oplal ta yo'tan ya yaiy. Ja' yu'un ba yalbeyic yaiy te Amán, swenta yu'un ya me yilic teme ma ba ya sut sc'op te Mardoqueo, melel albotiquix yu'un a te judio-winic stuquele.

Eclesiastés 10:6

Te mach'atic mero ma sna'ic q'uinale, ja' ya yac'beyic toyol yat'el; yan te mach'atic ay sc'oplale, ja' ya yac'beyic ta swenta te banti peq'uel sc'oplal te at'ele.

Salmos 37:12

Te mach'a amen yo'tan ya xchap bi ya yut ya slebey swocol te mach'a lec yo'tane, ya xc'ux ye yu'un slab yo'tan ta stojol.