Ester 3:2 - Bible in Tzeltal de Oxchuc y Tenejapa

² Spisil te abatetic yu'un muc' ajwalil te ayic ta spalacio, ya squejan sbaic soc ya stinan sbaic ta stojol Amán te c'alal ya xc'axe, o teme teq'uelic ta stojole, melel jich yaloj mandal te muc' ajwalile. Pero te Mardoqueo ma ba la sc'an la xch'uun stuquel te mandale.

Bible in Tzeltal Bachajón

² Spisil te a'batetic yu'un te ajwalil te ayic ta ti'nahil yu'un te sna ajwalil ya squejan sbahic soc ya snijan sbahic ta stojol Amán, como hich yaloj ta mandar te ajwalil. Pero te Mardoqueo ma ba la squejan sba soc ma ba la spehc'an sba ta stojol.

Ester 3:2 Referans Kwoze

Filipenses 2:10

Jich yu'un ta swenta sbiil te Jesuse, ya me squejan sbaic te mach'atic ayic ta ch'ulchane, soc te mach'atic ayic ta balumilale, soc te mach'atic ayic ta yanil te balumilale.

Salmos 15:4

ja' te mach'a ya yilay te mach'a ay bila amen spasoje; ja' te ya yich' ta muc' te mach'a yich'oj ta muc' te Cajwaltique; ja' te mach'a ya xc'ot ta pasel yu'un te bila yaloj manchuc me ya sta swocol yu'un;

Ester 5:9

Te Amán loc' jajch'el tey ta banti we'-uch'ique, bin nax yo'tan soc buen nojel xch'ujt'. Pero c'alal la yil te Mardoqueo te ay ta yochibal spalacio te muc' ajwalile, soc te ma ba la stejc'an sba, soc ma ba la stij sba ta ilel yu'un te c'alal c'ax tey ae, mero ilin yo'tan yu'un.

Ester 3:5

Te c'alal la sna' ta lec te Amán te ma ba ya squejan sba soc ma ba ya stinan sba te Mardoqueo te c'alal ya xc'axe, mero ilin yo'tan yu'un.

Ester 3:1

C'ax c'aal ta patil, te muc' ajwalil Asuero la stoyesbey yat'el te Amán, te snich'an Hamedata, patil alnich'an yu'un Agag. La yac'bey yat'el ta sbabial jwolwanej yu'un te nacione.

Ester 2:21

Te bi ora nacal ta yochibal spalacio te muc' ajwalil te Mardoqueo, la yaiybey sc'opic te Bigtán soc Teres, cheb jcanan-yochibal spalacio te muc' ajwalile. Te winiquetic in to mero buen ilinem yo'tanic a, yacalic ta xchapel sc'opic bi ya yut ya smilic te muc' ajwalil Asuero.

Ester 2:19

Te jayeb c'aal yac ta iq'uel bael ta yan na yu'un antsetic a te ach'ixetique, te Mardoqueo spisil c'aal la snajc'an sba ta yochibal spalacio te muc' ajwalile.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

Deuteronomio 25:19

Ja' yu'un te c'alal Dios ya yaq'uex ta libre ta stojolic ta spisilic te acontroique ayic ta sjoyobal te lumq'uinal ya yac'beyex awu'uninic te Cajwaltic Diose, ya me sc'an te ya ach'aybeyic sc'oplal ta jc'axel ta lumq'uinal te sts'umbal Amalec. ¡Ma me xch'ay ta awo'tanic!

Éxodo 17:16

Soc jich la yal: —Ay ta jc'ab te bandera yu'un te Cajwale. Te Cajwal ay ta guerra soc Amalec soc te cajalcaj yal-snich'an baele —xi'.

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Génesis 41:43

La yac' mouc ta carreta te tiq'uil ya xbajt' ta spate. Soc la yal mandal te ya yalic ta aw te c'alal ya xbeen c'axele: “Jamaic te be”, xiic me ta yalel. Jich la yac'bey swentain spamal sq'uinal Egipto.

Ester 2:5

Ta joyob ts'ajc'ubil centro yu'un lum Susa tey nainem jtul judio-winic a, Mardoqueo sbiil te winique, snich'an Jair. Ja' sts'umbal te Simei soc Cis, te ja' sts'umbalic te Benjamín.

Ester 3:3

Te sjo'tac ta at'el te muc' ajwalil la sjojc'obeyic te Mardoqueo te bi yu'un te ma ba ya xch'uunbey smandal te muc' ajwalile.

Daniel 2:49

Ta scaj te c'opoj te Daniel ta stojol muc' ajwalil, yu'un te Sadrac, Mesac, soc te Abed-nego, ac'bot tulan yat'elic ta sejpel ta sq'uinal Babilonia. Te Daniel ja' la sjoin jilel ta banti ay ta at'el te muc' ajwalile.