Ester 3:15 - Bible in Tzeltal de Oxchuc y Tenejapa

¹⁵ Te correoetic ora nax bajt'ic ta ticunel yu'un te muc' ajwalil, soc la yich' puquel ta alel ta joyob ts'ajc'ubil centro yu'un te lum Susa. Jich te muc' ajwalil soc te Amán jun yo'tan nacajtic ta uch'bajel, pero ta Susa jajch' ta woclajel te yo'tanique.

Bible in Tzeltal Bachajón

¹⁵ Te mach'atic yich'ojic te cartahetic loq'uic bahel ta scuenta smandar te ajwalil, soc la yich' aq'uel te mandaril ta Susa banti nahinem te ajwalil. Te ajwalil soc te Amán hucajtic ta uch'bajel, pero ta Susa ma ba la sna'ic bin ya spasic.

Ester 3:15 Referans Kwoze

Ester 8:15

Te Mardoqueo loc' jajch'el ta spalacio te muc' ajwalil, slapoj najt'il c'u'il te ay syaxal soc te ay saquil swenta sc'u' muc' ajwalil, soc jun muc'ul corona pasbil ta oro soc jun smeyil pac' pasbil ta lino soc púrpura. Spisil te yajwal te lum Susa jajch'ic ta aw swenta sbujts' q'uinal la yaiyic.

San Juan 16:20

Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Amós 6:6

Ta muc'ul copaetic ya awuch'ic a te vino, ya atuuntesic mero lequil perfumeetic. Ja' ma'yuc sc'oplal ta awo'tan te quechel ta jinel te lume.

Oseas 7:5

Te bi c'aalil ac'bot scorona te muc' ajwalil cu'untique, te ch'in ajwaliletic la yac'beyic chamel ta swenta sc'aal te vino la yuch'e. Tey bajt' yo'tan ta sjoinel te mach'atic ya yaiyic labanwaneje.

Proverbios 29:2

Te c'alal ya yich' yat'el te mach'atic toj yo'tanic, bin nax yo'tanic te lum yu'une; yan te c'alal ya spas mandal te mach'atic amen yo'tanic, ya xwoclaj te lume.

Proverbios 4:16

Melel ma sc'an slaman sbaic ja' to teme la spasic te bila amen ta pasele; asta ma ba ya xtal swayelic, teme ma'yuc mach'a ya yaq'uic yaluque.

Proverbios 1:16

Melel yac'ojic puersa ta spasel te bila amene; sujoj sbaic ta smalel ch'ich'.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

1 Reyes 14:27

Te muc' ajwalil Roboam la spasbey sjelol, te pasbil ta bronce, la yac'bey ta swenta te canantaywanej-soldadoetic, te yacalic ta yilel te yochibal sna te muc' ajwalile.

Génesis 37:25

La snajc'an sbaic, ochic ta we'el. Yacalic ta we'el a, la stoy sitic, la yilic yacalic ta talel ismaeletic jajch'emic tel ta Galaad. Smacojic ta beel scamelloic te xcuchojic te bila bujts'an yic' soc bálsamo soc mirra, te ya xba xchonic ta Egipto.

Ester 1:10

Ta sjuquebal c'aal sjajch'el a te q'uine, te muc' ajwalil bin nax yo'tan ta scaj te yuch'oj vino. Jich la sticun bael te Mehumán, Bizta, Harbona, Bigta, Abagta, Zetar soc te Carcas, juqueb winiquetic te jun yo'tan sbaic ta stojole,

Salmos 37:7

Ch'aban me ta stojol Cajwaltic; junuc me awo'tan ta smaliyel te ya scoltayat stuquele. Ma me x'ilin awo'tan yu'un te mach'a ay lec bitic ya sta ta q'uinale, te mach'a ay bila amen te ya xchape.

Proverbios 31:4

Ma ba lec, Lemuel, te ya yuch'ic vino soc tulan uch'balil te muc' ajwaliletic soc jwentainwanejetique.