Ester 3:13 - Bible in Tzeltal de Oxchuc y Tenejapa

¹³ Ora la yich' puquel bael ta correo ta stojolic te juju-jsejp q'uinaletic yu'un te ajwalile. Te june tey ya yal a te mandal te jc'axel ya yich'ic lajinel te judioetic, ta jun nax c'aal ya xlaj ta spisilic te judioetique, me'eletic, mamaletic, queremetic, ach'ixetic, alaletic soc ta spisil antsetic; soc ya me yich'beyic spisil te biluc yu'unique. Te bila c'aalil yich'oj chapel ya xc'ot ta pasele, ja' ta yoxlajunebal te slajchayebal u, o ja' te u Adar.

Bible in Tzeltal Bachajón

¹³ La yich' ticonel bahel cartahetic ta scuenta mach'atic ya yich'ic bahel cartahetic ta stojol te jujusehp q'uinal yu'un te ajwalil, te ya yal mandar te ya me yich' jinel, milel soc lajinel spisil te judiohetic, ta spisil ach'ix-queremetic soc me'el mamaletic, alaletic soc antsetic, soc te ya yich' pojbeyel te biluquetic yu'unic, ta junax c'ahc'al, ta yoxlajunebal (13) c'ahc'al ta slahchayebal (12) u, ha te u Adar.

Ester 3:13 Referans Kwoze

Ester 9:10

te ja'ic te lajuntul snich'nab Amán, ja' mero scontro te judioetique. Pero ma ba la spicbeyic te bila ay yu'unique.

2 Crónicas 30:6

Jich loq'uic bael ta spamal sq'uinal Israel soc Judá ta spuquel cartaetic yu'un te muc' ajwalil soc te sjo'tac ta ajwalile, jich la yal bael: “Israeletic, sujt'anic tel ta stojol te Cajwaltic, te Dios yu'un Abraham, Isaac soc Israel; jich me ya sujt' tel ta atojolic uuc te mach'aex te colemex xan jilel ta sc'abic te muc' ajwaliletic yu'un Asiria.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Romanos 3:15

Xtananet nax yacanic ta milaw ta smalel ch'ich'.

Jeremías 51:31

Xtal xbajt'ic nax te mach'atic ya yich'ic tel te c'ope, ta yalbeyel te muc' ajwalil yu'un Babilonia te jc'axel u'uninbilix te lum yu'une.

Isaías 10:6

Ya calbey mandal ta ac'beyel guerra te bol lume, te lum te ma tojuc yo'tan ta jtojol, ja' te nación te ya sjajch'esbon quilimba, swenta yu'un ya me spech'ic ta teq'uel jichuc ajch'al ta calle.

Job 9:25

Te jcuxlejal ya xbajt' ta anel, ya xbajt' ta anel ta buen animal, tey ma'yuc la quil a te utsilale.

Ester 7:4

Melel te jo'on soc te jlumale quich'ojtic chonel swenta yu'un jc'axel ya yich' tup'el jts'umbaltic. Te lajuc quich'tic chonel swenta mozoile, ma'yuc bi ya cal yu'un te jichuque, ja'uc me to, te jcontroe ya ma xch'aybat bayal te bila ay awu'un te muc' ajwalilate —xi'.

1 Samuel 22:19

Patil och bael ta Nob, te ja' lum yu'un te sacerdoteetique. C'o smil ta puñal spisil winiquetic, antsetic, alaletic soc mero ayinel to alaletic; soc la smil wacaxetic, burroetic soc chijetic.

Ester 8:5

jich la yal: —Teme lec ya awaiy te bila ya cal ta atojol te ja'at te muc' ajwalilate, soc teme stojil ya awaiy te bila ya jc'ane, soc teme mero melel te ac'anojone, te lecon ta asite, soc teme lecon ta awo'tan te ja'at te muc' ajwalilate, ac'a yich' ts'ibuyel jun te banti ya yich' aq'uel mandal te ya xlaj sc'oplal te bila la yal ta carta te Amán, ja' te banti la yal mandal te ya yich'ic lajinel ta jc'axel te judioetic ayic ta juju-jpam q'uinal te bay c'alal awu'uninej ta mandalteswaneje.

Ester 9:1

Ta yoxlajunebal c'aal yu'un te slajchayebal u, te Adar sbiile, ja' nix sc'aalelal a te ya c'an tsalotuc yu'un scontroic a te judioetic; pero ma jichuc c'ot ta pasel, ja' la yaiyic tsalaw te judioetique.

Ester 9:5

Te judioetic la slajinic ta milel ta puñal spisil te scontroique. Jc'axel la slajinic spisilic, soc chican nax yo'tanic te bila la smulanic spasbeyel.