Ester 3:12 - Bible in Tzeltal de Oxchuc y Tenejapa

¹² Ta yoxlajunebal c'aal a te u swenta xjajch'ibal te ja'wile, la yich'ic iq'uel te secretarioetic yu'un muc' ajwalil. Ja'ic la sts'ibuyic te smandal te Amán, ja' te la sticunbey ta stojolic te ajwaliletic ta juju-jpam q'uinal soc te mach'atic yich'oj yat'elic ta jujun nación swentainej te muc' ajwalile. Te mandaliletic in to la yich' ts'ibuyel ta sletraic nix, soc ta sc'opic nix te juju-jpam q'uinal soc te jujun lume. La yich' pasel ta swenta te muc' ajwalil Asuero, soc la yich' te sello yu'un te muc' ajwalile.

Bible in Tzeltal Bachajón

¹² Ha yu'un ta yoxlajunebal (13) c'ahc'al ta shachel u la yich'ic iq'uel te secretariohetic yu'un te ajwalil, la yich' sts'ihbayel spisil te bintic la yal ta mandar te Amán, la sticonlambe ta stojol te gobernadoretic ta jujusehp q'uinal soc te príncipaletic yu'un jujun pueblo, ta jujusehp q'uinal chican bin yilel te sts'ihbajelic soc ta jujun pueblo ha chican te sc'opique. La yich' ts'ihbayel ta scuenta sbihil te ajwalil Asuero soc la yich' te sello yu'un sch'ocow.

Ester 3:12 Referans Kwoze

1 Reyes 21:8

Te ants ora och ta spasel cartaetic ta swenta Acab, la yac'bey te sello yu'un te muc' ajwalile. Ora la sticunbey te mamaletic te yich'oj yat'elic soc te jwentainwanejetic, te tey nix nainemic ta slumal Nabot.

Ester 1:22

La sticun cartaetic ta juju-jpam q'uinal te bay c'alal swentaineje. La sts'ibubey ta sc'opic nix soc ta sts'ibujelic nix te juju-jpam q'uinal soc ta juju-jpam lum te bay c'alal yu'unineje. La yalbey mandal spisil winiquetic te ay yinamic, ac'a spasic tulan mandal ta snaic te bit'il ja' swentainejique, ac'a c'opojicuc ta yalel te bila ya smulanic yalele.

Daniel 6:15

Pero te winiquetic cha'c'otic xan ta stojol te muc' ajwalile, jich c'o yalic: —Muc' ajwalil cu'untic, ana'oj ta lec te bit'il ay te ley yu'un te medoetic soc persaetic, te spisil bila swenta comel, o c'op chapal, te yac'oj sfirma tey a te muc' ajwalil, ma xju' ta yantesel —xiic c'oel.

Daniel 6:12

Jich ora ba sc'oponic te muc' ajwalile, swenta yu'un ya yalbeyic sc'oplal te c'op chapale, jich c'o yalbeyic: —Te ja'at te muc' ajwalilat, la apuc ta alel chajbanbil c'op, te banti ya yal teme ay mach'a ya yalbey wocol biluc diosil o winic ta sjunal te lajuneb xcha'winic (30) c'aal, teme ma ja'ucat te muc' ajwalilate, ya me yich' ch'ojel ochel ta xch'en león-chojetic, ¿Ma bal jichuc? —xi'. La sjac' te muc' ajwalil: —Jich nix a, melel te bi chapale, ya me xc'ot ta pasel, jich te bit'il ya yal te ley yu'unic te medoetic soc persaetic, te ma xju' ta yantesele —xi'.

Daniel 6:8

Ja' yu'un ya jc'antic te ya awac'bey xan yip te bila chapal cu'untic, soc ya awac' afirma, swenta yu'un ma me xju' ta jinel, jich te bit'il ya yal te ley yu'un te medoetic soc te persaetic, te ma xju' ta yantesele —xiic.

Ester 9:27

te judioetic la stsaquic te costumbre yu'unique, soc la stsaquic jilel uuc te patil alnich'anetic yu'unique, soc te mach'atic ochic ta judioile: ja' costumbre yu'unic te ya spasic q'uin ta jujun ja'wil, ma'yuc ya spas falta, ay me q'uin yu'un ta xchebal te c'aale, jich nix te bit'il albil sc'oplale, soc jich nix te bit'il chapale.

Ester 8:2

Te muc' ajwalil la sloq'ues te xch'ocow swenta sello te la yich'bey sujt'el te Amán, ja' la yac'beyix te Mardoqueo. Jich te Ester la yac'bey yat'el ta administrador ta swentainel te biluquetic yu'un Amán ta neelal toe.

Esdras 8:36

Patil la cac'tic te smandal te muc' ajwalil ta sc'ab te mach'atic yich'oj yat'elic ta ajwalil, soc te ajwaliletic yu'un te jpam sq'uinal te ay ta stojol smalib c'aal yu'un te muc'ja' Eufrates, ja'ic te la scoltayic ta c'op te lum soc te templo yu'un te Diose.

Ester 3:11

Jich la yalbey: —Te plata ya awale, ya me xju' ya awich' te ja'ate. Jich te lum ya awale, pasbeya te bila ya amulan spasbeyele —xi'.

Daniel 3:10

Te ja'at muc' ajwalilat cu'untic, la awalix mandal te spisil ants-winiquetic ya squejan sbaic ta xch'uunel te loc'omba pasbil ta oro te c'alal bi ora ya xchicnaj sc'op te at'ejibaletic yu'un música.

Daniel 6:25

Jich te muc' ajwalil Darío la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.