Ester 2:23 - Bible in Tzeltal de Oxchuc y Tenejapa

²³ Te bila alote la yich' jaq'uel ta lec, chicnaj te melel nix a. Xchebal te jcanan-ochibaletic la yich'ic jijp'anel ta te'. Te bila c'ot ta pasele, jil sna'jibal ta stojol te muc' ajwalile, tey jil ta libro te banti ya yich' ts'ibuyel te bitic c'ot ta pasel yu'un te nacione.

Bible in Tzeltal Bachajón

²³ La yich' joc'oyel ta lec, chicnaj te melel nix a. Hich schebal te jcanan-ti'nahiletic la yich'ic jihpanel ta te'. Soc la yich' ts'ihbayel hilel ta stojol te ajwalil ta libro yu'un te ya'tel te ajwalil.

Ester 2:23 Referans Kwoze

Ester 10:2

Spisil te bitic la spas ta swenta yip yat'el te ajwalile, soc te bit'il la stoyesbey yat'el te Mardoqueo, spisil in to ts'ibubil ta libro te banti la yich' ts'ibuyel te bitic tulan sc'oplal c'ot ta pasel yu'un te muc' ajwaliletic yu'un Media soc Persia.

Génesis 40:22

Yan te mach'a yat'elinej jpas-we'elile, la sticun ta lowel moel ta ni' te' jich nix bit'il albot yu'un José.

Génesis 40:19

Ta oxeb c'aal ya me sloq'uesat ta chucjibal te faraón, ya sc'ocbat loq'uel ta bojel ajol, ya me yac'at ta jijp'anel ta te', ya xlaj ta ti'el ta xulem te abaq'uetale —xi' sc'oplal yu'un stuquel.

Malaquías 3:16

(Te mach'atic yich'ojic ta muc' te Diose la yalbey sbaic; te Cajwaltic la yaiybey stojol ta lec te bila la yalique. Jich yu'un ta stojol te Cajwaltic la yich' ts'ibuyel libro, yu'un ya yich' na'el a te mach'atic yich'ojic ta muc' te Cajwaltic soc te ya yich'ic ta wenta.)

Ester 7:10

Ja' yu'un te Amán, tey jijp'anot ta te' te la xchajban yu'un ja' c'an sjijp'an a te Mardoqueo. Tey lamaj a te slab yo'tan te muc' ajwalile.

Ester 5:14

Jich te yinam soc ta spisil te yamigotac jich albot yu'un: —Ticuna ta pasel junuc te', te ay cheb xcha'winic (22) metro snajt'ile. Pajel ta sab ya ac'anbey te muc' ajwalil te ya yich' jijp'anel moel a te Mardoqueo. Jich me jun awo'tan ya xbaat ta we'el swenta q'uin soc a te muc' ajwalil —xiic. Te c'op in to la smulan te Amán, jich la sticun ta pasel te te'e.

Josué 8:29

Te ajwalil yu'un lum Hai la yich' lujch'anel moel ta ni'te' yu'un te Josué ta sjunal c'aal, ja' to c'alal mal te c'aale. C'alal ch'ay bael c'aal, la yal mandal ta cojtesel. Tey la xch'ojbeyic jilel sbaq'uetal ta yochibal te lume, la sbusanbeyic ton ta sba. Chican yo'tic te ton busule.

Ester 6:1

Ta ajc'ubal in to, te muc' ajwalil ma xtal swayel la yaiy. Ja' yu'un la sticun ta ich'el tel te libro te banti yich'oj ts'ibuyel te bitic mero tulanic sc'oplal c'oemic ta pasel ta nación, swenta yu'un ya yich' ilel ta stojol.

Esdras 4:15

swenta yu'un ya me yich' leel ta bay sq'uejibal junetic yu'unic te mach'atic neel c'axemic awu'une. Te bi ya yal tey ae, tey me ya ana' a te lum te mero toyba soc xiweltic sba ta stojol muc' ajwaliletic soc ta stojol yantic q'uinaletic. Ay jich c'oemiquix ta pasel yu'unic te la xchajban sbaic swenta yu'un ma x'ich'awanic ta muc' tey a. Ja' swentail te la yich' lajinel te lume.