Ester 2:18 - Bible in Tzeltal de Oxchuc y Tenejapa

¹⁸ Soc la spas buen muc'ul q'uin, la yac' we'el-uch'el ta swenta stoybeyel yutsil sc'oplal te Ester. La sticun ta iq'uel te mach'atic yich'oj yat'elic yu'un soc spisil te abatetic yu'une. Soc la spejc'an patanetic ta juju-jpam q'uinal, soc la spuc bayal majt'aniletic, majt'anil te ya yac' sba ta na'el a te ay yutsil yo'tan te muc' ajwalile.

Bible in Tzeltal Bachajón

¹⁸ Te ajwalil la spasbe muc'ul q'uin yu'un Ester spisil te príncipaletic soc a'batetic yu'une. Soc la spehc'an te pataniletic ta jujusehp q'uinal soc la spucticlan bayel mahtaniletic, ha chican bin yilel yutsil o'tanil yu'un te ajwalil.

Ester 2:18 Referans Kwoze

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

San Lucas 14:8

—Teme ay mach'a ya yic'at ta yilel q'uin nujbinel, ma me xba anajc'an aba tey a ta bay swenta ich'el ta muc'. Teme ya xtal yan te c'ax jich ich'bil ta muc' te bit'ilate,

San Mateo 22:2

—Te bit'il ya xc'ot ta ajwalinel te Dios te ay ta ch'ulchane, jich c'oem te bit'il ay jtul muc' ajwalil la spas q'uin yu'un te ya xnujbin te snich'ane.

Cantares 5:1

Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

Cantares 3:11

Antsetic ta Sión, loc'anic tel ta yilel te muc' ajwalil Salomón. Yich'oj ta sjol scorona, ja' te pasbot yu'un sme' te ya xtuun yu'un te c'alal ya xnujbine, te ja' jun c'aal bayal yutsil ya yaiy te jayeb c'aal ya xcuxine.

Ester 9:22

Melel ja' sc'aalelal te la smilic te scontroic, soc ja' yuil te bi ora te jelon ta sbujts' yo'tanic te smel-o'tanic soc jelon ta q'uin te yawic swenta xc'uxul te mel-o'tane. Ja' in c'aaletic to ya me yich'ic pasel q'uin soc we'elil soc sbujts' q'uinal yaiyic, soc talel c'axel me ya smajt'antes sbaic a, soc ya me yaq'uic majt'anil yu'un me'baetic, xi' te smandale.

Ester 1:7

Te bitic la yuch'ique, la yuch'ic ta vasoetic pasbil ta oro. Yan yantic yilel pasbil te vasoetique, ma pajaluc yilel ta spisil. Te vino bayal yac ta oc c'oem, jich bit'il ay yutsil yo'tan te muc' ajwalile.

Nehemías 8:11

Ja' nix jich te levitaetic la scomic te lume. La yalbeyic te yacuc xch'abique, te ma ba ya x'oq'uique, melel in c'aal to q'uin ta stojol te Cajwaltique, la yutic.

1 Samuel 25:8

Ya xju' ya ajojc'obey te abatetic awu'une, ya me yalic ta jamal te melel te bila ya calbate. Ja' yu'un wocoluc, c'uxtaya te winiquetic te buen ora yacalic ta c'oel ta atojol te yacuc awac'bon soc jtebuc te bitic ay awu'un ta ora in to, melel jichon ta atojol te bit'il anich'ane”, xaex me ya xc'oex —xi' te David.

Génesis 29:22

Jich te Labán la yic' tel spisil te winiquetic te nainemic ta sjoylejal ta swenta q'uin nujbinel, la smac'lin ta lec.

San Marcos 6:21

La sta yorail te c'ot ta pasel te bila snopoj ta yo'tan te Herodías c'alal la spas q'uin te ajwalil Herodes te bit'il loc' ja'wil ya'wilale. Te ajwalile la stsob ta we'el-uch'ajel spisil te sjo'tac ta ajwalile, soc te coroneletique soc spisilic te mach'atic ich'bilic ta muc' ta bay sq'uinal Galilea.