Ester 2:14 - Bible in Tzeltal de Oxchuc y Tenejapa

¹⁴ Bajt'ic ta sna muc' ajwalil ta ajc'ubal. C'alal ya sacub q'uinal, ya xc'axix bael ta yan cuartoetic te ay ta sna te antsetic, te ja' ay ta swenta scanantayel te Saasgaz, ja' te jun yo'tan ta stojol te muc' ajwalile, te ja' ay ta swenta scanantayel te antsetic yinaminejix te muc' ajwalile. Tey ma ba ya xbajt' stejc'anix sbaic ta stojol te muc' ajwalile, ja' to teme ya sticun ta iq'uel te mach'a la smulane.

Bible in Tzeltal Bachajón

¹⁴ Ya xbaht ta tibiltic, ta yan c'ahc'al ya xbaht ta yan na yu'un antsetic, ya xcanantayot yu'un te Saasgaz te eunuco-winic yu'un te ajwalil te ya scanantay te antsetic yu'un te ajwalil. Tey ma ba ya xtalic xan ta stojol te ajwalil, ha nax teme mulanot yu'un te ajwalil soc ya x'ic'ot yu'un ta sbihil.

Ester 2:14 Referans Kwoze

Ester 4:11

Jich la yal: “Ta spisil te mach'atic ayic ta abatinel yu'un te muc' ajwalil, soc nix te yajwal te juju-jpam q'uinal swentaineje, sna'ojic te ay jun ley te ya yac' ta lajel spisil antsetic o winiquetic te ya x'ochic bael ta yamaq'uil ta yutil te spalacio te muc' ajwalile, swenta yu'un ya xba yil te muc' ajwalil, teme ma ja'uc la sticun ta iq'uele. Ja' teme ma ba ya stuch ta ilel te sbastón pasbil ta oro ta stojol te mach'a ya x'och swenta seña te lec ta o'tanil, soc te ya spasbot perdón, te ma ba ya x'ac'ot ta lajele. Yan te jo'one, ayix lajuneb xcha'winic (30) c'aal te ma ba yic'ojon te muc' ajwalile”, xi' te sujt'ibe.

Isaías 45:4

Ta swenta xc'uxtayel cu'un te cabat Jacob, ja' te lum yu'un Israel te jtsaoje, la quic'at ta abiil soc la cac'bat awich' awat'el te ich'bilat ta muc' yu'une, manchuc me ma'yuc bay ya ana'bon jba te ja'ate.

Isaías 43:1

Ja'uc me to, ta ora yo'tic, Israel, te lumat yu'un Jacob, te Cajwaltic te la xchicnantesate, ya yalbat: —Ma xiwat, jo'on la cac'atix ta libre; jo'on la quic'at ta abiil, jich la cu'uninat.

Deuteronomio 21:14

Teme patil ma ba la smulane, ya xju' ya yac' ta libre. Pero ma me xju' ya xchon ta swenta taq'uin, soc ma me xju' ya yac' ta at'el ta criadail, melel la sboltesbeyix sc'oplal.

Génesis 34:19

Te querem ora la xch'uun, melel toyol yo'tan yu'un te ya yic' sba soc te yantsil-nich'an Jacob. Ich'bil ta muc' stuquel, c'ax jich te bit'il mach'a jayeb ay ta sna te state,

Ester 2:13

Chican bitic ya sc'an ya yich'ic bael ya xju' ya yich'ic loq'uel ta palacio yu'un antsetic, te ya xba yaq'uic ta palacio yu'un te muc' ajwalile.

Ester 2:15

Te c'alal c'ot yorail te ba yac' sba ta stojol muc' ajwalil uuc te Ester, te yantsil-nich'an Abihail te ja' stajun te Mardoqueo, ja' nax la yich' bael stuquel te bila albot yu'un te Hegai, te jun yo'tan ta stojol te muc' ajwalil, soc ja' ay ta swenta scanantayel te antsetic yu'une. Te Ester, jun yo'tan ta stojol spisilic te mach'atic ya sc'opone.