Ester 1:7 - Bible in Tzeltal de Oxchuc y Tenejapa

⁷ Te bitic la yuch'ique, la yuch'ic ta vasoetic pasbil ta oro. Yan yantic yilel pasbil te vasoetique, ma pajaluc yilel ta spisil. Te vino bayal yac ta oc c'oem, jich bit'il ay yutsil yo'tan te muc' ajwalile.

Bible in Tzeltal Bachajón

⁷ Uch'ic ta vasohetic pasticlambil ta oro, yan yilel te jujun vaso, soc bayel vino yu'un te ajwalil la yuch'ic, hich te bin ut'il yutsil yo'tan te ajwalil.

Ester 1:7 Referans Kwoze

Ester 2:18

Soc la spas buen muc'ul q'uin, la yac' we'el-uch'el ta swenta stoybeyel yutsil sc'oplal te Ester. La sticun ta iq'uel te mach'atic yich'oj yat'elic yu'un soc spisil te abatetic yu'une. Soc la spejc'an patanetic ta juju-jpam q'uinal, soc la spuc bayal majt'aniletic, majt'anil te ya yac' sba ta na'el a te ay yutsil yo'tan te muc' ajwalile.

2 Crónicas 9:20

Ta spisil te vasoetic yu'un te muc' ajwalil pasbil ta oro. Ja' nix jich ta spisil te platoetic soc te tazaetic yu'un te muc'ul na te Bosque-yu'un-Líbano sbiile, pasbilic ta oro. Te c'alal ay ta q'uinal a te Salomón, ma'yuc sc'oplal ta yo'tanic winiquetic te plata.

1 Reyes 10:21

Ta spisil te vasoetic yu'un te muc' ajwalile, pasbil ta puro oro, ja' nix jich ta spisil te trasteetic te ya xtuun ta sna te muc' ajwalil, te Bosque-yu'un-Líbano sbiile. Ma'yuc jxujt'uc plata, melel ta yorail Salomón, ma'yuc ta wenta ta lec te plata, peq'uel stojol stuquel,

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

Ester 1:8

Pero te muc' ajwalil, la yalbey mandal te jc'asesej-we'el-uch'baliletic te ma me ayuc mach'a ya yich' sujel ta yuch'el te bila ma smulan yuch'ele, te ja' me lec te chican yo'tanic te bila ya smulanic yuch'el ta juju-jtul te mach'atic ic'bilique.