Ester 1:4 - Bible in Tzeltal de Oxchuc y Tenejapa

⁴ swenta yu'un ya yac'bey yilic te sc'ulejale, te smuc'ul yat'el ta muc' ajwalile, te jchajp yilel yutsilal soc te yip yat'el ta muc' ajwalile. Jalaj olil ja'wil te q'uine.

Bible in Tzeltal Bachajón

⁴ scuenta yu'un ta balunwinic (180) c'ahc'al ya ya'be yilic te c'ax bayel sc'ulejal ban c'alal scuentahinej, soc te yutsil soc smuc'ul yip ta ajwalil.

Ester 1:4 Referans Kwoze

Job 40:10

Ch'ala aba ta smuc'ul awu'el, potsa aba ta yutsil axojobil.

Apocalipsis 4:11

“Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Efesios 1:18

Soc ya jc'anbey Dios te yacuc sjambeyex asitic soc te ya yac'beyex sp'ijil awo'tanic, swenta yu'un jich me ya ana'ic stojol te bit'il ya xc'ootic yu'un ta jpisiltic te ic'bilotic yu'une, soc jich me ya xc'ot ta awo'tanic te bit'il jelawen yutsilal te sc'ulejal te ya yac'botic ta patil jo'otic te ch'ul lumotic yu'un te Diose,

Romanos 9:23

Soc la sc'an yo'tan te ya xpujc' sc'oplal te yutsilal te ay xojobile, soc jich la yac' ta ilel te yutsil xc'uxul yo'tane, te namey chajbanbil yu'un te ya quich'beytic te yutsilale.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

San Mateo 4:8

Yan buelta te Jesús ic'ot bael yu'un te pucuj ta bay muc' toyol wits. Tey la yac'bey yil spisil ta jchajp lumetic te ayic ta balumilale soc te yutsilalique.

Daniel 5:18

“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Daniel 4:36

“Ja' nix ta yorail a cha'lecub xan q'uinal la caiy. Te smuc'ul yutsil te banti ayon ta ajwalil, te yutsil jc'oplal, soc smuc'ul jc'oplale, cha'sujt' xan tel ta jtojol. Te jtojteswanejetic, jtac'uywanejetic soc te mach'atic yich'oj tulan yat'elic te banti ayon ta ajwalile, tal sleonic. Jich cha'ochon xan ta cat'el ta ajwalil ta stojol te nación cu'une. C'axem to xan jich muc'ub cat'el a te bit'il cat'el ta neelal toe.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Ezequiel 28:5

Ta scaj te bit'il mero ma'yuc wocol ya awaiy ta swenta te achonbajele, esmajix awu'un te ac'ulejale, pero te ac'ulejale, ja' la yac'batix atoy aba.

Isaías 39:2

Te Ezequías bujts'naj yo'tan yu'un te c'otic, soc la yac'bey yil te sc'ulejale, te plata soc te oro, perfumeetic, t'ujbil aceite, soc te at'ejibaletic yu'un guerra, soc spisil te bitic stsoboje. Ta spisil la yac'bey yilic ta spalacio, soc ta spamal ta bay ya xmandalaje.

Salmos 145:5

Ya me yich' alel smuc'ul yutsil abiil; ya me calulay jchajp yutsil te awat'ele.

Salmos 93:1

Te Cajwaltic ja' muc' ajwalil. Te Cajwaltic sc'u'inej yutsilal soc joytaybil ta yu'el. Ja' la yac'bey yiptajib te balumilal swenta yu'un ma stij sba.

Salmos 45:3

Chuca ta ach'ujt' te apuñale, ja'at te ma xiwate; ay axojobil soc ayat ta ich'el ta muc'.

Salmos 21:5

Wocol la awal yu'un te coltayele, mero muc' te yip awu'ele; la awac' ta ich'el ta muc'.

1 Crónicas 29:25

Te Cajwaltic la yac'bey ich'otuc ta muc' ta c'axem to xan ta spamal sq'uinal Israel. La yac' xojobajuc yutsilal te mandaltesel yu'une, te ma'yuc bay ni jtebuc pasbot jich jtuluc ajwalil te neel c'ax ta muc' ajwalil ta Israel.

Ester 1:3

Ta yoxebal ja'wil yich'bel yat'el ta muc' ajwalil a te Asuero, la spasbey sq'uin swenta yich'jibalic ta muc' ta spisilic te mach'atic ay yat'elic te ya xcoltayot ta at'el yu'une, te capitanetic yu'un soldado-persiaetic soc mediaetic, te ajwaliletic, soc jwentainwanejetic ta juju-jpam q'uinal,

Ester 1:5

C'alal c'ax te q'uine, te muc' ajwalil la spas xan juqueb c'aal q'uin. Tey la spas ta banti nichimaltic te ay ta yamaq'uil te spalacioe. Spisil la yich'ic iq'uel te mach'atic nainemic ta joyob ts'ajc'ubil centro yu'un te lum Susa, ja' te mach'atic bayal ich'bilic ta muq'ue, soc nix te mach'atic jteb nax ich'bilic ta muq'ue, c'ot spisilic.