Ester 1:21 - Bible in Tzeltal de Oxchuc y Tenejapa

²¹ Te bi la snop ta yo'tan te Memucán, lec c'ot ta yo'tan te muc' ajwalil soc nix te mach'atic sjoinej sbaic ta chajbanwaneje. Ja' yu'un te muc' ajwalil jich la yac' c'otuc ta pasel.

Bible in Tzeltal Bachajón

²¹ Lec la ya'iyic te ajwalil soc te príncipaletic; ha yu'un te ajwalil hich la spas te bin la yal te Memucán.

Ester 1:21 Referans Kwoze

Ester 2:4

Te mach'a ach'ixil te mero ya smulan te muc' ajwalile, ac'a ochuc ta antsil-ajwalil. Ja' ac'a ochuc sjelolin te Vasti —xiic. Te bila la yich' alele, la smulan te muc' ajwalile. Jich nix la yich' pasel a.

Génesis 41:37

Te faraón lec yo'tan yu'un, soc lec yo'tanic yu'un uuc te abatetic yu'une.

Ester 1:19

Ja' yu'un, teme lec ya awaiye, te ja'at te muc' ajwalilate, ac'a me ta puquel ta alel te mandalil in to, soc ac'a yich' aq'uel ochel ta sjunal leyetic yu'un persiaetic soc mediaetic, swenta yu'un jich ma xju' ya yich' c'axintayel a, ja' in to: “Te antsil-ajwalil Vasti ma'yuquix bi ora ya xju' ya stejc'an sba ta stojol muc' ajwalil”, xi' me. Te bit'il yich'oj aq'uel yat'el ta antsil-ajwalil, ya me yich' pojel, swenta yu'un ya me yich' aq'uel yan ants te mero snujp' stuquele.

Ester 1:20

Te mandalil yu'un te muc' ajwalil ya me sc'an te ya yich' puquel ta alel ta bay c'alal swentainej mandalteswanej te muc' ajwalile, swenta yu'un spisil antsetic ya me yich'ic ta muc' te smamlalique, pajal me te mach'atic muc' sc'oplalic soc mach'atic peq'uel sc'oplalic —xi'.

Ester 1:22

La sticun cartaetic ta juju-jpam q'uinal te bay c'alal swentaineje. La sts'ibubey ta sc'opic nix soc ta sts'ibujelic nix te juju-jpam q'uinal soc ta juju-jpam lum te bay c'alal yu'unineje. La yalbey mandal spisil winiquetic te ay yinamic, ac'a spasic tulan mandal ta snaic te bit'il ja' swentainejique, ac'a c'opojicuc ta yalel te bila ya smulanic yalele.