Ester 1:20 - Bible in Tzeltal de Oxchuc y Tenejapa

²⁰ Te mandalil yu'un te muc' ajwalil ya me sc'an te ya yich' puquel ta alel ta bay c'alal swentainej mandalteswanej te muc' ajwalile, swenta yu'un spisil antsetic ya me yich'ic ta muc' te smamlalique, pajal me te mach'atic muc' sc'oplalic soc mach'atic peq'uel sc'oplalic —xi'.

Bible in Tzeltal Bachajón

²⁰ Te bin ya yal ta mandar te ajwalil ya me yich' a'iyel ta ban c'alal scuentahinej, aunque c'ax muc', hich spisil te antsetic ya me yich'ic ta muc' te smamalalic, pajal te mach'a muc' sc'oblal soc peq'uel sc'oblal, xchi.

Ester 1:20 Referans Kwoze

Colosenses 3:18

Antsetic te nujbinemexe, ich'aic ta muc' te amamlalique, jich te bit'il ya sc'an te Cajwaltique.

Efesios 5:33

Ja'uc me to, ja' sc'oplal uuc te c'ux me x'awaiy ta awo'tanic juju-jtulex te awinamique, jich te bit'il c'ux ya awaiy aba atuquele. Te antse ac'a yich' ta muc' te smamlale.

Efesios 5:22

Te antsetic te nujbinemique, ac'a me yich' ta muc' te smamlalique, jich bit'il ya sc'an te Cajwaltique.

Deuteronomio 21:21

Ja' yu'un, ta spisil te winiquetic yu'un te lume, ya me smilic ta ch'ojel ta ton. Jich me ya xlaj a te bila amen ta pasel ta yolil te alumalique. Melel te c'alal ya yaiyic te israeletic te jich c'ot ta pasele, ya me xiw yo'tanic yu'un.

Deuteronomio 17:13

Te c'alal ya yaiy te lume, ya me xtal xiwel ta yo'tanic yu'un, jich me ya yijq'uitay a te toybaile.

Ester 1:21

Te bi la snop ta yo'tan te Memucán, lec c'ot ta yo'tan te muc' ajwalil soc nix te mach'atic sjoinej sbaic ta chajbanwaneje. Ja' yu'un te muc' ajwalil jich la yac' c'otuc ta pasel.

Ester 2:1

Te muc' ajwalil Asuero, c'alal c'axix jtebuc c'aal a, soc c'alal lamalix q'uinal la yaiy a, la sna' te Vasti soc te bi la spase, soc te bila mandalil la yich'ix pasel ta stojol ta swenta controinel.