Ester 1:19 - Bible in Tzeltal de Oxchuc y Tenejapa

¹⁹ Ja' yu'un, teme lec ya awaiye, te ja'at te muc' ajwalilate, ac'a me ta puquel ta alel te mandalil in to, soc ac'a yich' aq'uel ochel ta sjunal leyetic yu'un persiaetic soc mediaetic, swenta yu'un jich ma xju' ya yich' c'axintayel a, ja' in to: “Te antsil-ajwalil Vasti ma'yuquix bi ora ya xju' ya stejc'an sba ta stojol muc' ajwalil”, xi' me. Te bit'il yich'oj aq'uel yat'el ta antsil-ajwalil, ya me yich' pojel, swenta yu'un ya me yich' aq'uel yan ants te mero snujp' stuquele.

Bible in Tzeltal Bachajón

¹⁹ Teme lec ya ya'iy te ajwalil, ac'a yal mandar scuenta ajwalil te ya yich' ts'ihbayel ta leyetic yu'un Persia soc Media scuenta yu'un ma ba ya yich' c'axuntayel a, te hich ya yal: Te Vasti ma me ayuquix bin ora ya xtal xan ta stojol te ajwalil Asuero, xchi. Te ajwalil ac'a yotses yan ajwalil-ants te c'ax lec xan a.

Ester 1:19 Referans Kwoze

Ester 8:8

Yo'tic, ya cac'beyex permiso swenta yu'un ya apasic cartaetic ta swenta jbiil jo'on. Ya xju' ya ats'ibuyic ta jun te bila ya amulanic te yutsil-slequil ya xc'ot ya awaiyic a te judioetique. Ac'beyaic sello te cartaetic, ja' xatuuntesic te sello cu'un te muc' ajwalilone —xi'. (Te jun carta yich'oj pasel ta swenta te muc' ajwalile, soc teme ja' nix yich'oj te sello yu'une, mero ma xju' ta lajinel sc'oplal.)

1 Samuel 15:28

Jich c'opoj ta stojol Saúl te Samuel: —Ja' nix jich la yich'ix jatsel loq'uel ta atojol c'oem yu'un Cajwaltic te awat'el ta muc' ajwalil ta Israel. La spojbat swenta yu'un ya yac'bey ta swenta yan ajoy ta israel te ja' lec stuquele, te ma jichuc te bit'il ja'ate.

Ester 8:5

jich la yal: —Teme lec ya awaiy te bila ya cal ta atojol te ja'at te muc' ajwalilate, soc teme stojil ya awaiy te bila ya jc'ane, soc teme mero melel te ac'anojone, te lecon ta asite, soc teme lecon ta awo'tan te ja'at te muc' ajwalilate, ac'a yich' ts'ibuyel jun te banti ya yich' aq'uel mandal te ya xlaj sc'oplal te bila la yal ta carta te Amán, ja' te banti la yal mandal te ya yich'ic lajinel ta jc'axel te judioetic ayic ta juju-jpam q'uinal te bay c'alal awu'uninej ta mandalteswaneje.

Daniel 6:17

Te c'alal la yaq'uic ochel ta xch'en león-chojetic te Daniel, la yich'ic tel ton la yac'beyic ta sti'il te ch'ene. Te muc' ajwalil la yac'bey te sello yu'une, soc te sello yu'unic te mach'atic yac'ojbey muc' yat'elic ta at'el soc ta ajwalil, swenta yu'un tulan me sc'oplal ya xc'ot ta stojol Daniel te bila ya yal te leye.

Ester 3:9

Ja' yu'un teme lec ya awaiy ja'at te muc' ajwalilate, puca ta alel jun mandal awu'un te banti ya yal mandal te jc'axel ya yich' lajinele. Te jo'one ya me cac'bey ta sc'abic te j'at'eletic ta banti ya yich' tsobel pataniletic waclajuneb soc olil tonelada plata, yu'un ya x'och ta yawil staq'uin muc' ajwalil —xi'.

1 Reyes 3:28

Ta spisil Israel chicnaj te bi la yut la xchajban te muc' ajwalile. Spisilic la yich'ic ta muc' te muc' ajwalil te c'alal la yilic te yich'ojbey sp'ijil Dios te toj ya yaiy chajbanwaneje.

Ester 1:21

Te bi la snop ta yo'tan te Memucán, lec c'ot ta yo'tan te muc' ajwalil soc nix te mach'atic sjoinej sbaic ta chajbanwaneje. Ja' yu'un te muc' ajwalil jich la yac' c'otuc ta pasel.

Ester 1:18

Te yinamic te mach'atic yich'oj yat'elic ta Persia soc ta Media, teme la yaiyic te bila la spas te awinam Vasti yo'tic, ya me stsac sbaic ta c'op soc smamlalic, jich me ya yac' wocol soc ilimba.

Ester 2:1

Te muc' ajwalil Asuero, c'alal c'axix jtebuc c'aal a, soc c'alal lamalix q'uinal la yaiy a, la sna' te Vasti soc te bi la spase, soc te bila mandalil la yich'ix pasel ta stojol ta swenta controinel.