Ester 1:16 - Bible in Tzeltal de Oxchuc y Tenejapa

¹⁶ Te Memucán c'opoj ta stojolic te mach'atic ay ta swentaic xchajbanel at'el soc te muc' ajwalile, jich la yalbey: —Te Vasti yinam muc' ajwalil, ma ja'uc nax ja'at te la yuts'inate, la yuts'in c'oem ta spisil te mach'atic yich'oj yat'elic, soc ta spisil te mach'atic ayic ta juju-jpam te ay ta awenta ja'at te muc' ajwalilate.

Bible in Tzeltal Bachajón

¹⁶ Hich la yal te Memucán ta stojol te ajwalil soc te príncipaletic: Te ajwalil-ants Vasti ma ha'uc nax stahoj smul ta stojol te ajwalil, ha nix hich stahoj smul ta stojol spisil te príncipaletic soc spisil mach'atic ayic ta spisil ta sehp q'uinal yu'un te ajwalil Asuero.

Ester 1:16 Referans Kwoze

Hechos 25:10

La yal te Pabloe: —Li' ayon to ta bay chajbajibal yu'un te muc' ajwalil César, te banti ya sc'an te ya quich' chajbanele. Ana'oj stojol ta melel te xujt' ma'yuc jmul ta stojol te jlumal judioetique.

Hechos 18:14

Te Pablo c'an jajch'uc ta c'op, ja'uc me to, te Galione la sc'opon ta ora te judioetique: —Ja'ex te judioexe, te lajuc xc'axintaybey smandal ajwalil in winic to, soc te ayuc muc' mulil staoje, puersa me ya jchajban te jichuque.

Esdras 4:6

Soc ta xjajch'ibal yat'el ta muc' ajwalil te Asuero la slebeyic smulic te mach'atic ayic ta slumalic ta Judá soc ta Jerusalén.

Ester 1:15

Ja' yu'un jojc'obotic yu'un te muc' ajwalile: —Chican bi ya yal te leye, ¿bi ya sc'an ya jpastic ta stojol te quinam Vasti te ma ba la xch'uunbon te jmandal te la jticun ta alel ta stojol ta swenta te jc'asesej-c'opetic cu'une? —xi'.

Ester 1:17

Te bila la spas te awiname, ya me yaiyic ta spisilic te antsetique, soc ja' me ta swenta te ma ba ya yich'iquix ta muc' te smamlalique. Jich me ya yalic: “Te muc' ajwalil Asuero la sticun ta iq'uel te yinam te bit'il ja' muc' ajwalile, pero ma ba la xch'uun iq'uel yu'un”, xiic me.