Ester 1:13 - Bible in Tzeltal de Oxchuc y Tenejapa

¹³ La sjojc'obey te mach'atic ay sp'ijil yo'tanic ta sna'el te leyetique, melel ja' scostumbreic te bila chajbanel ya sc'an yu'un te muc' ajwalil, ja' ya yich' nopel soc te mach'atic ya sna'ic te leyetic soc te mandaliletique.

Bible in Tzeltal Bachajón

¹³ La sjoc'obe te mach'atic ya sna'ic ta lec te leyetic, como hich c'ahyem ta spasel te ajwalil te ya sjoc'obe spisil te mach'atic ya sna'ic te leyetic soc te bin stojil ta pasel.

Ester 1:13 Referans Kwoze

1 Crónicas 12:32

Te sts'umbal Isacar: ay talic lajunwinic (200) jtsobwanejetic te swentainejic spisil te sts'umbalique. Ja'ic te ya sna'ic stsajtayel ta lec te bila ya sc'an ya spasic te israeletique.

Daniel 2:2

Jich la sticun ta iq'uel te mach'atic ay sp'ijilic, soc te mach'atic ya sna'ic syoljoltayel, soc j'ac'-chameletic, soc te mach'atic bayal bitic ya sna'ique, swenta yu'un ya me x'albot yu'un te bila swentail te swaiche. Te mach'atic c'otic ta iq'uel tele, c'o stejc'an sbaic ta stojol te muc' ajwalile.

Jeremías 10:7

¿Ay bal mach'a ma xi'at atuquel, ja'at te muc' ajwalilat yu'un te nacionetique? Awu'un xi'el atuquel. Ta yolilic te mach'a p'ijic soc muc' ajwaliletic ta balumilal, ma'yuc bay jtuluc jich te bit'ilate.

San Mateo 16:3

Soc te c'alal sacubix a te q'uinale, jich ya awalic: “Yo'tic ya xtal ja'al, yu'un tsaj te ch'ulchan soc ay tocal”, xaex yu'un. ¡Cha'lam awo'tanic te ja'exe! Ya ana'ic stsajtayel te bi yilel te q'uinale, ja'uc me to, ya awalic te ma x'ana'ic stsajtayel te señaetic yac ta coel ta pasel ta ora to.]

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Daniel 2:12

C'alal la yaiy te muc' ajwalil te jich la yalique, til jajch'el slab yo'tan yu'un. Jich la yal mandal ta milel ta spisilic te mach'atic bayal bitic sna'ojic te ayic ta Babilonia.

San Mateo 2:1

Ayin Jesús ta lum Belén te ay ta sq'uinal Judea te c'alal ay ta muc' ajwalil a te Herodese. Julic tel ta Jerusalén p'ijil winiquetic te talic ta stojol sloq'uib c'aal.

Daniel 2:27

La sjac' te Daniel, jich la yal: —Ma'yuc ni jtuluc te mach'a ay bila sna'oj, soc ni ayuc mach'a ya sna' syoljoltayel soc j'ac'-chamel, ni ja'uc te mach'a ay bila ya sna' ta swenta te c'aal, u, eq'uetic te ya xju' yu'un sna'beyel swentail te bila wocol ta na'el te ya ac'an ya ana'bey swentaile, muc' ajwalil.

Ester 1:12

Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.

1 Crónicas 12:33

Te sts'umbal Zabulón: ay talic lajuneb yoxwinic ta jmil (50,000) soldadoetic te snopojic guerra, te yich'ojic tsobol ta jchajp at'ejibaletic yu'un guerra. Jun nax yo'tanic snopojic te ya scoltayic te David.