Ester 1:12 - Bible in Tzeltal de Oxchuc y Tenejapa

¹² Pero te yiname, ma ba la sc'an xch'uunbey smandal te muc' ajwalil c'ot ta alel yu'un te winiquetique. Te muc' ajwalil bayal ilin yo'tan yu'un, mero bayal slab yo'tan yu'un.

Bible in Tzeltal Bachajón

¹² Pero te ajwalil-ants Vasti ma ba la sc'an la sch'uhumbe smandar te ajwalil te la yich' halbeyel yu'un te eunucohetique. Bayel ilin yu'un te ajwalil, c'ax c'ahc'ub yu'un.

Ester 1:12 Referans Kwoze

Proverbios 19:12

Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

1 Pedro 3:1

Ja' nanix jichex uuc antsetic, junuc me awo'tanic ch'uunbeyaic smandal te amamlalique, swenta yu'un teme ay ma ba xch'uunejic sc'op Dios te amamlalique, tic' ya xch'uunic a teme ya yilic te bit'il lec spisil te bila ya apasique.

Efesios 5:24

Jich bit'il te jch'uunjeletique, ya xch'uunbey smandal te Cristoe, ja' nix jich uuc te antsetic te nujbineme, ac'a me xch'uunbeyic spisil smandal te smamlalique.

Efesios 5:22

Te antsetic te nujbinemique, ac'a me yich' ta muc' te smamlalique, jich bit'il ya sc'an te Cajwaltique.

Nahúm 1:6

¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.

Daniel 3:13

Te Nabucodonosor bayal jajch' slab yo'tan yu'un. La yal mandal te ya x'ic'ot tel ta stojol te Sadrac, Mesac soc Abed-nego. Te c'alal ayiquix ta stojol ae,

Daniel 2:12

C'alal la yaiy te muc' ajwalil te jich la yalique, til jajch'el slab yo'tan yu'un. Jich la yal mandal ta milel ta spisilic te mach'atic bayal bitic sna'ojic te ayic ta Babilonia.

Proverbios 20:2

Te sc'ajc'al yo'tan te muc' ajwalil, jich c'oem te bit'il león-choj te yac ta aw; te mach'a ya yac' ilinuc, yu'un nix ya xlaj a.

Salmos 79:5

Cajwal, ¿jayeb xan me ora te ilinemate? ¿Spisil bal ora te yac ta tilel jichuc c'ajc' te awilimbae?

Salmos 74:1

Dios cu'un, ¿bi yu'un te jc'axel apijt'esejotique? ¿Bi yu'un te tilem slab awo'tan ta stojol te chijetic awu'un ta aq'uinale?

Deuteronomio 29:20

Te Cajwaltic ma me ja'uc ya xbajt' ta yo'tan pasulayel-perdón, ja' nax me ya yac'bey tel te yilimba ta stojol te mach'a jich ya yale. Ya me xc'ot ta swenta te bitic castigo albilix sc'oplal ta libro in to. Te Cajwaltic ya me stup'bey sts'umbal ta jc'axel ta lumq'uinal.

Éxodo 32:22

Te Aarón la sjac': —Cajwal cu'un, ma x'ilinat ta jtojol. Te ja'ate ya me ana'bey ta lec yo'tanic te lum, te ya smulanic spasel te bila ma lecuque.

Éxodo 32:19

C'alal c'ot Moisés ta campamento, la yil te alal toro soc te j'ajc'otetique. Bayal ilin yu'un, la xch'oj coel ta sc'ab te cha'pejch' tone. Wuy ta jc'axel ta mero yet'al wits.

Génesis 3:16

Te Diose jich la yalbey te antse: —Ya me xtoy awocol ta alajel, ay me xc'uxul ya x'alajat. Te bila ya sc'an te abaq'uetale, ja' me ay ta swenta te amamlale, ja' me ya ach'uunbey smandal stuquel —xi' sc'oplal.

Daniel 3:19

Te c'alal la yaiy te Nabucodonosor te bila la yalique, tsajub yelaw yu'un slab yo'tan ta stojol te oxeb queremetique. Ja' yu'un la yal xan tulan mandal te ya yich' xan toyesel juqueb buelta yip te c'ajc' ta hornoe.

Ester 1:11

yu'un bajt' ta iq'uel tel ta stojol te yiname, ja' te Vasti sbiile. Te c'alal ya xtale, ay me ta sjol te scorona swenta yinam muc' ajwalile, swenta yu'un ya me smulanbeyic te st'ujbilal ta spisilic te lum soc te mach'atic muc' sc'oplalique. Melel yu'unix mero t'ujbil a te yinam te muc' ajwalile.

Ester 1:13

La sjojc'obey te mach'atic ay sp'ijil yo'tanic ta sna'el te leyetique, melel ja' scostumbreic te bila chajbanel ya sc'an yu'un te muc' ajwalil, ja' ya yich' nopel soc te mach'atic ya sna'ic te leyetic soc te mandaliletique.

Ester 7:7

Te Asuero mero bayal ilinem yo'tan a jajch' bael. La yijq'uitay jilel te yut na te banti yacal ta we'el swenta te q'uine, loc' bael ta nichimaltic te bay sti' spalacio. Pero te Amán la sna' te ayix ta yo'tan te muc' ajwalil te ya x'ac'ot ta lajel yu'une, ja' yu'un jil ta yutil na, yac ta yalel wocol ta stojol te antsil-ajwalil Ester te manchuc ya x'ac'ot ta lajele.