Esdras 9:7 - Bible in Tzeltal de Oxchuc y Tenejapa

⁷ Nameyix soc c'alal ora ayotic ta mero tulan mulil. Ta scaj te bila amen la jpastique, soc nix te muc' ajwaliletic soc sacerdoteetic cu'untique, ta jpisiltic ochotic ta sc'ab muc' ajwaliletic ta yantic nacionetic. La quich'tic ejch'entesel, la quijq'uitay jlumaltic, elc'anot jbiluctic soc la quich'tic ilayel, soc jich nix ayotic c'alal ora in to.

Bible in Tzeltal Bachajón

⁷ C'alal ta yorahil te jme'jtatcotic ha to c'alal ora yo'tic bayel te jmulcotic. Ta scaj te jmulcotic, te ho'otcotic soc te ajwaliletic soc sacerdotehetic cu'uncotic ac'otcotic ta sc'ab te ajwaliletic ta yantic nacionetic, ac'otcotic ta lajel ta espada, ta chuquel, ta elc'anel soc ta q'uexlal, hich te bin ut'il ta ora ini.

Esdras 9:7 Referans Kwoze

2 Crónicas 29:6

Melel te antiguo jme'-jtatique ma junuc yo'tanic c'axic ta q'uinal, mero amen yat'elic ta sit te Dios cu'untique, jich la yijq'uitay ta yo'tanic. Q'uejel la yac' bael sitic, ma'yuc sc'oplal ta yo'tanic te awilal ta bay nainem te Cajwaltique.

Lamentaciones 5:7

Te me'il-tatiletic cu'untic te wayemix sbaq'uetalique, la sta smulic ta stojol Dios; te jo'otique, ja' la jcuchbeytic jilel te smulique.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 25:18

La cac'bey yuch' te Jerusalén, te lumetic yu'un Judá, te muc' ajwaliletic yu'une, soc te jtsobwanejetique, ta swenta sjinelic soc te ya xc'atp'ujic jilel ta jinem ts'ajq'uetic te ya yac' xiwel soc nijq'uel. Ja' me seña te boloben sc'oplalic asta ora to.

Nehemías 9:30

Bayal ja'wil la amaliy, soc la aticunbey ta alel ta swenta espíritu awu'un, soc ta swenta te j'alwanejetic awu'une. Pero ma ba la yich'ic ta muc'. Ja' yu'un la awac'bey ta sc'ab nacionetic ta spamal te lumq'uinale.

2 Crónicas 30:7

Ma me jichuquex te bit'il antiguo ame'-atatic soc te awermanotaque. Ta scaj te ma tojuc yo'tanic ta stojol te Cajwaltic Dios yu'un te antiguo jme'-jtatic, jich ac'otic ta jinel te bit'il ya awilique.

1 Samuel 12:15

Yan teme ma ba ya ach'uunbeyic smandal, teme ya ac'axintaybey smandal, ya me yac'beyex castigo te ja'exe, soc ya me yac'bey castigo te muc' ajwalil awu'unique.

Números 32:14

Yo'tic te ja'exe te ja' atatic te la sle smulique, ja' ya ac'an ya anopbeyic te yat'ele, swenta yu'un ta yan buelta ya ajajch'esbeyic yilimba Cajwaltic ta stojol te lum Israel.

1 Reyes 8:47

teme tey ta nación te banti bajt'ic te ic'otic loq'uel ta slumalic, teme ya sujt'es yo'tanic ta atojol soc teme ya yalbat bayal wocol ta atojole, teme ya sna'ic te la sta smulic ta atojol soc te la spasic ta asit te bitic amene,

Esdras 9:13

“C'axix cu'untic spisil te bitic c'ot ta jwentatic ta scaj te amen cat'eltique, soc te mero tulan mulil cu'untique, manchuc me ma ba awac'ojbotic castigo te bit'il ya sc'an yu'un te jmultique, melel awac'ojotic ta libre in to.

Jeremías 3:25

Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Jeremías 32:32

ta swenta spisil smulic staojic ta jtojol, ta scaj sbolil yat'elic te lum Israel soc te lum ta Judá. Jich nix te muc' ajwaliletic, te jtsobwanejetic, te sacerdoteetic, te j'alwanejetic yu'unique, soc spisil te ants-winiquetic Judá soc Jerusalén.

2 Crónicas 34:24

te jich ya cale: Jo'on Awajwalon, ya me cac' tel tulan woclajel ta stojol te lum soc ta stojol te mach'atic nainemic tey a, jich bit'il te sc'oplal castigo te ts'ibubil jilel ta libro, te la yich' ilel ta stojol te muc' ajwalil yu'un Judá.

Isaías 64:4

Ma'yuc bay aiybil stojol, ni ma'yuc bay ilbil te ay yan Dios te bit'ilate, soc te ay bitic jchajp ya spas a ta swenta xc'uxtayel te mach'atic ya smuc'ulin yo'tane.

Jeremías 44:9

¿Ch'ay balix ta awo'tanic ta spisil te bitic amen la spasic te antiguo ame'-atatic, soc te bitic amen la spasic te muc' ajwaliletic ta Judá soc te yinamique, ja'ex uuc soc te awinamique, te bila la apasic ta sq'uinal Judá soc ta calleetic yu'un Jerusalén?

Ezequiel 11:9

Ya me cac' c'otuc ta atojolic castigo: Ya me jloq'uesex bael ta aq'uinalic, ya me caq'uex ta sc'ab jyanlumetic.

Ezequiel 39:23

Te yan nacionetic, ya me sna'ic te scaj smulic te israeletic te ic'otic bael ta mosoile, scaj te ma junuc yo'tanic la yac' sbaic ta jtojol. Ja' yu'un la jwalac'patiy. La cac' te ya stsalotic yu'un te scontrotaquique, soc te ya xmilot spisilic ta guerra yu'une.