Esdras 9:6 - Bible in Tzeltal de Oxchuc y Tenejapa

⁶ jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

Bible in Tzeltal Bachajón

⁶ hich la jcal: Dios cu'un, ma jna' bin ya jpas, soc ay q'uexlal ya ca'iy te ya jach mohel jsit ta atojol, Dios cu'un, como te jmulcotic sohlix mohel ta jolcotic, soc te faltahetic cu'uncotic c'ohemix c'alal ta ch'ulchan.

Esdras 9:6 Referans Kwoze

Apocalipsis 18:5

Yu'un c'otix c'alal ta ch'ulchan te smulique. Te Diose yiloj spisil te bila amen la spase.

Salmos 38:4

Te muliletic jpasoj c'ax bayalix yalal ta cuchel. Ma xju'ix cu'un.

2 Crónicas 28:9

Ay jtul j'alwanej yu'un te Cajwaltique tey a, ja' te Oded, loc' sta ta be te soldadoetic, te c'alal yacalic ta ochel bael ta Samaria, jich la yalbey: —Te Cajwaltic Dios yu'un te antiguo jme'-jtatic cu'untic, ilin ta stojol Judá. Ja' swentail te la yac'beyex ta ac'abic te ja'exe. Ja'uc me to, la amiliquix soc sc'ajc'al awo'tanic, melel c'oemix sc'oplal c'alal ta ch'ulchan.

San Lucas 15:21

Te quereme la yalbey te state: “Jtat, jtaoj jmul ta stojol Dios soc ta atojol uuc. Ma spasix te ya ap'ison ta anich'ane”, xi' ta stojol te state.

Job 42:6

Ja' yu'un jc'axel me ya jsujt'esix co'tan, ya me jnajc'an jba ta tan soc ta ts'ubil lum —xi' te Job.

Esdras 9:15

“Cajwal Dios yu'un Israel, mero toj awo'tan ta jtojoltic. Ja'at jich la sc'an awo'tan te jtsojp te jayeb xan jilemotic, jich bit'il chican ta ilel ta ora in to. Ta mero melel jo'otic te ay jmultic ta atojole. Ja' yu'un, ma snup'in te ya xtalotic ta atojole —xi' ta sc'oponel Dios te Esdrase.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Jeremías 31:19

La jq'uej jba bael ta atojol, bayal ya jna' ta ora to; la jna'ix te jmule, ya jmajulay co'tan yu'un; ay q'uexlal ya caiy ta co'tan soc peq'uelon ta swenta te muliletic cu'un te c'alal jch'ielon to ae”, xi' ta ajc'an.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Jeremías 3:3

Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Isaías 59:12

Te jo'otique bayal la cac'tic bolobuc awo'tan ta jyalel; ja' nix jmultic te ya yalotic. La jna'tiquix stojol te jmultic; la jna'tiquix stojol te bitic ma lecuc jpasojtique.

Isaías 1:18

Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.

Job 40:4

—¿Bi ya xju' ya cal ta sjaq'uel te bit'il mero jxujt'on te jo'one? Ja' mero lec ya caiy te ma ba ya xc'opojone.

Esdras 9:13

“C'axix cu'untic spisil te bitic c'ot ta jwentatic ta scaj te amen cat'eltique, soc te mero tulan mulil cu'untique, manchuc me ma ba awac'ojbotic castigo te bit'il ya sc'an yu'un te jmultique, melel awac'ojotic ta libre in to.

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

San Lucas 18:13

“Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

1 Reyes 8:47

teme tey ta nación te banti bajt'ic te ic'otic loq'uel ta slumalic, teme ya sujt'es yo'tanic ta atojol soc teme ya yalbat bayal wocol ta atojole, teme ya sna'ic te la sta smulic ta atojol soc te la spasic ta asit te bitic amene,

Jeremías 51:9

La cac'beytiquix xpoxil te Babilonia; ja'uc me to, ma ba col yu'un. Ijq'uitayaic jilel, loc'ucotic bael li'to, boucotic ta jlumaltic juju-jtul. Melel te smule, c'oem c'alal ta ch'ulchan, jajch'em moel c'alal tocal.

Éxodo 32:31

Jich sujt' bael Moisés ta stojol Cajwaltic, jich c'o yalbey: —Melel nix a, te lume la spasic muc' mulil ta jyalel, melel la spasic dios ta oro.

Levítico 26:40

“Manchuc me ya ana'ic te amulique, soc te smulic te ame'-atatique, soc nix te ma junuc awo'tanic ta jtojole, soc te la atoy abaic ta jtojole,

Nehemías 1:6

yo'tic ya calbat wocol te yacuc awich'bon ta wenta te jc'op te yacon ta yalel ta atojol ta c'aal ta ajc'ubal, ta swenta sna'beyel yo'bolil sbaic te abatetic awu'une, ja' te israeletique. Ya jna' ta lec te jtaoj jmultic ta atojol te jo'otic te israelotique. Asta te mach'atic ay cu'un soc te jo'one, jtaoj jmultic ta atojol.

Salmos 38:5

Te quejch'en ya xc'a'ix soc ya xtuubix scaj te ma jna' q'uinale.

Lamentaciones 3:42

“La jletic jmultic soc la jtoy jbatic ta atojole, ma la apasbotic perdón yu'un”, xootic me.