Esdras 9:5 - Bible in Tzeltal de Oxchuc y Tenejapa

⁵ Jich ora jajch' xan ta lecubel q'uinal la caiy te bit'il mero pejc'aj q'uinal la caiye. Ja' to nix jlapoj a te jc'u' jatsemique, jajch'on ta sc'oponel te Cajwaltic te Dios cu'une,

Bible in Tzeltal Bachajón

⁵ Ta yorahil yaq'uel te mahtanil ta tibiltic, hahchon, loc'on tey ta jwocol, jch'i'ojix a te jmuc'ul c'u' soc te jnahtil-c'u', la jquejan jba, la hach jc'ab ta stojol Jehová te Dios cu'un,

Esdras 9:5 Referans Kwoze

1 Reyes 8:54

Te c'alal laj yo'tan ta sc'oponel Dios te Salomón, te quejel ta stojol scajtijib ta chiq'uel smajt'an Dios, soc te stoyoj sc'ab ta stojol ch'ulchan,

1 Reyes 8:38

aiybeya me sc'op jiche spisil mach'atic ya sc'oponat soc ya xbic'taj ta atojol, mach'auc a, o ta spisil te lum Israel awu'une, te c'alal ya yil teme ay swocole, teme ay bi c'ux obol sba yu'une, teme ya stoy tel sc'ab ta sc'oponbelat ta stojol te templo in to, aiybeya me c'alal ta ch'ulchan. C'alal ta banti nainemat, pasbeya me te perdón, coltaya, ac'a c'otuc ta swentaic awu'un chican te bi yilel te bila spasojique, melel ja'at nax ana'oj te bila xchapoj ta yo'tan soc te bit'il ay te yo'tan te ants-winiquetique.

1 Reyes 8:22

Patil te Salomón la stejc'an sba ta stojol te scajtijib ta chiq'uel smajt'an Cajwaltic ta scomonsitil ta xchajbal spisil te israeletique. La stoy moel sc'ab ta ch'ulchan,

Éxodo 9:33

C'alal loc' bael Moisés ta lum, te loc' bael ta stojol te faraón, la stoy sc'ab ta sc'oponel te Cajwaltique. Jich ora nax a com te bat soc te ja'ale. Jich ch'ay c'axel te chawuque.

Éxodo 9:29

Te Moisés la sjac': —Ja' nax teme loc'on bael a ta lume, ya me jtoy jc'ab ta sc'oponel te Cajwale. Jich me ya xcom te bat soc te chawuque. Pero tey me ya ana' a te spamal q'uinal ja' yu'un te Cajwale.

Efesios 3:14

Ja' swentail te ya jquejan jba ta stojol te Stat te Cajwaltic Jesucristoe,

Salmos 143:6

Ya jtoy moel jc'ab ta atojol; taquejemix co'tan yu'un te ma jtaate, jich c'oemonix ya caiy te bit'il taquin lume.

Salmos 141:2

Cajwal, lecuc me ta atojol te jc'ope, smesetuc sbujts' yic' jichuc pom ya xc'ot ta atojol; te jc'ab jtoyoj ta atojol, jichuc c'oem te bit'il milbil amajt'an, ja' te amajt'an swenta smalel c'aale.

Salmos 95:6

La'ic, la' jquejan jbatic ta xch'uunel; ac'a calbeytic wocol ta stojol te Cajwaltique, melel ja' la spasotic stuquel.

2 Crónicas 6:13

Te muc' ajwalil moem ta plataforma te pasbil ta bronce. Yich'oj cheb metro soc jo'eb xcha'winic (25) centímetro te snajt'ile, ja' nix jich te sjamalule. Yan te stoylejale jun metro soc jo'lajuneb xcha'winic (35) centímetro. Ay ta yolil yamac'ul templo. Ora la squejan sba ta sitic te lum Israel, la stoy moel sc'ab ta ch'ulchan,

Hechos 21:5

C'axix a te juqueb c'aale, jich bootic. Jich la sjoinotic bael spisil te jnopojeletique soc yinamic yal-snich'anic c'alal ta patlum. Ta bay te ti'mare, la jquejan jbatic ta sc'oponel Dios,

San Lucas 22:41

Bajt' xan jich spimil te bit'il ya jch'ojtic bael te tone. Tey la squejan sba ta sc'oponel Dios a.

Isaías 1:15

Te c'alal ya atoy ac'abic ta ac'oponbelone, ya jq'uej bael jsit ta atojolic; manchuc me bayal ya xc'opojex, ma ba ya caiybeyex stojol. Ts'ilajem ac'abic yu'un ch'ich'.

Daniel 10:2

Te c'alal jich c'ot ta pasele, jo'on Danielon oxeb semana yacon ta mel-o'tan yu'un.

Nehemías 1:4

C'alal la caiy te c'opetic in to, la jnajc'an jba, ochon ta oq'uel yu'un. Che'oxeb c'aal la jmel co'tan yu'un. La jcom jwe'el soc la jc'opon te Dios ta ch'ulchane.