Esdras 9:3 - Bible in Tzeltal de Oxchuc y Tenejapa

³ C'alal la caiy te c'op in to, la jch'i' jc'u' yu'un, la jbul stsotsil jol soc la jbul quisim swenta seña xc'uxul mel-o'tan, la jnajc'an jba, mero ayon ta mel-o'tan yu'un.

Bible in Tzeltal Bachajón

³ C'alal la jca'iy ini, la jch'i' te jmuc'ul c'u' soc te jnahtil-c'u' yu'un, soc la jbul loq'uel stsotsel jol soc quisim, la juhcan jba ta tulan mel-o'tan.

Esdras 9:3 Referans Kwoze

Nehemías 1:4

C'alal la caiy te c'opetic in to, la jnajc'an jba, ochon ta oq'uel yu'un. Che'oxeb c'aal la jmel co'tan yu'un. La jcom jwe'el soc la jc'opon te Dios ta ch'ulchane.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

Miqueas 1:16

Te ja'at lum Sión, joxa loq'uel stsotsil ajol ta señail xc'uxul mel-o'tan ta scaj te anich'nabic te bayal c'ux ta awo'tane. Joxa loq'uel, t'axal ac'a jiluc jichuc sjol buitre-mut, melel te anich'nab ya me x'ic'otic bael ta mosoil —xi'.

Daniel 8:27

Jo'on Danielon, xquechet ta lajel quip la caiy, bayal c'aal la caiy chamel. Patil jajch'on, cha'ochon xan ta spasel te at'el ac'boton yu'un te ajwalil ta nacione. Pero ma ch'ay ta co'tan te bila la quil la caiye, melel ma xc'ot ta co'tan ya caiy.

Daniel 4:19

“Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Ezequiel 7:18

Ya slapic ch'ixal pac'. Ya me xnijc' ta scojt'ol te sbaq'uetalique. Te c'alal ya xbajt'ic ta anele, ya me stsajub bael yelawic yu'un q'uexlal, soc ya me sloq'ues te stsotsil sjolique, t'axal me ya xjil.

Ezequiel 3:15

C'oon ta lum Tel Abib ta sti'il te muc'ja' Quebar, te banti nainemic te israeletic te ic'otic bael ta mosoile. Juqueb c'aal jalajon tey a, ma ba la jna' bila ya sc'an ya jpas, soc ma ba la jna' bila ya sc'an ya cal.

Jeremías 36:24

Te muc' ajwalil soc te mach'atic toyol yat'elic te la yaiyic stojole, ma ba nijc' yo'tanic yu'un, ni seña xc'uxul mel-o'tan la yaq'uic ta ilel.

Jeremías 7:29

Jerusalén, joxa loq'uel te stsotsil ajole, ch'oja bael. C'ajintaya mel-o'tan c'ayoj ta ch'in witsetic ta jochol taquin q'uinal. Melel te Cajwaltic ilinem ta stojol te awinictaque, la spijt'esix soc la xch'ojix bael ta yo'tan.

Isaías 15:2

Te yajwal lum Dibón ya xmo bael ta oq'uel ta templo yu'unic te ay ta ch'in witse. Te Moab ya smel yo'tan yu'un te la yich'ix jinel te lum Nebo soc te lum Medeba. Spisilic joxbil sjolic, joxbil yisimic.

Salmos 143:4

Mero jc'axel tenbilon ya caiy; ma'yuconix ta q'uinal soc te co'tane.

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Job 1:20

Te Job la stejc'an sba, bayal xc'uxul mel-o'tan la yaiy. La xch'i' sc'u' yu'un, la sjox te stsotsil sjole, la squejan sba ta lum, la sc'opon Dios.

Nehemías 13:25

La cut yu'un, soc la calbey te buen amenique. Ay la jmaj, soc la jbulbey stsotsil sjolic. La cac' puersa te jc'axel ya yalic ta jamal ta stojol Dios te ma'yuc bi ora ya yaq'uiquix permiso te ya xnujbin xan soc jyanlumetic te yantsil-nich'nabic; soc ma ba ya yiq'uic uuc te jyanlum-antsetique. Soc jich la calbey xan:

2 Reyes 18:37

Te Eliaquim mayordomo ta sna muc' ajwalil, Sebna te cronista soc Joa te secretario yu'un te muc' ajwalile, la smel yo'tanic yu'un. La xch'i' sc'u'ic yu'un, bajt'ic ta stojol te Ezequías ta yalel te bi la yal te abat talem ta Asiria.

Levítico 21:5

“Ma me xju' ya st'axan sjolic, ma me xjox yisimic, soc ma me xyejch'entes sbaq'uetalic,

2 Samuel 1:11

Te David soc te jayeb mach'atic sjoinej, la sjats sc'u'ic seña xc'uxul mel-o'tan.

Salmos 119:53

Te mach'atic amenic te ya yijq'uitayic te p'ijubtesel awu'un, ya yac'bonic x'ilin co'tan yu'un.