Esdras 9:2 - Bible in Tzeltal de Oxchuc y Tenejapa

² Ja'ic soc snich'nabic te nujbinic soc te yantsil-nich'anic te winiquetic in to. Ja' yu'un te lum yu'un te Diose la scap sba soc te jyanlum-ants-winiquetique. Te mach'atic sbabial la spasic te mulil in to, ja'ic te mach'atic jwolwanejetic soc te mach'atic ay yat'elique —xi'.

Bible in Tzeltal Bachajón

² Como yic'beyejic yihnaminic te yantsil-nich'nabic soc hich nix la spasic te snich'nabique. Hich la scap sbahic te ch'ultesbil ts'umbalil soc te ants-winiquetic ta q'uinal. Te mach'atic nahil la spasic te mulil ini, ha'ic te príncipaletic soc te gobernadoretic, xchihic.

Esdras 9:2 Referans Kwoze

Deuteronomio 7:6

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Éxodo 34:16

Soc repente ya yac'beyex yantsil-nich'nabic te ya yic' sbaic soc te aquerem-nich'nabique. Jich yu'un, te c'alal ya xba yaiyic mulwej ta xch'uunel te diosetic yu'unic te yinamique, tey me ya yac' sbaic ta pejc'anel uuc te anich'nabique.

Esdras 10:2

Te Secanías snich'an Jehiel, te sts'umbal te Elam, c'opoj, jich la yalbey te Esdras: —Te jo'otique ma ba junajem co'tantic ta stojol te Dios cu'untique, melel nujbinemotic soc jyanlum-antsetic te xch'uunejic lotil diosetique. Ja'uc me to ay to bila ya xju' ta pasel ta stojol te Israele.

1 Corintios 7:14

Melel te winic te ma ba xch'uunej te Diose, u'uninbilix yu'un Dios c'oem ta scaj te nujbinem soc ants te xch'uunej Dios stuquele. Ja' nanix jich uuc te ants te ma ba xch'uunej te Diose, u'uninbilix yu'un Dios c'oem uuc ta scaj te bit'il xch'uunej Dios te smamlale. Te manchuc jichuque, te yal-snich'anique, ma lecuc sc'oplal te jichuque. Ja'uc me to, u'uninbiliquix yu'un te Diose.

Malaquías 2:15

¿Yu'un bal ma junuc nax Dios la spasbey sbaq'uetal soc xch'ulel? Te bi ya sc'an te Diose, ja' ya sc'an te sts'umbal te ch'ultesbile. Canantaya abaic ta lec soc awo'tanic, swenta yu'un ma me ayuc ya xch'ay te ac'op la awal ta jamal ta stojol te awinam la ata c'alal queremat to a.

Malaquías 2:11

Ma junuc yo'tan ta stojol Dios te Judae; yac ta spasel te bila mero c'ax amen ta jyalel ta lum Jerusalén soc ta spamal sq'uinal Israel. Te Judae la sboltesbey yutsilal te templo smulanej te Cajwaltic, melel te winiquetic ta Judá la yinaminic te antsetic te ya squejan sbaic ta xch'uunel te lotil diosetique.

Deuteronomio 14:2

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Éxodo 22:31

“Te ja'exe ch'ultesbiluquex me ta jtojol. Ma me xati'beyic sbaq'uetal lajem chambalam te milbil yu'un jti'awal ja'mal chambalam ta yol q'uinal. Ac'beyaic me sti' te ts'i'etique.

Éxodo 19:6

¡Te ja'exe ajwalilex soc sacerdoteex soc ch'ul lum c'oemex ta jtojol!” uta me —xi' te Diose.

2 Corintios 6:14

Ma me junuc yugo ya xc'oex soc te mach'atic ma ba xch'uunejic te cuxul Diose. ¿Ya bal snujp'in sba soc toj-o'tanil te bila ma stojiluque? ¿Ya bal sjoin sba soc saquil q'uinal te ijc' q'uinale?

Génesis 6:2

te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

Nehemías 13:28

Jtul te snich'nab Joiada, te snich'an muc' sacerdote Eliasib, ja' nix snial te Sanbalat te horonita-winique, la cac' loc'uc ta anel ta jtojol.

Nehemías 13:17

Ja' yu'un jich ora la calbey ta sit te jwolwanejetic ta Judá: —¿Bi yu'un te ya apasic te bila amene, te ya awac' bolobuc sc'oplal te sc'aalelal cux-o'tane?

Josué 23:12

Ya me jc'an te ya ana'ic in to: Teme ya awijq'uitay ta awo'tanic te Diose, soc teme ya acap abaic soc te ants-winiquetic te jilem ta awolilic, soc teme ay ya xnujbinex soque, te Cajwaltic te Dios cu'untic ma ba ya sloq'uesbeyex ta awolilic. Jich me ya xtuun ta atojolic te bit'il ya syaquex ta lazo soc te bit'il pejts', swenta yu'un tey ya x'ochex a te ja'exe. Jich me ya xc'ot te bit'il smajibal apatic, soc jich bit'il ch'ix ya x'och ta asitic, ja' to me ni jtuluc ya xjilex li'to ta q'uinal te mero lec, te la yac'beyex te Cajwaltic te Dios cu'untique.

Esdras 9:12

Soc la awalbotic te ma xju' ya jnujbin cantsil-nich'nabtic soc squerem-nich'nabic, soc ma xju' ya xnujbin jquerem-nich'nabtic soc yantsil-nich'nabic uuc. Soc la awalbotic te ma me ayuc bi ora ya xbajt' co'tantic ta slamantesel q'uinal ta stojolic, ni slebeyel yutsilalic te ants-winiquetic in to, swenta yu'un jich mero ya me jcanantay jbajtic a soc mero tulan ya x'ainotic a, soc ya me jwe'beytic te bitic lec ta q'uinale, soc ya me cac'beytic jilel yu'unin te jts'umbaltic ta sbajt'el q'uinale.

Esdras 9:14

¿Yu'un bal ya to xju' ya jcha'c'axintaytic te mandaliletic awu'une, ya bal xju' te ya quic' jbajtic xan soc te yantic te mero ilaybil sba scostumbreique? ¿Yu'un bal ma ba x'ilinat ta jtojoltic soc ma ba ya alajinotic, asta ja' to teme ma'yuc cuxul ya xjilotic, ni jtuluque?

Levítico 21:15

swenta yu'un ma xbolob te sts'umbale, melel jo'on Ajwalilon te ch'ultesbil cu'une —xi' te Cajwaltique.

Josué 22:15

Spisilic bajt'ic ta Galaad, ja' te ba ayic te sts'umbal Rubén, Gad soc te olil sts'umbal Manasés, jich c'o yalbeyic:

1 Reyes 11:1

Te Salomón ma ja'uc nax te yantsil-nich'an faraón te la yic' yinamin, la to yic' xan jyanlum-antsetic a: moab-antsetic, amon-antsetic, edom-antsetic, sidon-antsetic, hitita-antsetic,