Esdras 9:11 - Bible in Tzeltal de Oxchuc y Tenejapa

¹¹ la awal ta swenta te j'alwanejetic, ja' te abatetic awu'une. Ja'at neel la awalbotic te bit'il ay te q'uinal te banti ya x'ochotique, te ya awac' ta jwentatique, te boloben te q'uinal ta scaj sbolil te mach'atic ayic tey a, ta scaj te ilaybil sba scostumbreic yu'un te bit'il ma ba xch'uunejic te Diose, te ja' snojesejic ta pasel a te ixtajele.

Bible in Tzeltal Bachajón

¹¹ te hich la awal ta scuenta te jalwanejetic te a'batetic awu'un: Te q'uinal banti ya x'och awich'ic, ha bohloben sc'oblal yu'un sbohlilic te mach'atic nahinemic tey a; ta jehch ta jehch la snojesic ta bintic ihlaybil.

Esdras 9:11 Referans Kwoze

Esdras 6:21

Spisil te israeletic sujt'emiquix tel te la yich'ic loq'uesel ta slumalique, la swe'ic te we'elil yu'un Pascua. Ja' nix la sjoinic spisilic te mach'atic ma ba la yaq'uix sbaic a te bila ilaybil sba ta pasel yu'unic te nacionetic xch'uunejic loc'ombaetique, te jun la yac' sbaic soc ta yich'el ta muc' te Cajwaltic te Dios yu'un Israele.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

Esdras 9:1

C'alal ju' ta pasel in to, te jwolwanejetic talic ta jtojol, jich la yalbonic: —Te israeletic, soc nix te sacerdoteetic soc te levitaetique, ma ba ju'em yu'unic te parte yac'oj sbaic ta stojolic te mach'atic smacojic q'uinale, ja' te cananeoetic, hititaetic, ferezeoetic, jebuseoetic, amonetic, moabetic, egipcioetic soc te amorreoetique, manchuc me ilaybil sba te costumbre yu'unique te bit'il ma ba xch'uunejic te Diose.

2 Crónicas 33:2

Pero te yat'el mero ma lecuc ta sit Cajwaltic, ja' bajt' yo'tan ta spasel te bit'il ay sbol yat'el te nacionetic te la sloq'uesbey ta stojol israeletic te Cajwaltique.

Deuteronomio 18:12

Melel te Cajwaltic yilayej te mach'atic jich ya spasique. Melel te Cajwaltic Dios cu'untic ya xch'ojbeyex loq'uel ta atojolic te nacionetique, ja' ta scaj te ay jich te amen costumbreetic yu'unique.

Deuteronomio 12:31

Ma me jichuc xapasic ta stojol te Cajwaltic te Dios cu'untique. Melel te bila mero ilaybil sba ta sit te Cajwaltic, te ma xcujch'ix yu'une, ja'ic te bitic ya spasic ta swenta xch'uunel te diosetic yu'unic te nacionetique. Melel mero jc'axel ya xjelawiquix a, asta te ch'in alaletic yu'unic ya smilbeyic ta c'ajc' smajt'anin te loc'omba yu'unique.

2 Reyes 21:16

Te Manasés la sjoin te yajwal Judá ta spasel te muliletic. Soc ay to xan yan a te bitic amen la spasbey ta sit te Cajwaltique: bayal mach'atic tojol la smalbey xch'ich'el. Noj c'oem ta bayal ch'ich' yu'un ta sjunal te Jerusalén.

Esdras 9:10

“Pero yo'tic Dios cu'untic, ¿bi ya xju' ya caltic yu'un te bila jpasojtique? Ma ba ju'em cu'untic spasel te mandaliletic

Jeremías 26:5

teme mero ma x'awich'ic ta muc' te sjultesjibal awo'tanic yu'un te j'alwanejetic te abatetic cu'une, te bayal buelta la jticun tel, te la ac'axintaybeyic te sc'ope,