Esdras 9:10 - Bible in Tzeltal de Oxchuc y Tenejapa

¹⁰ “Pero yo'tic Dios cu'untic, ¿bi ya xju' ya caltic yu'un te bila jpasojtique? Ma ba ju'em cu'untic spasel te mandaliletic

Bible in Tzeltal Bachajón

¹⁰ Pero yo'tic, Dios cu'uncotic, ¿bin ya xhu' ya calcotic yu'un te bin jpasojcotique? Como la jquihquitaycotic te mandariletic awu'un

Esdras 9:10 Referans Kwoze

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

Lamentaciones 3:22

Ja' te xc'uxul yo'tan te Cajwaltique, ma'yuc slajibal stuquel, ma xch'ay te yutsil yo'tane.

Josué 7:8

Cajwal, ¿bi ya caltic yo'tic? Melel te jlumal israeletic aniquix loq'uel tel ta stojol te jcontrotique.

Génesis 44:16

La sjac' te Judá: —¿Bi c'an calbat, cajwal? ¿Ma jo'ucon, xoon bal? Dios me la yac' ta na'el stojol bit'il ay jmultic te awabatotique. Mozoinawotic ta jpisiltic soc te mach'a yich'oj a taot te vasoe —xi'.

Esdras 9:9

Manchuc me ayotic ta mozoinel, ma ba la apijt'esotic ta banti ayotic ta mozoile. La awac' quiltic yutsil awo'tan ta stojol te muc' ajwaliletic yu'un Persia, la ana' yo'bolil jbatic, la awac' jcuxlejaltic yu'un xcha'pasel xan te templo awu'un te banti jineme. Ja'at la awac'botic coltayel ta sq'uinal Judá soc ta lum Jerusalén.

Esdras 9:11

la awal ta swenta te j'alwanejetic, ja' te abatetic awu'une. Ja'at neel la awalbotic te bit'il ay te q'uinal te banti ya x'ochotique, te ya awac' ta jwentatique, te boloben te q'uinal ta scaj sbolil te mach'atic ayic tey a, ta scaj te ilaybil sba scostumbreic yu'un te bit'il ma ba xch'uunejic te Diose, te ja' snojesejic ta pasel a te ixtajele.

Nehemías 9:30

Bayal ja'wil la amaliy, soc la aticunbey ta alel ta swenta espíritu awu'un, soc ta swenta te j'alwanejetic awu'une. Pero ma ba la yich'ic ta muc'. Ja' yu'un la awac'bey ta sc'ab nacionetic ta spamal te lumq'uinale.

Nehemías 9:34

Ni ja'uc te muc' ajwaliletic cu'untic, te jwolwanejetic, te sacerdoteetic, ni ja'uquic te antiguo jme'-jtatic c'ot ta pasel yu'unic te mandaliletic awu'une, soc ni ja'uc ay sc'oplal c'ot yu'unic te tojtesel awu'une.

Salmos 106:6

Pajal jtaojtic jmultic ta atojol, jich nix bit'il te antiguo jme'-jtatique; jowejemotic, la jpastic te bila ma lecuque.