Esdras 9:1 - Bible in Tzeltal de Oxchuc y Tenejapa

¹ C'alal ju' ta pasel in to, te jwolwanejetic talic ta jtojol, jich la yalbonic: —Te israeletic, soc nix te sacerdoteetic soc te levitaetique, ma ba ju'em yu'unic te parte yac'oj sbaic ta stojolic te mach'atic smacojic q'uinale, ja' te cananeoetic, hititaetic, ferezeoetic, jebuseoetic, amonetic, moabetic, egipcioetic soc te amorreoetique, manchuc me ilaybil sba te costumbre yu'unique te bit'il ma ba xch'uunejic te Diose.

Bible in Tzeltal Bachajón

¹ C'alal hu' ta pasel a ini, te príncipaletic talic ta jtojol, hich la yalbonic: Te pueblo Israel soc te sacerdotehetic soc levitahetic ma ba parte yac'oj sbahic ta stojol te yantic ants-winiquetic ta q'uinal, ha te cananeo, heteo, ferezeo, jebuseo, amonita, moab, egipcio soc te amorreohetic, hich yac spasbelic te bin ilobtic sba yu'unic.

Esdras 9:1 Referans Kwoze

Nehemías 9:2

Parte la yac' sbaic ta stojolic te mach'atic sts'umbal jyanlumetique. Jich la stejc'an sbaic ta yalel ta jamal te smulique, soc te smul te antiguo sts'umbalic tele.

Éxodo 33:16

Melel teme ma la ajoinotic baele, ¿bit'il ya xna'ot te lec c'oemon ta asit te jo'one soc te lum awu'une? Melel ja' nax jich ya xchicnaj ta ilel jo'on soc te lum awu'un, te ma pajalucon soc te jyanlumetique —xi' te Moisese.

Jeremías 26:16

Jich yu'un te jtsobwanejetic soc te lum la yalbeyic te sacerdoteetic soc te j'alwanejetique: —Ma'yuc bi swentail te ya yil swocol ta lajel te winique. La sc'oponotic ta swenta Cajwaltic te Dios cu'untique —xiic.

Jeremías 26:10

Te jtsobwanejetic yu'un Judá, c'alal la yaiyic stojol te bila yac ta c'oel ta pasele, loq'uic tel ta spalacio muc' ajwalil, bajt'ic ta templo, najc'ajic ta bay Yach'il Ti'nail sbiile.

Isaías 52:11

Loc'aniquix, loc'aniquix bael ta Babilonia; ma me x'apiquic te bila ma lecuc sc'oplale, loc'aniquix bael ta Babilonia. Lecubenuquex me ta lec, ja'ex te ya awich'ic bael sbiluquil te templo yu'un te Cajwaltique.

Salmos 106:35

Ja' ba scapin sba soc te mach'atic ma'yuquic ta stojol te cuxul Dios, soc la snopbeyic te scostumbreique.

Nehemías 4:3

Tey teq'uel ta xujc' a te Tobías te talem ta Amón, jich la yal: —A, ilawilic te ts'ajc' yacalic ta spasele. Te yacuc xmo bael jcojt'uc wax tey ae, tic' ya yaiy ya xjin coel a te jichuque —xi'.

Esdras 10:8

Ta spisil te mach'atic ma ba ya xc'otic te ya yich'ic maliyel oxeb c'aale, la xchapic te jwolwanejetic soc te jtojteswanejetique te ya me yich'ic ich'el te q'uinal yu'unique soc ya me yich'ic loq'uesel bael ta stojolic te mach'atic sujt'emic tel te ac'bot yijq'uitay slumalique.

2 Crónicas 33:2

Pero te yat'el mero ma lecuc ta sit Cajwaltic, ja' bajt' yo'tan ta spasel te bit'il ay sbol yat'el te nacionetic te la sloq'uesbey ta stojol israeletic te Cajwaltique.

1 Reyes 11:1

Te Salomón ma ja'uc nax te yantsil-nich'an faraón te la yic' yinamin, la to yic' xan jyanlum-antsetic a: moab-antsetic, amon-antsetic, edom-antsetic, sidon-antsetic, hitita-antsetic,

Deuteronomio 18:9

“Te c'alal ochexix bael ta lumq'uinal te ya yac'beyex te Cajwaltic te Dios cu'untique, ma me xanopic spasel te sbol costumbreic te nacionetic tey a.

Números 23:9

C'alal li'to ta toyol tontiquil, ya xju' cu'un yilel, ta witstiquil ya quil: Ja' me jchajp lum te parte yac'oj sbaique, te yan yilel yu'un a te jyanlumetique.

Levítico 18:3

“Ma me xat'unbeyic scostumbre te egipcioetic tey ta lumq'uinal ta banti nainexe. “Ma me xat'unbeyic scostumbre te cananeoetic, tey ta lumq'uinal te banti ya quiq'uex baele, soc ma me xat'unbeyic te mandaliletic yu'unique.

Éxodo 23:23

Te ch'ul abat cu'un ya me xneelaj bael awu'un. Tey me ya yiq'uex bael a ta bay slumal te amorreoetic, hititaetic, ferezeoetic, cananeoetic, heveoetic soc te jebuseoetique. Ja'ic te ya cac' ta lajel ta spisilic.

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Génesis 15:16

Ta xchancajal ats'umbal ya xcha'talic xan li'to, yu'un ma to sts'acaj jayeb smul te amorreoetique —xi' sc'oplal yu'un.

Nehemías 4:7

Pero te c'alal la yaiyic te Sanbalat, te Tobías, te árabeetic, te amonetic soc te mach'atic ayic ta Asdod, te xquechet ta ju'el bael ta cha'pasel xan te sjoyob ts'ajc'ul te Jerusalén, soc te yaquix ta majq'uel tel te banti jamale, mero bayal jajch' slab yo'tanic yu'un.

Nehemías 13:23

Soc ta c'aal in to, la quil te ay judioetic te nujbinemic soc asdod-antsetic, amon-antsetic, soc moab-antsetic.

Malaquías 2:11

Ma junuc yo'tan ta stojol Dios te Judae; yac ta spasel te bila mero c'ax amen ta jyalel ta lum Jerusalén soc ta spamal sq'uinal Israel. Te Judae la sboltesbey yutsilal te templo smulanej te Cajwaltic, melel te winiquetic ta Judá la yinaminic te antsetic te ya squejan sbaic ta xch'uunel te lotil diosetique.

Números 25:6

Ja'uc me to, ay jtul israel-winic te la yic' bael ta sna jtul madián ants ta sit Moisés soc ta sit ta spisil te israeletic te stsoboj sbaic, te yacalic ta oq'uel ta yochibal te Nailpac' te bay ya yich' c'oponel te Cajwaltique.

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Deuteronomio 23:8

Ta yoxcajal patil alnich'anetic yu'unic ya me xju' ya stsob sba soc Israel ta stojol te Cajwaltique.

Josué 23:12

Ya me jc'an te ya ana'ic in to: Teme ya awijq'uitay ta awo'tanic te Diose, soc teme ya acap abaic soc te ants-winiquetic te jilem ta awolilic, soc teme ay ya xnujbinex soque, te Cajwaltic te Dios cu'untic ma ba ya sloq'uesbeyex ta awolilic. Jich me ya xtuun ta atojolic te bit'il ya syaquex ta lazo soc te bit'il pejts', swenta yu'un tey ya x'ochex a te ja'exe. Jich me ya xc'ot te bit'il smajibal apatic, soc jich bit'il ch'ix ya x'och ta asitic, ja' to me ni jtuluc ya xjilex li'to ta q'uinal te mero lec, te la yac'beyex te Cajwaltic te Dios cu'untique.

2 Crónicas 8:7

Te Salomón la yac'bey spas tulanil at'el te hititaetic, amorreoetic, ferezeoetic soc te jebuseoetic, te ma israeleticuc te nainic jilel ta yolilique,

Esdras 10:2

Te Secanías snich'an Jehiel, te sts'umbal te Elam, c'opoj, jich la yalbey te Esdras: —Te jo'otique ma ba junajem co'tantic ta stojol te Dios cu'untique, melel nujbinemotic soc jyanlum-antsetic te xch'uunejic lotil diosetique. Ja'uc me to ay to bila ya xju' ta pasel ta stojol te Israele.