Esdras 8:22 - Bible in Tzeltal de Oxchuc y Tenejapa

²² Q'uexawon ta sc'anel ta stojol ajwalil te soldadoetic cajajtic ta caballoetic, te yu'un ya scoltayotic ta sc'ab jcontrotic ta be, melel calojbeytic te muc' ajwalil te Dios ya xcoltayotic yu'un spisilic te mach'atic ya sleique, pero ya yac' bael spisil yip soc yilimba ta stojol spisilic te mach'atic ya xch'ay ta yo'tanic te Diose.

Bible in Tzeltal Bachajón

²² Como q'uexawon ta sc'ambeyel te ajwalil soldadohetic soc jmoheletic ta cawu te ya scoltayotic ta stojol te jcontratic ta be; como hich calbeyejtic te ajwalil: Te sc'ab te Dios cu'uncotic ay ta stojol spisil mach'atic ya slehic, pero te yu'el soc te yilimba ya scontrahin te mach'atic ya yihquitayic, xchihotcotic.

Esdras 8:22 Referans Kwoze

1 Pedro 3:12

Melel te Cajwaltic tey me yac'oj sit ta stojol te mach'atic toj te bila ya spasique, soc ya me x'aiybot sc'opic yu'un te c'alal ya sc'oponique. Ja'uc me to, contro ya x'ilotic yu'un te mach'atic ya spasic te bila amene”, te xie.

2 Crónicas 16:9

Melel te Cajwaltic yat'elinej yilel spisil te bitic ya xc'ot ta pasel ta balumilal, swenta yu'un ya yac'bey yip te mach'atic jun yo'tanic ya yac' smuc'ul yo'tanic ta stojole. Te bila la apasixe, mero bol ta jyalel. Melel jamal ya calbat, ay me bael guerra ya xtal ta atojol —xi' te j'alwaneje.

Lamentaciones 3:25

Te Cajwaltic lec te bila ya spasbey te mach'a ja' ya smuc'ulin yo'tane, te mach'atic ya xbajt' yo'tanic ta sc'oponele.

2 Crónicas 15:2

jich loc' bael, ba sta sba ta c'op soc Asa swenta yu'un ya yalbey: —Aiybon awaiyic stojol jc'op, ja'at Asa, soc ta apisilic ta Judá soc ta Benjamín. Te ja'ex sjoinejex te Cajwaltic, teme jun awo'tan ya awac' abaic ta stojole. Teme ya aleique, ya me ataic; yan teme ya awijq'uitayic ta awo'tanic, jich nix me ya yijq'uitayex ta yo'tan.

Salmos 34:22

Ja'uc me to, te Cajwaltic ya scoltaybey xcuxlejalic te abatetic yu'une; ma ba ya yich'ic castigo te mach'atic ja' ya smuc'ulin yo'tanique.

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

Hebreos 10:38

Te mach'a toj ya x'ilot yu'un Dios, ya me xcuxin ta swenta xch'uunjel yo'tane. Yan teme ya sujt' ta spate, ma ba lec co'tan yu'un”, te xie.

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Esdras 7:28

Soc te la awac'bon quil yutsil awo'tan ta stojol te muc' ajwalil, soc te sjo'tac ta at'el, soc te yantic winiquetic ich'bilic ta muc' te sjoy ta at'el te ajwalile. Soc la awac'bon yip co'tan, melel ta swenta bit'il la acoltayon, ju' cu'un stsobel te israeletic ich'bilic ta muq'ue, swenta yu'un la sjoinon sujt'el tel —xi' ta sc'oponel Dios te Esdras.

Josué 23:16

teme ma x'ac'otesic ta pasel te trato te la xchap ta atojolique. Teme ya xbaex ta xch'uunel yantic diosetic, soc teme ya xba aquejan abaic ta stojol, ya me x'ilin ta atojolic te Cajwaltique, jich me ora ya slajinex ta q'uinal ta bay mero lec te la yac'beyexe —xi' te Josué.

2 Corintios 7:14

La calbey te Titoe te mero lec te awo'tanique. Ma la jta q'uexlal yu'un te bila la calbeye. Jich bit'il smelelil te bila la calbeyexe, jich ma lotiluc spisil te bila la calbey te Titoe, te bin nax co'tan awu'unique.

1 Corintios 9:15

Ja'uc me to, te jo'one ma'yuc bi la jc'an te ya x'ac'boton. Soc te bit'il jich la jts'ibubeyexe, ma yu'unuc ya jc'an te ay bila ya awac'bonique. Ja' lec te yacuc lajucon teme ay mach'a ya spojbon te sbujts' co'tan te quich'oje.

Salmos 90:11

¿Mach'a ya sna'bey sba te yip te awilimbae? ¿Mach'a ya sna'bey sba te sc'ajc'al awo'tane?

Josué 22:16

—Te jo'otic talotic ta c'op ta swenta te lum yu'un te Cajwaltique. ¿Bi mulil te la apasic ta stojol te Dios cu'untique? ¿Bistuc la awijq'uitay ta awo'tanic te ba apasbeyic yan scajtijib ta chiq'uel majt'anil ta swenta toybail ta stojol te Cajwaltique?

Esdras 8:31

Ta slajchayebal c'aal sjajch'el a te sbabial u, jajch'otic bael jo'otic ta muc'ja' Ahava, tojotic bael ta Jerusalén. Te Dios cu'untique, la scoltayotic bael ta sc'ab te jcontrotic soc ta sc'ab j'eleq'uetic ta be.

Nehemías 2:9

C'alal c'oon ta stojolic te ajwaliletic te ayic ta stojol smalib c'aal yu'un Eufrates, la cac'bey te cartaetic yu'un te muc' ajwalile. Ja' nix te muc' ajwalil te la sticunbon join jchajp soldadoetic te cajajtic ta caballoetic te wentainbilic yu'un te capitanetic yu'unic.

Salmos 20:8

Ya me xlaj yipic, ya me xyalic, yan te jo'otic, tulan ya jtejc'an jbatic ta stojol te jcontrotactique.