Esdras 8:21 - Bible in Tzeltal de Oxchuc y Tenejapa

²¹ Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Bible in Tzeltal Bachajón

²¹ La jpuc ta halel te ya me jcom jwe'eltic tey ta ti'muc'ul-ha' Ahava scuenta yu'un ya jpehc'an jbahtic ta stojol te Dios cu'untic soc ya jc'ambetic te lecuc ya xc'oht te behel cu'untic soc te alaletic soc te biluquetic cu'untique.

Esdras 8:21 Referans Kwoze

2 Crónicas 20:3

Te Josafat xiw yo'tan yu'un, la snop te ya sjojc'obey te Cajwaltique. La spucbey sc'oplal te ya scom swe'elic ta spamal Judá.

Joel 1:14

Tsobaic te lume, coma awe'elic; tsobaic ta templo yu'un Cajwaltic, ja' te Dios awu'unique. Tsobaic te ancianoetic soc ta spisil te yajwal lumq'uinale, c'oponaic te Cajwaltique.

Isaías 30:21

Teme ya xjowejat bael ta wa'el o ta q'uexen, ya me awaiy c'op ta apat, jich me ya yalbat: “Tey ay te be, beenanic”, xi' me.

1 Samuel 7:6

Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.

Jonás 3:5

Ta spisil te yajwal te lume, muc'-biq'uitetic, la xch'uunic te Diose, soc la yalic mandal te ya scom swe'elic soc te ya slapic ch'ixal pac'.

Levítico 16:29

“Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

Levítico 23:29

Te mach'a ma ba ya scom swe'el ta Sc'aalelal Perdón, mach'auc a te ma ba ya xch'uun spasel, ya me yich' loq'uesel ta stojol te slumale.

Hechos 2:39

Melel ja' awu'unic te albil sc'oplale, soc uuc te awal-anich'anique, soc ta spisil te mach'atic c'ubul ayique, chican te jayeb mach'a ya x'ic'ot yu'un te Cajwaltic Diose —xi'.

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

Salmos 5:8

Cajwal, ta scaj te jcontrotac neelajan bael cu'un ta sbelal toj-o'tanil awu'un, ic'awon bael ta lequil be.

Esdras 8:15

Jo'on te Esdras la jtsob spisilic ta nopol muc'ja' te c'oem ta Ahava. Tey jalajotic oxeb c'aal ta yol q'uinal. Te c'alal la cajtay te mach'atic ayic tey a, soc nix te sacerdoteetic, ma'yuc banti la jta jtuluc levita.

Jeremías 10:23

“Cajwal, ya jna' te ants-winiquetic te ma yu'unuc te xcuxlejalique, ma ja'uc ya spas mandal te bit'il ya xbajt' ta loq'uel te xcuxlejale.

Isaías 58:5

¿Ya bal acuyic te bin nax co'tan yu'un te jich ya apasic ayunoe? ¿Ja' bal lec awaiy te ya awac' abaic ta mel-o'tan? ¿Ja' bal lec awaiy te ya atinan coel ajol jichuc snich ac, soc te ya alap ta metslej ch'ixal paq'uetic ta c'ajc'al tane? ¿Ja' bal spasel ayuno sbiil awu'unic abi? ¿Soc ja' bal te bi c'aalil bin nax co'tan ta ac'opic a te Awajwalone?

Isaías 58:3

Ja'uc me to, ya yalic: “¿Bistuc ya jpastic ayuno? Melel ma xyil te Diose. ¿Bistuc ya cac' jwocoltic, teme ma'yuc ta wenta yu'une?” xiic ta yalel. Ja'uc me to, te bi c'aalil ya yich' pasel ayunoe, ja' ya awat'elinic chonbajel a, soc ya atenic xan ta at'el te awinictaque.

Isaías 49:10

“Ma me ayuc wi'nal, soc ma me ayuc taquinti'il ya yaiyic; ma x'uts'inotic yu'un te c'aale, ni sq'uixnal te q'uinale. Melel c'uxic ta co'tan soc ya xneelajon yu'unic, soc ya quic' bael ta sloq'uibja'etic.

Proverbios 3:6

Ta spisil te bitic ya apase, ja'uc me ay ta awo'tan te Cajwaltique, ja' me ya yic'at bael ta tojil be stuquel.

Jueces 20:26

Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.

Levítico 16:31

Ja' me te stalel ya xjil ta atojolique: ja' me jun c'aal te tsabil ta atojolic te yorail ya acux awo'tanic, soc tsabil yu'un yorail ya acom awe'elic.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Salmos 8:2

Ta swenta yutsil ac'oplal ay ta alel yu'un alaletic, ja' te mach'atic ya to xchu'unique, la apas anjibal ta scaj acontrotac, swenta yu'un ya xjin ta jyalel te jtoybaetic soc te jcontroinwanejetique.

Esdras 8:31

Ta slajchayebal c'aal sjajch'el a te sbabial u, jajch'otic bael jo'otic ta muc'ja' Ahava, tojotic bael ta Jerusalén. Te Dios cu'untique, la scoltayotic bael ta sc'ab te jcontrotic soc ta sc'ab j'eleq'uetic ta be.

Números 14:31

Te anich'nabic te la awalic te ya yu'uninbeyex te acontroic, ya quic' bael stuquelic ta q'uinal te ma ba lec la awilic te ja'exe. Ja'ic me ya xba yaiybeyic te yutsilale.

Números 14:3

¿Bi yu'un la yic'otic tel Cajwaltic li' ta lumq'uinal to? ¿Swenta bal yu'un ya xlajotic ta guerra? Te quinamtic soc te jnich'nabtic ya x'ochic ta sc'ab te jcontrotique. Ja' lec xan te ya sujt'otic bael ta Egipto —xiic.

Jonás 3:7

Te muc' ajwalil soc te sjo'tac ta ajwalil ay bila la xchapic ta stojol te slumalique, jich la yalic: —Ma me ayuc mach'a ay bila ya swe', soc ma me xyac'beyic swe'el soc ma me xyac'beyic yuch' ja' te swacaxic soc te chijetic yu'unique.

2 Crónicas 20:4

Jich yu'un te yajwal Judá la stsob sbaic ta sc'anel coltayel yu'un te Cajwaltic, ay talic ta spisil lumetic ta spamal sq'uinal Judá.

Nehemías 9:1

Ta chaneb xcha'winic c'aal sjajch'el a te ue, te israeletic la stsob sbaic, yu'un ya scom swe'elic. La slapic ch'ixal pac' soc la yac' ts'ubil lum ta sjolic.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

Salmos 5:9

Te mach'atic amenic ma'yuc bay lec te sc'opique; yac ta bolobel te yo'tanique. Jujt'ul muquenal te yeique; te ye yat'elinej paslot ta jyalel.

Salmos 137:1

Nacalotic ta sti'il muc'ja'etic ta Babilonia a, yacalotic ta oq'uel yu'un sna'el te Sión.

Jeremías 42:3

Albotic wocol a te Cajwaltic Dios, ac'a stojtesotic te bit'il ya sc'an ya x'ainotique, soc te bila ya sc'an ya jpastique —xiic.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.