Esdras 8:16 - Bible in Tzeltal de Oxchuc y Tenejapa

¹⁶ Ja' yu'un, la jticun bael te Eliezer, Ariel, Semaías, Elnatán, Jarib, Elnatán, Natán, Zacarías soc Mesulam, yu'un ja'ic te winiquetic te ich'bilic ta muq'ue, soc nix te maestroetic Joiarib soc Elnatán.

Bible in Tzeltal Bachajón

¹⁶ Ha yu'un la jticonlan bahel te Eliezer, Ariel, Semaías, Elnatán, Jarib, Elnatán, Natán, Zacarías soc Mesulam, te príncipal winiquetic, soc te Joiarib soc Elnatán, te p'ijil winiquetic.

Esdras 8:16 Referans Kwoze

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

2 Timoteo 2:7

Na'ulaya me spisil te bila la calixe. Ja' me ya yac'bat ana'bey swentail ta spisil te Cajwaltique.

Daniel 2:21

Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

Proverbios 28:2

C'alal yac ta bolobel te lume, ya x'esmajic tsobol te ajwaliletic yu'un; yan te lequil ajwalile, ya yac' lamal q'uinal ta stojol slumal.

Proverbios 20:5

Te mach'a ay bila snopoj ta yo'tan, jich c'oem te bit'il snabilal te ja'e; yan te mach'a ay sp'ijile, ya me sta te bila nopbil yu'une.

Proverbios 2:6

Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.

Esdras 10:39

Selemías, Natán, Adaía,

Esdras 10:21

Te sts'umbal te Harim, ja'ic te Maasías, Elías, Semaías, Jehiel soc Uzías.

Esdras 8:18

Wocol la yal te Diose, la yiq'uic tel te Serebías, ja' te winic te mero ya sna' at'el ta leque, te ja' sts'umbal te levita te Mahli sbiile, soc nix snich'nab soc yermanotac, waxaclajuneb ta spisilic.

Esdras 8:13

Elifelet, Jeiel soc Semaías, te slajibal sts'umbal Adonicam. Joinbilic yu'un oxwinic (60) winiquetic te sujt'ic xan tel ta patile.

2 Crónicas 2:12

Soc la yal xan: “Bin nax me yutsil te Awajwal, te Dios yu'un lum Israel, te la spas te ch'ulchan soc te balumilale, melel la yac'bey jtul snich'an te muc' ajwalil David te ay sp'ijil yo'tan, te buen p'ijtesbil soc te ya sna' stsajtayel spisile. Ja' ya yac' ta pasel templo yu'un te Yajwal soc te muc'ul na yu'un te bit'il muc' ajwalile.

1 Crónicas 26:14

Te Selemías ta swenta número ta na'el, ja' c'ot ta swenta te ti'nail ta stojol sloq'uib c'aale. Te Zacarías, ja' te snich'ane, te ay sp'ijil yu'un tojteswaneje, ja' c'ot ta swenta te ti'nail ay ta stojol norte.

1 Crónicas 12:32

Te sts'umbal Isacar: ay talic lajunwinic (200) jtsobwanejetic te swentainejic spisil te sts'umbalique. Ja'ic te ya sna'ic stsajtayel ta lec te bila ya sc'an ya spasic te israeletique.

1 Reyes 3:11

jich la yalbey: —Ma ja'uc la ac'anbon najt' acuxlejal, ni ja'uc la ac'anbon ac'ulejal, soc ni ja'uc la ac'anbon slajel te acontrotaque; ja' la ac'anbon sp'ijil awo'tan ta yaiyel sc'opic soc ta mandalteswanej.

Esdras 8:15

Jo'on te Esdras la jtsob spisilic ta nopol muc'ja' te c'oem ta Ahava. Tey jalajotic oxeb c'aal ta yol q'uinal. Te c'alal la cajtay te mach'atic ayic tey a, soc nix te sacerdoteetic, ma'yuc banti la jta jtuluc levita.

Esdras 8:17

La calbey bael mandal te ya xbajt' yula'tayic te Ido, te ja' jwolwanej yu'un te Casifia sbiile. La calbey bael spisil te bila ya xc'o yalbey te Ido, soc te sjo'tac te abatetic yu'un templo te ayic ta Casifia, swenta yu'un ya yic'botic tel winiquetic, yu'un ya scoltayotic tey ta templo yu'un te Dios cu'untique.