Esdras 8:15 - Bible in Tzeltal de Oxchuc y Tenejapa

¹⁵ Jo'on te Esdras la jtsob spisilic ta nopol muc'ja' te c'oem ta Ahava. Tey jalajotic oxeb c'aal ta yol q'uinal. Te c'alal la cajtay te mach'atic ayic tey a, soc nix te sacerdoteetic, ma'yuc banti la jta jtuluc levita.

Bible in Tzeltal Bachajón

¹⁵ La jtsobticlan ta ti'muc'ul-ha' te ya xbaht ta Ahava, tey halajotic oxeb c'ahc'al ta campamento. La jquil te ay sacerdotehetic, pero ma ba la jta jtuhluc levita.

Esdras 8:15 Referans Kwoze

Esdras 8:31

Ta slajchayebal c'aal sjajch'el a te sbabial u, jajch'otic bael jo'otic ta muc'ja' Ahava, tojotic bael ta Jerusalén. Te Dios cu'untique, la scoltayotic bael ta sc'ab te jcontrotic soc ta sc'ab j'eleq'uetic ta be.

Esdras 8:21

Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Esdras 7:7

bajt' ta Jerusalén te Esdras soc jchajp israeletic, ja'ic te sacerdoteetic, levitaetic, jc'ayojetic, jcanan-ti'nailetic soc mach'atic abatetic yu'un templo. Jich c'ot ta pasel ta sjuquebal ja'wil yat'el ta muc' ajwalil a te Artajerjes.

Ezequiel 3:15

C'oon ta lum Tel Abib ta sti'il te muc'ja' Quebar, te banti nainemic te israeletic te ic'otic bael ta mosoile. Juqueb c'aal jalajon tey a, ma ba la jna' bila ya sc'an ya jpas, soc ma ba la jna' bila ya sc'an ya cal.

Salmos 137:1

Nacalotic ta sti'il muc'ja'etic ta Babilonia a, yacalotic ta oq'uel yu'un sna'el te Sión.

Esdras 8:2

Gersón, te sts'umbal Finees; Daniel, te sts'umbal Itamar; Hatús snich'an Secanías, te sts'umbal David; Zacarías te sts'umbal Paros. Joinbil yu'un lajuneb swaxacwinic (150) winiquetic te ochemic ta lista soque.

Hechos 16:13

Ta sc'aalelal cux-o'tan loc'otic bael ta patlum ta bay ti'ja' te banti c'aemic te ya stsob sbaic ta sc'oponel te Diose. Tey la jnajc'an jbatic a, soc la calbeytic yaiyic te lec yach'il c'op te antsetic te stsoboj sbaique.

Ezequiel 1:1

Jo'on te sacerdote Ezequiel te snich'anon Buzi. Ay jun c'aal te ayon ta sti'il muc'ja' Quebar a, te ay ta sq'uinal Babilonia, soc ja' nix joy te yantic te ic'oton ta mosoil soque. Ja' yorail a la sjam sba te ch'ulchane, ac'boton quil te Diose. Yo'ebal c'aal a te xchanebal u, te slajunebal xcha'winic (30) ja'wile, jo'eb ja'wil sbael a te ic'ot bael ta chuquel te muc' ajwalil cu'untic Joaquín. Te Cajwaltic la yac' tel yu'el ta jtojol.

Esdras 7:24

Soc ya me ana'ic uuc te ma xju' ya yich' c'anel patan, sloc'ol biluc, o yantic pataniletic ta stojolic mach'auc sacerdoteil, levitaetic, jc'ayojetic, jcanan-ti'nailetic, abatetic yu'un templo, soc mach'auc a te ya yac' sba ta abatinel ta templo yu'un te Diose.

Esdras 8:14

Utai soc Zabud, te sts'umbal Bigvai. Joinbilic yu'un lajuneb xchanwinic (70) winiquetic.

Esdras 8:16

Ja' yu'un, la jticun bael te Eliezer, Ariel, Semaías, Elnatán, Jarib, Elnatán, Natán, Zacarías soc Mesulam, yu'un ja'ic te winiquetic te ich'bilic ta muq'ue, soc nix te maestroetic Joiarib soc Elnatán.

Esdras 7:28

Soc te la awac'bon quil yutsil awo'tan ta stojol te muc' ajwalil, soc te sjo'tac ta at'el, soc te yantic winiquetic ich'bilic ta muc' te sjoy ta at'el te ajwalile. Soc la awac'bon yip co'tan, melel ta swenta bit'il la acoltayon, ju' cu'un stsobel te israeletic ich'bilic ta muq'ue, swenta yu'un la sjoinon sujt'el tel —xi' ta sc'oponel Dios te Esdras.