Esdras 8:1 - Bible in Tzeltal de Oxchuc y Tenejapa

¹ Ja' lista yu'un te mach'atic jwolwanejetic yu'un chajbalchajp na, chican te bit'il ochemic ta jun ta chajbalchajp, te sujt'ic loq'uel tel ta Babilonia soc Esdras, te jayeb ja'wil ay ta muc' ajwalil te Artajerjes:

Bible in Tzeltal Bachajón

¹ Ha'ic ini te jtsobawetic yu'un chahpalchahp sna sme'static, te mach'atic ts'ihbabil sts'umbalic te la sjoquinon loq'uel tal ta Babilonia te c'alal ay ta ajwalil a te Artajerjes:

Esdras 8:1 Referans Kwoze

Esdras 7:7

bajt' ta Jerusalén te Esdras soc jchajp israeletic, ja'ic te sacerdoteetic, levitaetic, jc'ayojetic, jcanan-ti'nailetic soc mach'atic abatetic yu'un templo. Jich c'ot ta pasel ta sjuquebal ja'wil yat'el ta muc' ajwalil a te Artajerjes.

Esdras 7:13

“La calix mandal te spisil israeletic te ayic ta q'uinal te banti c'alal jwentainej te jo'on muc' ajwalilone, teme ya sc'anic ya sjoinat bael ta Jerusalén, ya xju' ya xbajt'ic, soc nix teme sacerdote o levita.

Esdras 2:62

Ja'ic in to la sle sbiilic ta lista yu'un te juju-jchajp na, pero ma ba la staic tey a. Ja' yu'un ma ba ochic ta sacerdoteil.

Esdras 1:5

Te jwentainwanejetic yu'un jujun na ta Judá soc ta Benjamín soc te sacerdoteetic, soc te levitaetique, ja'ic ta spisil te tijbot yo'tanic yu'un te Diose, la xchajban sbaic yu'un te bael ta Jerusalén, soc ta xcha'pasel xan te templo yu'un te Cajwaltique.

2 Crónicas 26:12

Te yajtalul ta spisil te jwolwanejetic yu'un ta chajbalchajp te yac'oj sbaic ta soldadoil te tulanique, ay cha'mil soc lajunwinic xcha'bajc' (2,600) soldadoetic.

1 Crónicas 26:32

Ay cha'mil soc jo'lajunwinic xcha'bajc' (2,700) jwolwanejetic ta chajbalchajp te ay yip yo'tanique. Te muc' ajwalil David la yac'bey yat'el yu'un ya swentainic te sts'umbal Rubén, Gad soc te olil sts'umbal Manasés, ta xchajbanel spisil te bitic yat'el Dios soc yat'el te ajwalile.

1 Crónicas 24:31

Ja' nix jich la yich'ic puquel ta swenta número ta na'el te mach'atic jtsobwanej soc te mach'atic ay yu'un te ijts'inale, jich nix te bit'il la spas te yermanotac, ja' te sts'umbal Aarón. La yich' pasel ta stojol te muc' ajwalil David, ta stojol Sadoc, ta stojol Ahimelec, soc ta stojol te mach'atic jwolwanejetic yu'un chajbalchajp te sacerdoteetic soc te levitaetique.

1 Crónicas 9:34

Ja'ic spisilic levitaetic, te jwolwanejetic yu'un sts'umbal Leví, te nainic tel ta cajalcaj ta Jerusalén.

1 Crónicas 9:1

Jich ts'ibubil jilel ta jun spisil Israel ta bay libro yu'un te ajwaliletic ta Israel. Ja'uc me to, te ants-winiquetic ta Judá chucotic bael ta Babilonia, ta scaj te la stoy sbaic ta stojol Dios.

1 Crónicas 4:33

ta spisil soc te ch'in lumetic ta sjoyobal ja' to c'alal lum Baalat. Ja' yawilic ta bay ainic, soc te bay la yac' sbaic ta najc'anel ta jun soc te mach'atic ay yu'unique.

Esdras 7:28

Soc te la awac'bon quil yutsil awo'tan ta stojol te muc' ajwalil, soc te sjo'tac ta at'el, soc te yantic winiquetic ich'bilic ta muc' te sjoy ta at'el te ajwalile. Soc la awac'bon yip co'tan, melel ta swenta bit'il la acoltayon, ju' cu'un stsobel te israeletic ich'bilic ta muq'ue, swenta yu'un la sjoinon sujt'el tel —xi' ta sc'oponel Dios te Esdras.

Esdras 8:2

Gersón, te sts'umbal Finees; Daniel, te sts'umbal Itamar; Hatús snich'an Secanías, te sts'umbal David; Zacarías te sts'umbal Paros. Joinbil yu'un lajuneb swaxacwinic (150) winiquetic te ochemic ta lista soque.

Esdras 2:2

Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

Esdras 2:3

te mach'atic sts'umbal Paros, cha'mil soc lajchayeb sbalunwinic (2,172)

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,