Esdras 7:6 - Bible in Tzeltal de Oxchuc y Tenejapa

⁶ Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Bible in Tzeltal Bachajón

⁶ hahch loq'uel ta Babilonia. Te Esdras p'ijuben ta lec yu'un te ley yu'un Moisés te a'bot yu'un Jehová te Dios yu'un Israel; soc ha a'bot yu'un te ajwalil spisil te bintic la sc'an, como te sc'ab te Jehová te Dios yu'un ay ta stojol te Esdras.

Esdras 7:6 Referans Kwoze

Esdras 8:22

Q'uexawon ta sc'anel ta stojol ajwalil te soldadoetic cajajtic ta caballoetic, te yu'un ya scoltayotic ta sc'ab jcontrotic ta be, melel calojbeytic te muc' ajwalil te Dios ya xcoltayotic yu'un spisilic te mach'atic ya sleique, pero ya yac' bael spisil yip soc yilimba ta stojol spisilic te mach'atic ya xch'ay ta yo'tanic te Diose.

Esdras 7:28

Soc te la awac'bon quil yutsil awo'tan ta stojol te muc' ajwalil, soc te sjo'tac ta at'el, soc te yantic winiquetic ich'bilic ta muc' te sjoy ta at'el te ajwalile. Soc la awac'bon yip co'tan, melel ta swenta bit'il la acoltayon, ju' cu'un stsobel te israeletic ich'bilic ta muq'ue, swenta yu'un la sjoinon sujt'el tel —xi' ta sc'oponel Dios te Esdras.

Esdras 8:31

Ta slajchayebal c'aal sjajch'el a te sbabial u, jajch'otic bael jo'otic ta muc'ja' Ahava, tojotic bael ta Jerusalén. Te Dios cu'untique, la scoltayotic bael ta sc'ab te jcontrotic soc ta sc'ab j'eleq'uetic ta be.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Nehemías 2:18

Te c'alal la calbey yaiyic te bit'il mero ay yutsil yo'tan te Dios te la scoltayone, soc te sc'op te muc' ajwalil la yalbone, la sjac' spisilic, jich la yalic: —Jajch'tic ta cha'pasel xan te jlumaltique —xiic. Ta mero spisil yo'tanic talel c'axel la sjoin sbaic ta at'el.

Nehemías 2:8

Soc yan xan jun ts'ibubil yu'un ya xc'o cac' ta stojol Asaf te ja' jcanan-te'etic yu'un te muc' ajwalile, swenta yu'un yacuc yac'bon te' swenta yu'un ya me cac'bey xan te spuertail te toyol ts'ajc' yu'un te templo, soc nix te sjoyob ts'ajc'ul te lume, soc nix te na banti ya xnainone —la cut. Te muc' ajwalile spisil la yac'bon, melel ja' nix te Dios cu'un te la scoltayon ta c'op ta swenta te yutsil yo'tane.

Esdras 8:18

Wocol la yal te Diose, la yiq'uic tel te Serebías, ja' te winic te mero ya sna' at'el ta leque, te ja' sts'umbal te levita te Mahli sbiile, soc nix snich'nab soc yermanotac, waxaclajuneb ta spisilic.

Esdras 7:21

Jo'on Artajerjeson muc' ajwalilon, ya calbey mandal ta spisil tesoreroetic te ay ta jq'uinal ta stojol smalib c'aal yu'un muc'ja' Eufrates, ta ora nax ac'a yac'beyic spisil te bitic ya sc'an te sacerdote Esdras te maestro yu'un mandalil yu'un te Dios ta ch'ulchane.

Proverbios 3:6

Ta spisil te bitic ya apase, ja'uc me ay ta awo'tan te Cajwaltique, ja' me ya yic'at bael ta tojil be stuquel.

Deuteronomio 28:1

“Teme mero melel te ya ach'uunbeyic sc'op te Cajwaltic Diose, soc te ya apasbey bael spisil te mandaliletic yu'un te ya calbat apas ta ora in to, ja'at me toyolat ya xc'oat yu'un spisilic te lumetic ayic ta q'uinale.

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.

1 Corintios 15:1

Ta ora to, quermanotac, ya calbeyex xan ta jamal te lec yach'il c'op te la jcholbeyex awaiyique. La awich'ic ta muc' te c'alal la awaiyic stojole soc jun awo'tanic ach'uunejic ta ora to.

1 Corintios 1:20

¿Banti ay te mach'a ay sp'ijile? ¿Soc banti ay te jts'ibojome? ¿Soc banti ay te mach'a ya sna' yalel te bitic ay li' ta balumilale? ¿Ma bal jowil c'opuc nax c'oem yu'un Dios spisil te p'ijil c'op te ay ta balumilale?

San Mateo 13:52

La yal te Jesuse: —Ja' swentail te spisil jts'ibojom, te sna'ojbey swentail te bit'il ay ta ajwalinel te Dios te ay ta ch'ulchane, ja' pajal c'oem soc te bit'il jtul winic te swentainej te snae. Ya sna' stuuntesel te sc'ulejal ta bay yach'ile soc ta bay pocobenixe —xi'.

Isaías 59:1

Te yu'el te Cajwaltic ma ba pejc'ajem te ma xju' yu'un coltaywaneje; ma yu'unuc macal xchiquin te Cajwaltique te ma xyaiy stojol c'ope.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

Salmos 45:1

Ta jol yac ta talel buen t'ujbil c'opetic, te cac' jich ya x'at'ej te bit'il spluma te mach'a ya sna' lec ts'ibajel. Ya me jts'ibubey sc'ayojil te muc' ajwalil.

Nehemías 12:36

soc xan te xchapomal, ja' te Semaías, Azarael, Milalai, Gilalai, Maai, Natanael, Judá soc Hanani, ja'ic te ya stijic te at'ejibaletic yu'un música yu'un David te swinic te Diose. Ja' neel yu'unic te maestro Esdras.

Nehemías 8:13

Ta xchebal c'aal, ta spisilic te jwolwanej ta jujun na, soc te sacerdoteetic soc te levitaetique, la stsob sbaic soc te maestro Esdras, yu'un jajch' snopbeyic sc'oplal mandaliletic.

Nehemías 4:15

C'alal la yaiyic te jcontrotic te chapalotiquixe, la sna'ic te Dios jinbotix yu'un te bitic chapal yu'unique. Te jo'otique jpisiltic sujt'otic xan bael ta banti ay te joyob ts'ajq'ue, juju-jtul la jtsac xan cat'eltic.

Nehemías 2:12

jajch'on ta ajc'ubal, joinej cha'oxtul winiquetic, pero ma'yuc mach'a la calbey te bila la yalbon ta co'tan Dios te ya yich' pasel ta Jerusalén. Ma'yuc yan burro quic'oj ta beel, jip a te moemon ae.

Esdras 6:22

Juqueb c'aal bin nax yo'tanic la spasic te q'uin swenta waj te ma ba yich'oj levadurae. Ja' nix te Cajwaltic te ac'botic yutsil yo'tanic yu'un, te bit'il Dios la yac'bey te muc' ajwalil ta Persia te ya xna'bot yo'bolil sbaic yu'une, soc te coltayotic ta xcha'pasel xan te templo yu'un Dios, ja' te Dios yu'un Israele.

Esdras 5:5

Ja'uc me to Dios coltaybilic yu'un te jwentainwanej-judioetique, jich ma ba ju' yu'unic scomel ta pasel asta ja' to te la sticunbeyic c'op te Darío, soc te sutbotic sujt'ibe.

Jeremías 8:8

¿Bit'il ya xju' awu'unic yalel: ‘P'ijotic, melel ay ta jwentatic te mandaliletic yu'un te Cajwaltique’, te xaexe? Te bila ya sts'ibuyic soc te splumae; mero jpaslot; tojol nax ya sts'ibuyic.

Nehemías 12:26

Ja'ic in to te cuxulic ta yorail Joiacim snich'an Josué, smam Josadac, soc ta yorail te ay ta ajwalil Nehemías, soc te sacerdote-maestro Esdras.

Nehemías 8:9

Melel spisil te lum yacalic ta oq'uel yu'un te bi xi' la yaiyic te mandaliletique. Ja' yu'un te ajwalil Nehemías soc te maestro-sacerdote Esdras, soc nix te levitaetic te la yalbeyic yaiy sc'oplal te bila la yal te mandaliletique, la spasic ta mandal te lume. La yalbey yaiyic te ma ba ya smel yo'tanic yu'un, soc te manchuc ya x'oq'uique. Melel in c'aal to, ch'ultesbil yu'un te Cajwaltique ja' te Dios yu'unique.

Nehemías 8:4

Te maestro Esdras tejc'aj ta sba plataforma te yich'oj pasel ta te', te ja' nix ya xtuun yu'un ae. Soc tey tec'ajtic ta swa'el a te Matatías, Sema, Anías, Urías, Hilcías soc Maasías. Ta xq'uexen tec'ajtic te Pedaías, Misael, Malquías, Hasum, Hasbadana, Zacarías soc Mesulam.

Génesis 32:28

La yal te winique: —Ma jichuquix abiil te Jacob, Israel abiil ya xc'otix, yu'un la atsal aba soc Dios soc winiquetic, soc ju'ix awu'un —xi' sc'oplal yu'un.

San Mateo 23:2

—Te jts'ibojometic soc te fariseoetique sjelolinejic Moisés ta yaq'uel ta nopel te mandalil ts'ibubil jilel yu'une.

Esdras 7:5

Abisúa, Finees, Eleazar soc Aarón te sbabial sacerdote.

Nehemías 8:1

Ta spisil te lume, comon la stsob sbaic ta plaza te snujp'usitayej sba soc te yochibal lum Ja' sbiil. La yalbeyic te maestro Esdras: —Ich'a tel te slibroil te mandaliletic yu'un Moisés te la yalbotic te Cajwaltic te jo'otic te israelotique —la yutic.

Esdras 8:1

Ja' lista yu'un te mach'atic jwolwanejetic yu'un chajbalchajp na, chican te bit'il ochemic ta jun ta chajbalchajp, te sujt'ic loq'uel tel ta Babilonia soc Esdras, te jayeb ja'wil ay ta muc' ajwalil te Artajerjes:

Nehemías 9:13

“Ta patil coat bael ta wits Sinaí. La ac'opon c'alal ta ch'ulchan. La awac'bey chajbanbil c'opetic te mero stojil aye, mero smelelil nopjibaletic, soc buen lec mandaliletic soc tojtesjibaletic.

Salmos 80:18

Ma'yuquix bi ora ya jpit jbatic ta atojol. Ac'botic jcuxlejaltic, jich me ja'at nax ya jc'oponticat.

Salmos 109:27

Cajwal, ac'a sna'ic te ja'at apasoj ta ac'abe.

Salmos 147:19

Te Cajwaltic la yac'bey sna' Jacob te sc'ope; la yac'bey sna' Israel te mandaliletic yu'un, soc te bitic xchapoj ta yo'tane.