Esdras 7:25 - Bible in Tzeltal de Oxchuc y Tenejapa

²⁵ “Jichat uuc te ja'ate, Esdras, chican te bila sp'ijil awo'tan yac'ojbat te Dios awu'une, ac'beya yat'el juecetic soc jwentainwanejetic. Ac'a xchajbanic ta stojil ta spisilic te mach'atic ayic ta jpam q'uinal te ay ta stojol smalib c'aal yu'un te muc'ja' Eufrates, ja'ic ta spisilic te ya sna'ic te mandalil yu'un te Dios awu'une. Te mach'atic ma sna'ique, ac'beya snopic.

Bible in Tzeltal Bachajón

²⁵ Soc ha'at, Esdras, hich te bin ut'il te ay sp'ijil awo'tan te ya'beyejat te Dios awu'une, otsesa juecetic soc gobernadoretic te ya scuentahinic spisil te pueblo te ay ta jehch muc'ul-ha' Éufrates, ha spisilic te sna'ojic te leyetic yu'un te Dios awu'une. Te mach'atic ma sna'ic, a'beya snopic.

Esdras 7:25 Referans Kwoze

Esdras 7:10

Te Esdras ja' mero xchapoj ta yo'tan te ya snop soc te ya spas te bila ya yal te mandaliletic yu'un te Cajwaltique, soc te ya yac'bey snopic te israeletic te mandaliletic soc te sc'op yaloj te Cajwaltique.

Deuteronomio 16:18

“Ac'beyaic yich' yat'el juecetic, soc ac'beyaic yich' yat'el yantic jwentainwanejetic ta stojol te lumetic ya yac'beyex ta chajbalchajp ats'umbalic te Cajwaltic te Dios cu'untique, swenta yu'un ya me xchajbanwanic ta mero stojil ta stojol te lume.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

Salmos 19:7

Mero lec te p'ijubtesel yu'un te Cajwaltique, melel ya x'ach'ub jcuxlejaltic yu'un. Te smandal Cajwaltic jun nax bi ya yal, melel ya xpasot ta p'ij yu'un te mach'a ma sna' q'uinale.

San Marcos 6:34

C'alal loc' ta barco te Jesuse, la yil te ayix tsobol ta jtul tey a. La sna'bey yo'bolil sbaic, yu'un jich c'oemic la yil te bit'il chijetic te ma'yuc jcanantaywanej yu'unique. Jich jajch' sp'ijubtes. Bayal bila la yac'bey snopic.

San Mateo 13:52

La yal te Jesuse: —Ja' swentail te spisil jts'ibojom, te sna'ojbey swentail te bit'il ay ta ajwalinel te Dios te ay ta ch'ulchane, ja' pajal c'oem soc te bit'il jtul winic te swentainej te snae. Ya sna' stuuntesel te sc'ulejal ta bay yach'ile soc ta bay pocobenixe —xi'.

Proverbios 6:23

Ta mero melel, te mandaliletic soc te jp'ijubteseltic ja'ic tsumbil lámpara c'oemic; te tojtesel soc te tac'uyel ja'ic te be yu'un te cuxlejale.

Proverbios 2:6

Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.

Nehemías 9:3

Te c'alal tec'ajtic tey a, te banti ayique la yich' alel ta comonsitil oxeb ora te bitic ts'ibubil ta slibroil te mandaliletic yu'un Cajwaltic te Dios yu'unique. Soc yan xan oxeb ora jalajic ta yalel ta jamal te smulique, soc la yalbeyic wocol te Cajwaltique.

Esdras 7:14

Melel jo'on muc' ajwalilon soc juqueb jo'tac ta at'el, ya jticunat ta Judá soc ta Jerusalén ta stsajtayel te bi yilel aye, chican te bila ya yal te smandal te Dios awu'un awich'oj ta ac'abe.

Esdras 6:6

Ja' yu'un te muc' ajwalil Darío, jich la spas bael ta mandal te Tatnai, te ajwalil yu'un te jpam q'uinal ay ta stojol smalib c'aal yu'un muc'ja' Eufrates, soc te Setar-boznai soc te sjo'tac ta ajwalile: “Loc'anic ta Jerusalén,

1 Crónicas 23:4

Ay me chaneb xcha'winic ta jmil (24,000) te la yac'bey swentain te at'el ta templo, soc wacmil (6,000) la yac' ta jtsobwanej soc ta juecil,

1 Crónicas 22:12

Te Cajwaltic ac'a yac'bat snopjibal ta lec soc p'ijil-o'tanil swenta yu'un, te c'alal ya yac'bat awat'el ta ajwalil ta stojol Israel, ya me ac'otes ta pasel te mandaliletic yu'un te Cajwaltic Dios awu'une.

1 Reyes 3:28

Ta spisil Israel chicnaj te bi la yut la xchajban te muc' ajwalile. Spisilic la yich'ic ta muc' te muc' ajwalil te c'alal la yilic te yich'ojbey sp'ijil Dios te toj ya yaiy chajbanwaneje.

Colosenses 1:28

Te jo'otique ya jcholbeytic sc'oplal ta bayuc te Cristoe. Ya jtac'uytic soc ya jp'ijubtestic ta lec ta spisilic te ants-winiquetique, swenta jich me tojobenic ta stojol Cristo ya xc'otic.

Génesis 41:38

Jich yu'un te faraón la yalbey te abatetic: —¿Banti c'an ba jtatic te mach'a jich yo'tan te bit'il in winic to, te wentainbil yo'tan yu'un te espíritu yu'un te Diose? —xi'.

Génesis 41:39

Te faraón la yalbey te José: —Ma'yuc mach'a jich sp'ijil yo'tan te bit'ilate, te bit'il Dios la yac'batix ana' stojol ta spisil.

2 Reyes 17:27

Ja' yu'un te muc' ajwalil yu'un Asiria jich la yal mandal: —Ticunaic bael jtuluc sacerdote te tey nix la awiq'uic tel ta chuquel, swenta yu'un ya me xbajt' ta nainel tey a, soc ya me x'ac'bot snopic yu'un te bit'il ay ta ch'uunel te dios yu'un te q'uinale —xi'.

Esdras 10:4

Jajch'an, melel ja'at ay ta awenta spasel, te jo'otique ya me jt'unticat. Ac'a puersa, ac'a jajch'uc te at'ele —xi' te Secanías.