Esdras 7:21 - Bible in Tzeltal de Oxchuc y Tenejapa

²¹ Jo'on Artajerjeson muc' ajwalilon, ya calbey mandal ta spisil tesoreroetic te ay ta jq'uinal ta stojol smalib c'aal yu'un muc'ja' Eufrates, ta ora nax ac'a yac'beyic spisil te bitic ya sc'an te sacerdote Esdras te maestro yu'un mandalil yu'un te Dios ta ch'ulchane.

Bible in Tzeltal Bachajón

²¹ Ho'on, Artajerjeson ajwalilon, ya calbe mandar spisil te tesorerohetic te ay ta jehch muc'ul-ha' Éufrates, spisil te bintic ya sc'an te sacerdote Esdras te maestro te p'ijuben ta ley yu'un te Dios ta ch'ulchan, ora me yac awa'beyic,

Esdras 7:21 Referans Kwoze

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Esdras 4:16

Ja' me yu'un ya cac'tic ana', melel ja'at te muc' ajwalilate, teme la yich' xan cha'pasel in lum to, soc teme ju' ta pasel xan te sjoyob ts'ajc'ule, ya me xch'ay awu'un te bit'il awentainej te q'uinal ay ta stojol smalib c'aal yu'un muc'ja' Eufrates”, xiic ta carta.

Esdras 6:6

Ja' yu'un te muc' ajwalil Darío, jich la spas bael ta mandal te Tatnai, te ajwalil yu'un te jpam q'uinal ay ta stojol smalib c'aal yu'un muc'ja' Eufrates, soc te Setar-boznai soc te sjo'tac ta ajwalile: “Loc'anic ta Jerusalén,

Esdras 4:20

Soc te ay chicnaj muc' ajwaliletic ta Jerusalén te mero bayal yip te bila la spasique, te la yu'uninic te q'uinal ay ta stojol smalib c'aal yu'un muc'ja' Eufrates. Ac'bot ta stojolic spatanic, soc sloc'ol te bila la yich' chonel soc yantic pataniletic.

Esdras 7:1

Ta patil bael, te c'alal ay ta muc' ajwalil ta Persia te Artajerjes, ay jtul winic Esdras sbiil. Ja' sts'umbal te Seraías, Azarías, Hilcías,

Esdras 7:22

Ya xju' ya yich' oxmil soc jo'lajunwinic (3,300) kilo plata, cheb xcha'winic ta jmil (22,000) litro trigo, cha'mil soc lajunwinic (2,200) litro aceite soc nix te jayeb ats'am ya sc'ane.

Esdras 8:36

Patil la cac'tic te smandal te muc' ajwalil ta sc'ab te mach'atic yich'oj yat'elic ta ajwalil, soc te ajwaliletic yu'un te jpam sq'uinal te ay ta stojol smalib c'aal yu'un te muc'ja' Eufrates, ja'ic te la scoltayic ta c'op te lum soc te templo yu'un te Diose.

Nehemías 2:7

Soc la calbey xan: —Te lecuc ya awaiye, yacuc awac'bonic jun te banti ts'ibubil te amandale, swenta yu'un ja' ya xc'ot ta sc'abic te ajwaliletic te ayic ta stojol smalib c'aal yu'un muc'ja' Eufrates, swenta yu'un libre ya yac'onic c'axel c'alal ta Judá.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

Salmos 119:4

Ja'at awaloj tulan mandal te ya yich' ch'uunel spisil te mandaliletic awu'une.