Esdras 7:13 - Bible in Tzeltal de Oxchuc y Tenejapa

¹³ “La calix mandal te spisil israeletic te ayic ta q'uinal te banti c'alal jwentainej te jo'on muc' ajwalilone, teme ya sc'anic ya sjoinat bael ta Jerusalén, ya xju' ya xbajt'ic, soc nix teme sacerdote o levita.

Bible in Tzeltal Bachajón

¹³ Hich la jcalix ta mandar: Spisil te mach'atic ayic ta cuentahinel cu'un te ha yu'un te pueblo Israel, soc te sacerdotehetic soc levitahetic yu'unic, te ya sc'anic ya sjoquinat bahel ta Jerusalén, ac'a bahtuc.

Esdras 7:13 Referans Kwoze

Esdras 6:1

Te muc' ajwalil Darío la sticun ta leel ta sq'uejibal poco' junetic te banti ya yich' q'uejel te junetic bayalic sc'oplal ta Babiloniae.

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Filipenses 2:13

Melel yac ta at'el ta awo'tanic te Diose. Ja' me ya yac' ta awo'tanic sna'el te bila lec yo'tan yu'une, soc ya me scoltayex ta spasel.

Salmos 148:6

ja' la yac' ta yawil swenta sbajt'el q'uinal, soc la xchajban mandalil yu'un te ma xju' ta c'axintayele.

Salmos 110:3

Te lum awu'un bin nax yo'tan ya yac' sba ta ac'ab te bi c'aalil ya awaiy tsalawe. Ta sba te ch'ul witstiquil, jich bit'il ts'ujul ya xchicnaj te yac ta sacubel tel te q'uinale, jich me c'oem a te aqueremil te yanyan ta ach'ubel jujun c'aale.

Ester 9:14

Te muc' ajwalil la yal mandal te jich ya yich' pasele. La yich' puquel ta alel smandal ta lum Susa, soc te sbaq'uetalic te snich'nab Amán slajunebalic la yich'ic jijp'anel ta te'.

Ester 3:15

Te correoetic ora nax bajt'ic ta ticunel yu'un te muc' ajwalil, soc la yich' puquel ta alel ta joyob ts'ajc'ubil centro yu'un te lum Susa. Jich te muc' ajwalil soc te Amán jun yo'tan nacajtic ta uch'bajel, pero ta Susa jajch' ta woclajel te yo'tanique.

Esdras 5:13

Ta patil te Ciro muc' ajwalil ta Babilonia, ta sbabial ja'wil yat'el a, la yal mandal te ya yich' xan cha'pasel te templo yu'un te Diose.

Esdras 1:3

Ja' yu'un mach'auquex a te ayex ta swenta te lum yu'un te Ajwalile, Dios me ya scoltayex, baanic ta Jerusalén te ay ta sq'uinal Judá ta spasel te templo yu'un te Ajwalil te Dios yu'un Israel, te nainem ta Jerusalén.

2 Crónicas 30:5

Jich la snopic te ya me spucbeyic bael sc'oplal ta spisil Israel, ja' to ta Beerseba c'alal ta Dan, te ya yich'ic iq'uel tel ta Jerusalén ta q'uin Pascua yu'un te Cajwaltic, te Dios yu'un Israel. Ma ba spasojic te bit'il ay ta pasel ta neelal te ay bayal ya stsob sbaic jich bit'il ts'ibubil mandal.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.