Esdras 7:12 - Bible in Tzeltal de Oxchuc y Tenejapa

¹² “Te Artajerjes muc' ajwalil swentainej yantic te muc' ajwaliletique, ya spatbey yo'tan te Esdras, sacerdote soc maestro te snopoj te smandal Dios ta ch'ulchane.

Bible in Tzeltal Bachajón

¹² Te Artajerjes, ajwalil yu'un ajwaliletic, ya spatbe yo'tan te Esdras, sacerdote soc maestro yu'un te ley yu'un te Dios ta ch'ulchan.

Esdras 7:12 Referans Kwoze

Daniel 2:37

Te ja'ate, ja'at mero muc'at ta stojol te yantic muc' ajwaliletique, melel ja' nix te Dios ay ta ch'ulchan te la yac' ochan ta muc' ajwalile. La yac'bat awu'el, la yac'bat awip, la yac'at ta ich'el ta muc',

Ezequiel 26:7

“Jo'on Ajwalilon te jich ya cale: Ya cac' taluc ta norte te Nabucodonosor, muc' ajwalil yu'un Babilonia, ja' te muc' ajwalil te ma'yuc mach'a yan te pajal yip soque, swenta yu'un ya yac'bey guerra te Tiro. Ya me xtal soc caballoetic, carretaetic, soc te cajajtic ta caballo, bayal soldadoetic ya stsob tel.

Esdras 4:17

Te muc' ajwalil Artajerjes jich sutbotic bael yu'un: “Ya jpatbeyex awo'tanic ja'ex te comandante Rehum, soc te secretario Simsai, soc te yantic jilemic ta jq'uinal te ay ta stojol smalib c'aal yu'un muc'ja' Eufrates: “Te bi la awalbonic

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

1 Timoteo 6:15

Ya me xc'ot ta pasel te c'alal ya sta yorail yu'un te Diose. Melel ja' stuquel Dios te bayal yutsile, te ja' Muc' Ajwalil yu'un te muc' ajwaliletique, soc te ja' Ajwalil yu'un te ajwaliletique.

Daniel 2:47

Patil jich la yalbey te Daniel: —Ta mero melel, Daniel, te Dios awu'unic ja' mero toyol yu'un yantic diosetic. Ja' Ajwalil yu'un ajwaliletic, ja' ya xchicnantes te bitic wocol ta na'ele, melel ju' awu'un xchicnantesel te bila wocol ta na'ele —xi'.

Isaías 10:8

Jich ya yal: “Spisil te muc' ajwaliletic, ja' jtsobwanejetic ya xc'ot ta spasel a te mandal cu'une.

1 Reyes 20:1

Te muc' ajwalil yu'un Siria te Ben-adad sbiil la stsob spisil te soldadoetic yu'une, soc lajchayeb xcha'winic (32) yantic muc' ajwaliletic te jun yo'tan soque, soc te caballoetic soc te carretaetic swenta guerra yu'unique. Bajt' ta lum Samaria, la sjoytayic, la yac'beyic guerra.

1 Reyes 4:24

Melel te Salomón swentainej ta spisil ta jsejp q'uinal ay ta stojol smalib c'aal yu'un Eufrates, jajch'em ta lum Tifsa, c'alal ta lum Gaza. Ich'bil ta muc' yu'un spisilic te muc' ajwaliletic tey ayic ta banti te q'uinale, la yac' lamajuc q'uinal ta sjoyobal.

Esdras 7:1

Ta patil bael, te c'alal ay ta muc' ajwalil ta Persia te Artajerjes, ay jtul winic Esdras sbiil. Ja' sts'umbal te Seraías, Azarías, Hilcías,

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Esdras 7:11

Ja' scopiaul in to te carta te la yac'bey Esdras te muc' ajwalil Artajerjes. Ja' sacerdote te Esdras soc maestro te snopoj spisil te mandaliletic soc te sc'op Cajwaltic te ja' yu'un te Israele:

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.