Esdras 7:11 - Bible in Tzeltal de Oxchuc y Tenejapa

¹¹ Ja' scopiaul in to te carta te la yac'bey Esdras te muc' ajwalil Artajerjes. Ja' sacerdote te Esdras soc maestro te snopoj spisil te mandaliletic soc te sc'op Cajwaltic te ja' yu'un te Israele:

Bible in Tzeltal Bachajón

¹¹ Ha te copia yu'un te carta ini te a'bot yu'un te ajwalil Artajerjes te sacerdote Esdras, te mach'a p'ijuben yu'un te mandariletic yu'un Jehová soc te chahpambil mandariletic a'bot te Israel:

Esdras 7:11 Referans Kwoze

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

San Mateo 23:2

—Te jts'ibojometic soc te fariseoetique sjelolinejic Moisés ta yaq'uel ta nopel te mandalil ts'ibubil jilel yu'une.

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Esdras 5:6

Te carta la sticunbeyic te muc' ajwalil Darío te Tatnai ajwalil yu'un te jpam q'uinal te ay ta stojol smalib c'aal yu'un Eufrates, soc te Setar-boznai soc te yantic sjo'tac ta at'el ta ajwalile, jich ay te cópia yu'un te cartae,

Esdras 7:10

Te Esdras ja' mero xchapoj ta yo'tan te ya snop soc te ya spas te bila ya yal te mandaliletic yu'un te Cajwaltique, soc te ya yac'bey snopic te israeletic te mandaliletic soc te sc'op yaloj te Cajwaltique.

Esdras 7:12

“Te Artajerjes muc' ajwalil swentainej yantic te muc' ajwaliletique, ya spatbey yo'tan te Esdras, sacerdote soc maestro te snopoj te smandal Dios ta ch'ulchane.

Esdras 7:21

Jo'on Artajerjeson muc' ajwalilon, ya calbey mandal ta spisil tesoreroetic te ay ta jq'uinal ta stojol smalib c'aal yu'un muc'ja' Eufrates, ta ora nax ac'a yac'beyic spisil te bitic ya sc'an te sacerdote Esdras te maestro yu'un mandalil yu'un te Dios ta ch'ulchane.