Esdras 7:10 - Bible in Tzeltal de Oxchuc y Tenejapa

¹⁰ Te Esdras ja' mero xchapoj ta yo'tan te ya snop soc te ya spas te bila ya yal te mandaliletic yu'un te Cajwaltique, soc te ya yac'bey snopic te israeletic te mandaliletic soc te sc'op yaloj te Cajwaltique.

Bible in Tzeltal Bachajón

¹⁰ Como te Esdras yac'oj yo'tan ta snopel te mandariletic yu'un Jehová soc ta spasel, soc ta yaq'uel ta nopel ta Israel te chahpambil mandariletic soc te bintic yaloj ta mandar te Diose.

Esdras 7:10 Referans Kwoze

2 Timoteo 4:2

Ja' ya calbat te ya me awat'elin xcholel te sc'op Diose; chican teme yorail a te ya achole, o teme ma yorailuque. Aiya me tojobteswanej, soc comaw; soc lamaluc me awo'tan ta tac'uywanej soc yaq'uel ta nopel te bila ay ta ch'uunele.

San Mateo 7:24

“Jich yu'un te mach'a ya yaiybon stojol te jc'ope soc teme ya spas te bila caloje, jich c'oem te bit'il jtul winic te ay sp'ijil yo'tane. Te c'alal la spas sna, la sle p'ijom ton te banti la sjaches ta pasel te snae.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

San Juan 13:17

Teme c'ot ta awo'tanique, bin nax me awutsil teme jich ya apasique.

Salmos 1:2

te ja' bin nax yo'tan yu'un smandal te Cajwaltique, te ja' nax baem ta yo'tan snopilayel ta c'aal ajc'ubal.

Esdras 7:25

“Jichat uuc te ja'ate, Esdras, chican te bila sp'ijil awo'tan yac'ojbat te Dios awu'une, ac'beya yat'el juecetic soc jwentainwanejetic. Ac'a xchajbanic ta stojil ta spisilic te mach'atic ayic ta jpam q'uinal te ay ta stojol smalib c'aal yu'un te muc'ja' Eufrates, ja'ic ta spisilic te ya sna'ic te mandalil yu'un te Dios awu'une. Te mach'atic ma sna'ique, ac'beya snopic.

Salmos 19:7

Mero lec te p'ijubtesel yu'un te Cajwaltique, melel ya x'ach'ub jcuxlejaltic yu'un. Te smandal Cajwaltic jun nax bi ya yal, melel ya xpasot ta p'ij yu'un te mach'a ma sna' q'uinale.

Deuteronomio 33:10

Te Jacob, ja' te lum Israel, ya yac'bey snopic te mandaliletique. Ta scajtijib ta chiq'uel amajt'an ya yaq'uic majt'anil pom soc majt'anil chambalametic ta atojol.

1 Crónicas 29:18

Cajwal, Diosat yu'un Abraham, Isaac soc Israel, ja' te antiguo jwolwanejetic cu'untique, canantaya te toyoluc me yo'tanic spisil ora ta atojol te lum awu'une, soc ac'beya sna'at ta yo'tanic spisil ora.

Salmos 10:17

Cajwal, ya awaiybey stojol sc'op te ya sc'oponat te mach'atic peq'uelique, ja'at ya awac'bey yip yo'tan, soc ya awentain.

Esdras 7:6

Te Esdras, ja' maestro te sna'oj ta lec te mandalil yu'un te Cajwaltic, te Dios yu'un Israel, te ac'bot ta swenta yu'un te Moisese. Te Esdras coltaybil yu'un te Cajwaltique, jich ac'bot yu'un spisil te bitic la sc'anbey te muc' ajwalil Artajerjes. Jich loc' jajch'el ta Babilonia,

Tito 2:1

Te ja'ate, ja' me x'awat'elin yalel te lequil nopjibale.

Salmos 119:45

Jich me libre ya xcuxinon ta q'uinal a, melel ja' jt'unoj te bitic awaloj ta mandale.

Salmos 57:7

Dios cu'un, chapalix te co'tane; chapalix yu'un ya jc'ajintayat ta c'ayoj.

2 Crónicas 30:22

Te muc' ajwalil Ezequías la yalbey wocol spisil te levitaetic te la yaq'uic ta ilel te lec yo'tanic ta abatinel yu'un te Cajwaltique. Laj yo'tanic ta we'el yu'un te q'uin c'alal ta juqueb c'aal, ja' te la yac'bey milbil majt'anil ta swenta seña lamal-o'tanil soc te Diose, soc la yalbeyic yutsil sc'oplal te Dios yu'un te antiguo sme'-statique.

2 Crónicas 19:3

Ja'uc me to, ay nix bitic lequic te apasoj, melel la ajinix te sloc'ombaetic Asera te ayic ta spamal te lume, soc te awac'ojix awo'tan ta sleel te Diose —xi' te j'alwaneje.

2 Crónicas 12:14

Te Roboam amen yat'el la spas, ma ja'uc bajt' ta yo'tan sleel te Cajwaltique.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

Tito 2:15

Ja' me ya awac' ta nopel spisil in to. Aiya me tac'uywanej soc comaw te bit'il tulan awat'el awich'oje. Ma me ayuc mach'a ya sp'ajat ta yo'tan.

1 Timoteo 3:2

Jich yu'un te mach'a ya yich' yat'el ta jwentainwanej, ya sc'an te mero lec sc'oplal, soc te jtul nax ants nujbinem ta q'uinal soque, te ya sna' stsajtayel te yo'tane, te ma xjelaw ta c'ope, te lec yat'ele, te ay yutsil yo'tan ya xnajc'anwane, soc te ay sp'ijil yo'tan ta p'ijubteswaneje.

Hechos 1:1

Teófilo, te sbabial jun te la jpasbate tey la jts'ibubat spisil a te bila jajch' spas te Jesuse soc te bila jajch' yac' ta nopel ta xjajch'ibale,

Deuteronomio 16:12

Na'aic me te ja' nix jich mozoex c'axex ta Egipto. Ja' yu'un pasaic me bael spisil ora te mandaliletic in to.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

San Mateo 5:19

Jich yu'un te mach'a ya xc'axintay jp'aluc te mandalile, manchuc teme ch'in jteb nax sc'oplale, soc teme jich ya yac'bey snop te ants-winiquetique, ch'in jxujt' me ya x'ilot ta banti ay ta ajwalinel te Dios ta ch'ulchane. Ja'uc me to, te mach'a ya xch'uun spasel soc teme jich ya yac' ta nopele, muc' me ya x'ilot ta banti ay ta ajwalinel te Dios ta ch'ulchane.

Job 11:13

Nopa ta awo'tan te toj ya awaq'uix aba, c'opojan ta yalel wocol ta stojol Dios.

Esdras 7:11

Ja' scopiaul in to te carta te la yac'bey Esdras te muc' ajwalil Artajerjes. Ja' sacerdote te Esdras soc maestro te snopoj spisil te mandaliletic soc te sc'op Cajwaltic te ja' yu'un te Israele:

Salmos 119:112

Ta spisil co'tan jnopojix te ya cat'elin spasel te mandaliletic awu'un ta spisil ora ja' to ta slajibal.