Esdras 6:16 - Bible in Tzeltal de Oxchuc y Tenejapa

¹⁶ Te israeletic, te sacerdoteetic yu'unic soc te levitaetic yu'unic, soc te yantic sujt'emiquix te la yich'ic loq'uesel ta slumalique, bin nax yo'tanic la spasic q'uin yu'un te la yaq'uic ta sc'ab Dios te temploe.

Bible in Tzeltal Bachajón

¹⁶ Te snich'nab Israel, te sacerdotehetic, levitahetic soc te mach'atic suhtemiquix tal ta chuquel, mero tse'el yo'tanic la spasic q'uin yu'un yaq'uel ta stojol Dios te Templo.

Esdras 6:16 Referans Kwoze

2 Crónicas 7:5

Te muc' ajwalil Salomón la yac'bey milbil majt'anil cheb xcha'winic ta jmil (22,000) toroetic, soc wacwinic ta jmil (120,000) chijetic. Jich la spas te muc' ajwalil soc spisil te lum Israel te la yaq'uic ta stojol Dios te templo.

1 Reyes 8:63

Te Salomón la yac'bey smajt'anin Cajwaltic cheb xcha'winic ta jmil (22,000) toroetic, wacwinic ta jmil (120,000) chijetic milbil smajt'an Dios swenta lamal-o'tanil. Jich la yaq'uic ta stojol Dios te templo te muc' ajwalil soc ta spisil te israeletique.

Filipenses 4:4

Soc ya calbeyex: Ayuc me bayal sbujts' awo'tanic spisil ora ta stojol te Cajwaltique. Soc ya calbeyex xan: Ayuc me sbujts' awo'tanic.

San Juan 10:22

La sta yorail q'uin ta Jerusalén te ja' sna'jibal te bi ora ac'ot ta stojol Dios te temploe. Ja' yorail invierno a.

Salmos 122:1

Bin nax co'tan yu'un te c'alal ya yalbonic: “Ya xbootic ta templo yu'un te Cajwaltic”, te xiique.

Esdras 6:22

Juqueb c'aal bin nax yo'tanic la spasic te q'uin swenta waj te ma ba yich'oj levadurae. Ja' nix te Cajwaltic te ac'botic yutsil yo'tanic yu'un, te bit'il Dios la yac'bey te muc' ajwalil ta Persia te ya xna'bot yo'bolil sbaic yu'une, soc te coltayotic ta xcha'pasel xan te templo yu'un Dios, ja' te Dios yu'un Israele.

Nehemías 7:73

“Te sacerdoteetic, te levitaetic, te jcanan-ti'nailetic, te jc'ayojetic, te yajwal te lume, soc te abatetic yu'un templo soc ta spisil te israeletique nainic ta slumalic.” Ta xjajch'ibal te sjuquebal u, te israeletic ayiquix ta yawilic a.

Esdras 4:1

Te c'alal bi ora la yaiyic te controetic yu'un te lum Judá soc te lum Benjamín te yacaliquix ta xcha'pasel te templo yu'un Cajwaltic Dios yu'un Israel te mach'atic sujt'emiquix tel te ac'bot yijq'uitay slumalique,

2 Crónicas 30:26

Jajch' bayal yutsil yo'tanic ta Jerusalén, melel ja' to c'alal ay ta q'uinal te Salomón te snich'an David te muc' ajwalil yu'un Israel, ma'yuc bay c'ot ta pasel jich bit'il to ta Jerusalén.

2 Crónicas 30:23

Ja'uc me to, ta stsojbolic te lume la snopic te yacuc xjalaj xan juqueb c'aal te q'uine. Jich la spasic xan, bin nax yo'tanic ta spasel,

1 Crónicas 15:28

Spisil Israel jich la yich'ic bael te scajonil trato yu'un te Cajwaltique. Ayic ta aw soc sbujts' yo'tanic soc ta sc'op te xulub chij, ta sc'op oq'ues, platilloetic, salterioetic soc ta sc'op te arpaetique.

1 Crónicas 9:2

Te mach'atic neel cha'talic ta najc'ajel ta sq'uinalic soc ta lumetic yu'une, ja'ic te sts'umbal Israel, te sacerdoteetic, te sts'umbal Leví, soc te abatetic ta templo.

Deuteronomio 12:7

Ya me xwe'ex tey a ta stojol te Cajwaltic te Dios cu'untique. Bin nax me awo'tanic soc mach'atic ay awu'unic yu'un te sit te awat'elique, ja' te banti la yac'beyex bendición te Cajwaltic te Dios cu'untique.

Nehemías 12:43

Ta c'aal in to, la yich' aq'uel bayal milbil majt'aniletic ta stojol Dios. Te winiquetic mero bayal yutsil yo'tanic, melel Dios nojesbotic ta yo'tanic yutsil q'uinal yaiyic yu'un. Te antsetic soc te alaletic mero bayal yutsil yo'tanic uuc. Te yutsil q'uinal la yaiyic ta Jerusalén, chicnaj ta aiyel ta sc'ubulil te lume.

Nehemías 8:10

Soc jich la yalbey te Esdrase: —Baanic ta swe'el te bila mero bujts'anic ta we'ele, uch'aic chi'il vino, soc ticunbeya swe'el uuc te mach'atic ma'yuc bila xchajbanejic yu'un ya swe'ique. Melel in c'aal to q'uin ta stojol te Cajwaltique. Ma me xamel awo'tanic ta stojol, melel te yutsil q'uinal ya caiytic yu'un te Cajwaltique, ja' quiptic stuquel —la yut.

1 Reyes 8:62

Patil te muc' ajwalil soc spisilic te israeletic, la yac'beyic milbil smajt'an te Cajwaltique.

Daniel 5:13

Jich bajt' ta iq'uel ta stojol muc' ajwalil te Daniel, jojc'obot yu'un: —¿Ja'at bal te Danielate, te ja' ajoy te judioetic ic'otic loq'uel tel ta Judea yu'un te anima muc' ajwalil Nabucodonosor, ja' te jtate?

2 Crónicas 29:30

Ta patil te muc' ajwalil Ezequías soc te jtsobwanejetic la yalbeyic mandal te levitaetic te ya yalbeyic yutsil sc'oplal Cajwaltic ta salmoetic yu'un David soc yu'un te j'alwanej Asaf. Bayal yutsil yo'tanic c'ajinic, soc la squejan sbaic ta yalel wocol te Diose.

Nehemías 12:27

Te c'alal la sta yorail te la yich' aq'uel ta stojol Dios te sjoyob ts'ajc'ul Jerusalén, la sleic te levitaetic ta spisil te banti nainemique. La yiq'uic ta Jerusalén, swenta yu'un ya spasic te q'uin yu'un yaq'uel ta stojol Dios te joyob ts'ajq'ue. Bayal me yutsil q'uinal la yaiyic a, la yalbeyic yutsilal Dios ta c'ayojetic soc at'ejibaletic yu'un música, ja'ic te platilloetic, arpaetic, soc liraetic.