Esdras 6:12 - Bible in Tzeltal de Oxchuc y Tenejapa

¹² Soc te Dios te la stsaix te Jerusalén swenta yu'un yawil sbiile, ac'a slajin mach'auc muc' ajwalil, o nación, te ma sc'an xch'uun in mandal to o te ya sc'an sjin te templo yu'un Cajwaltic te ay ta Jerusalene. Jo'on Daríoon te la cal mandale. Ts'acal me xawac' c'otuc ta pasel te bila ts'ibubil”, xi' te muc' ajwalil Darío.

Bible in Tzeltal Bachajón

¹² Soc te Dios te la yac' nahinuc te sbihil tey a, ac'a sjin spisil ajwalil o pueblo te ya shach sc'ab ta syanijtesel te mandar o ta sjinel te na yu'un Dios ini te ay ta Jerusalén. Ho'on, Darío, calojix mandar. Ac'a yich' pasel ta ora, xchi.

Esdras 6:12 Referans Kwoze

1 Reyes 9:3

Jich albot: —La caiyix te ac'op soc te la awalbon wocole. La jch'ultesix te templo, te la apasbon swenta yu'un ya x'ainon spisil ora tey a. Ya me jcanantay soc ay me ta wenta cu'un spisil ora.

Deuteronomio 12:5

Tey nix ta yolil te chajbalchajp ats'umbalique, te Cajwaltic ya me stsa te banti ya xnain te sbiile. Tey me ya xju' ya xba ach'uunic a.

Deuteronomio 12:11

ja' meix yorail a te ya stsa jun yawil sbiil te Cajwaltic te Dios cu'untique. Jich me ya awac'beyiquix spisil a te bi la calbeyex te ya awac'beyique: ja' te milbil chambalametic te ya yich' chiq'uel ta swenta yich'el ta muc' awu'unique, te jun ta slajunebal abiluc, soc abiluquic swenta patanil awu'unic, soc spisil te bitic buen t'ujbil tsabil te jc'axel awalojic ta stojol te Cajwaltique.

Éxodo 20:24

Pasbonic scajtijib ta chiq'uel jmajt'an ta ts'ubil lum. Milbonic jmajt'anin te achambalamique, ja' te achijic soc te awacaxique. Ay me ya achic'bonic jmajt'anin scojt'ol, soc ay me ya amilbonic jmajt'anin swenta seña te lamal-o'tanile. Ya xtalon ta jujun awilal te bay ya sc'an co'tan te ya ana'ulayone, tey me ya cac'beyex bendición a.

Hechos 9:5

La yal te Sauloe: —¿Mach'aat a, Cajwal? —xi'. Jich la yal te mach'a yac ta c'ope: —Jo'on Jesuson te ya anutsone. Atuquel ya awuts'in aba te ya alombey ta teq'uel sni' te atojtesjibale —xi'.

Abdías 1:10

La yal xan te Cajwaltic: —Ya me smucat jilel q'uexlal, soc jinbilat me sbajt'el q'uinal, ta scaj te la awuts'in soc la amil te awijts'in Jacob.

Isaías 60:12

Te lum te ma xyac' sba ta abatinel ta atojole, ya me xch'ay ta jc'axel; spamal me sq'uinal ya yich'ic jinel ta jyalel.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Salmos 5:10

Dios cu'un, ac'beya castigo. Pasbeya te ja'uc ya staic falta soc te bila amen xchapojique. Ta scaj te bayal smulic ac'a yich'ic ilayel awu'un ta jc'axel, melel stoyoj sbaic ta atojol.

Ester 8:14

La yal mandal te muc' ajwalil te ora ya xbajt'ic te correoetique. Jich bajt'ic ta ora, ja' moic bael a te caballoetic yu'un te muc' ajwalile. Soc la yich' puquel ta alel ta sjoyob ts'ajc'ubil centro yu'un te lum Susa te mandal la yich' chajbanele.

2 Crónicas 7:16

melel jo'on jtsaoj soc la jch'ultesix te templo, ja' te bay ya cac' ainuc sbajt'el q'uinal te jbiile. Ya me jcanantay, soc ay me ta co'tan spisil ora.

Deuteronomio 16:2

“Ta yorail te Pascua, ya me awaq'uic tat chijetic o toroetic, ya me amilbeyic smajt'anin te Cajwaltic te Dios cu'untique. Tey me ya amilic ta yawil te banti stsaoj te Cajwaltique.

Esdras 6:13

Te ajwalil yu'un te q'uinal ay ta stojol smalib c'aal yu'un muc'ja' Eufrates, Tatnai sbiil, soc te Setar-boznai soc te sjo'taque, ts'acal la yaq'uic c'otuc ta pasel te bila ts'ibubil yu'un ta mandal la yal te muc' ajwalil Darío.

Esdras 6:14

Jich te jwentainwanej-judioetique, ju' yu'unic te la spasic xan bael te at'el swenta xcha'pasele, jich te bit'il albotic yu'un te j'alwanejetic yu'un te Diose, ja'ic te Hageo soc te Zacarías snich'an Ido. Te xcha'pasel te templo, ju' ta pasel, ja' la yich' t'unel te mandal la yal te Dios yu'un Israel, soc nix te bila mandalil la yal te Ciro, te Darío soc te Artajerjes, te muc' ajwaliletic yu'un Persia.

Esdras 7:15

Ich'a bael te plata soc te oro te spasemal co'tantic ya cac'beytic te Dios yu'un Israel te jo'on muc' ajwalilon soc jo'tac ta at'ele,

Esdras 7:26

Ta spisil te mach'a ma ba ya yac' c'otuc ta pasel te mandalil yu'un te Dios awu'une, soc te mandaliletic cu'un jo'on te muc' ajwalilone, ora ac'a yich' ticunel ta milel, o ya yich' tenel loq'uel, ya yac' multa, o ya x'och ta chuquel”, xi' ta scarta te muc' ajwalile.

Esdras 7:17

Te taq'uin in to, ya aman ch'in wacaxetic a, soc chijetic, soc ch'in alal chijetic, soc nix te yantic smajt'an Dios swenta harina soc vino, swenta yu'un ya me awac'beyic ta sba te scajtijib ta chiq'uel majt'anil ta templo yu'un te Dios awu'unic ta Jerusalén.