Esdras 6:11 - Bible in Tzeltal de Oxchuc y Tenejapa

¹¹ “Soc ya cal xan tulan mandal, teme ay mach'a la xc'axintay te mandal in to, ac'a yich' loq'uesel junuc sts'amte'al te snae, ac'a yich' josel sni' te ya yich' lowel moel a. Te snae ac'a c'atp'ujuc ta jinem na.

Bible in Tzeltal Bachajón

¹¹ Soc ha nix caloj mandar teme ay mach'a ya sjin te halbil mandaril ini, ac'a yich' tasbeyel loq'uel jch'ix sts'amte'el sna soc ac'a yich' johc'anel a, soc jc'axel jimbil ya xhil te sna yu'un.

Esdras 6:11 Referans Kwoze

Daniel 3:29

Yo'tic jo'on ya cal mandal, mach'auc a te ya yal amen c'op ta stojol te Dios yu'unic te winiquetic in to, ac'a yich'ic milel ta jyalel. Te snae, jc'axel ac'a yich' busanel ta jinel, ta bayuc lumil talem, bayuc nacionil soc biluc c'opil ya xc'opojic a. Melel, ma'yuc yan dios jich ya xju' yu'un coltaywanej te bit'il te Dios yu'unique —xi'.

Daniel 2:5

Te muc' ajwalil jich la yal: —Te bila jnopoj ya jpase jich ay: Teme ma ba ya awalbonic te bila a te la jwaichine, soc teme ma ba la awalbonic te bila swentaile, ya me awich'ic milel, te anaic ya me yich' jinel soc ya yich' busanel sts'ubil.

Esdras 7:26

Ta spisil te mach'a ma ba ya yac' c'otuc ta pasel te mandalil yu'un te Dios awu'une, soc te mandaliletic cu'un jo'on te muc' ajwalilone, ora ac'a yich' ticunel ta milel, o ya yich' tenel loq'uel, ya yac' multa, o ya x'och ta chuquel”, xi' ta scarta te muc' ajwalile.

Ester 7:10

Ja' yu'un te Amán, tey jijp'anot ta te' te la xchajban yu'un ja' c'an sjijp'an a te Mardoqueo. Tey lamaj a te slab yo'tan te muc' ajwalile.

Ester 5:4

—Teme lec ya awaiye, muc' ajwalil, ya calbat wocol te yacuc xbaat ta we'el yo'tic te jchajbanej ta swenta awich'el ta muq'ue, soc te yacuc awic' bael uuc te Amán —xi'. Te muc' ajwalil la sticun ta leel te Amán:

2 Reyes 10:27

Soc la sjinic te scajtijib ta chiq'uel smajt'an soc te templo yu'une. La sc'atp'unic ta tsa'anjibal, c'alal ora yo'tic.

2 Reyes 9:37

Soc ta scojt'ol ya me yich' puquel jichuc tsa' ta sq'uinal Jezreel, ja' to teme ma spasix ta na'el a teme ja' sts'ubil te Jezabel”, te xie —xi' te Jehú.