Esdras 6:1 - Bible in Tzeltal de Oxchuc y Tenejapa

¹ Te muc' ajwalil Darío la sticun ta leel ta sq'uejibal poco' junetic te banti ya yich' q'uejel te junetic bayalic sc'oplal ta Babiloniae.

Bible in Tzeltal Bachajón

¹ Ha yu'un te ajwalil Darío la yal mandar ta lehel ta sq'uejojibal hunetic te banti ya yich' q'uejel te c'ulejalil tey ta Babilonia.

Esdras 6:1 Referans Kwoze

Esdras 5:17

“Ora yo'tic teme lec ya awaiy uuc te ja'at te muc' ajwalilate, ja' lec te yacuc yich' leel ta sq'uejibal poco' junetic yu'un muc' ajwaliletic ta Babilonia, soc yacuc yich' jaq'uel teme melel nix a te ja' la yal mandal ta cha'pasel xan te templo yu'un Dios ta Jerusalén te muc' ajwalil Ciro, soc te ya yich' alel ta jtojoltic te bila mandalil ya awal yu'un te c'opetic in to, swenta te bit'il ja'at te muc' ajwalilat cu'untique”, xi' bael te sjunique.

Proverbios 25:2

Ja' yutsilal Dios te ay ta yo'tan te bitic muquen aye; soc ja' yutsilal te muc' ajwaliletic te ya sna'ic snopele.

Esdras 4:15

swenta yu'un ya me yich' leel ta bay sq'uejibal junetic yu'unic te mach'atic neel c'axemic awu'une. Te bi ya yal tey ae, tey me ya ana' a te lum te mero toyba soc xiweltic sba ta stojol muc' ajwaliletic soc ta stojol yantic q'uinaletic. Ay jich c'oemiquix ta pasel yu'unic te la xchajban sbaic swenta yu'un ma x'ich'awanic ta muc' tey a. Ja' swentail te la yich' lajinel te lume.

Apocalipsis 5:1

Soc la quil te ay balbil jun te stsacoj ta swa'el sc'ab te mach'a nacal ta muc'ul nactijibale. Ay bila ts'ibubil ta yutil soc ta spat te balbil june, soc yich'oj juqueb sello.

Ezequiel 2:9

Jich la quilbey sc'ab winic, te sc'abe jich talem ta banti ayon, stsacoj jun ts'ibubil balbil jun.

Jeremías 36:32

Jich yu'un te Jeremías la stsac yan balbil jun, la yac'bey Baruc te secretario yu'une; te ja' la sts'ibuy spisil te bila la yal Jeremiase. La yac' ta ts'ibuyel spisil nix te bila ts'ibubil ta balbil jun te la xchic' te muc' ajwalil Joacime, soc bayal to xan la yac' ochel yantic aiyejetic te pajal sc'oplal soque.

Jeremías 36:29

Soc jich me ya awalbey: “Jich ya yalbat te Cajwaltique: ‘Ja'at la achic' te balbil june, soc la awut te Jeremías, te la sts'ibuy tey a te ya me xtal te muc' ajwalil yu'un Babilonia, ma me scom sba te ya xtal sjin te lumq'uinal, ma me ayuc ants-winiquetic ya yijq'uitay jilel, ni chambalametic.

Salmos 40:7

Ja' yu'un jich la cal: “Li' ayon to, jich nix te bit'il ya yalbon jc'oplal te june.

Job 29:16

staton la yaiyic te mach'atic ma'yuc bi ay yu'unique, soc jo'on jcoltaywanejon yu'unic te jyanlumetique.

Esdras 4:19

la cal mandal te ya yich' leel te poco' junetique. La yich' tael te melel nix a te la stoy sba ta stojol muc' ajwaliletic ta namey te lum in to. La xchap sbaic ta sjachel c'op, soc la stoy sbaic tey a.

Ezequiel 3:1

Jich la yalbon: —Ja'at winic, we'a te ts'ibubil jun in to, ora me ya xba ac'opon te nación Israele —xi'.

Esdras 6:22

Juqueb c'aal bin nax yo'tanic la spasic te q'uin swenta waj te ma ba yich'oj levadurae. Ja' nix te Cajwaltic te ac'botic yutsil yo'tanic yu'un, te bit'il Dios la yac'bey te muc' ajwalil ta Persia te ya xna'bot yo'bolil sbaic yu'une, soc te coltayotic ta xcha'pasel xan te templo yu'un Dios, ja' te Dios yu'un Israele.

Esdras 7:13

“La calix mandal te spisil israeletic te ayic ta q'uinal te banti c'alal jwentainej te jo'on muc' ajwalilone, teme ya sc'anic ya sjoinat bael ta Jerusalén, ya xju' ya xbajt'ic, soc nix teme sacerdote o levita.

Daniel 9:25

Ya sc'an te ya ana'bey swentail in to soc te ya xc'ot ta awo'tan ta mero melel: Te bi ora ya yich' alel mandal ta jachel xan te Jerusalén soc te ya me yich' cha'pasel xan, ja' to teme jul tel te ch'ul jwentainwanej, ya me xc'ax juqueb semana. Te calleetic soc joyob ts'ajc' te ya yich'ix xan pasel ta Jerusalén, ya me xjalajic cheb xchanwinic (62) semana, pero ta spisil in c'aal to, ay me bayal wocol a.