Esdras 5:16 - Bible in Tzeltal de Oxchuc y Tenejapa

¹⁶ Ja' yu'un, te c'alal c'ot te Sesbasar, la yac'bey jajch'el te xjajch'ibal yiptajib te templo yu'un Dios ta Jerusalene. Jich ora jajch' ta cha'pasel xan, pero ma to ba ju'em ta pasel.

Bible in Tzeltal Bachajón

¹⁶ Ha yu'un tal te Sesbasar, la yotsesbe te yich'o-ip te sna Dios te ay ta Jerusalén. Ta hich ora soc c'alal ora ini yac ta pasel, pero ma to ba hu'em, xchihic.

Esdras 5:16 Referans Kwoze

Esdras 6:15

Te templo ju' ta pasel ta oxeb c'aal sjajch'el u Adar ta swaquebal ja'wil yat'el ta ajwalil te Darío te muc' ajwalil yu'un Persia.

Esdras 3:10

Te c'alal la yaq'uic ochel te yiptajib te templo yu'un Cajwaltic te albañiletique, te sacerdoteetic la stejc'an sbaic, slapojic sc'u'-spaq'uic swenta sacerdote, soc ay oq'uesetic. Te levitaetic te sts'umbal Asaf, yich'ojic platillos swenta sc'ajintayel te Cajwaltique, jich te bit'il la yal mandal te David te muc' ajwalil yu'un te Israele.

Esdras 3:8

Ja' yu'un ta xchebal u sjajch'el xchebal ja'wil sjulelic ta Jerusalén a, te Zorobabel snich'an Salatiel, soc Josué snich'an Josadac, te sjo'tac sacerdoteetic, te levitaetic, soc ta spisil te namey ic'otic loq'uel ta slumalic te sujt'ic xan tel ta Jerusalén, jajch'ic xan ta xcha'pasel te templo yu'un Dios. Ja' la yac'beyic swentain at'el te levitaetic c'axemix ta jtab ya'wilalique.

Zacarías 4:10

Ja' te mach'atic ma ba la yich'ic ta wenta te xch'in jajch'ibal te yat'ele, yo'tic bin nax me yo'tanic yu'un te ya yilic te Zorobabel te ya sju'tes te at'ele —xi'. Ta patil te ch'ul abat jich la yal xan: —Te juqueb yawil c'ajq'ue, ja' seña te sit te Cajwaltic, te yacal ta yilel ta spamal a te balumilale —xi'.

Hageo 2:18

Yo'tic, swaxaquebal u soc chaneb xcha'winic (24) c'aal, la yich'ix ac'beyel jajch'el yiptajib te templo cu'une.

Esdras 5:2

Ja' yu'un te Zorobabel snich'an Salatiel soc Josué snich'an Josadac, jajch'ic xan ta at'el ta xcha'pasel xan te templo yu'un Dios ta Jerusalén. Te j'alwanejetic yu'un Dios, tey ayic soc a, yacalic ta coltayel yu'un.

San Juan 2:20

La yalic te jwolwanej-judioetique: —Waqueb yoxwinic (46) ja'wil meltsaj in templo to. Yan te ja'ate ¿bit'il ya xju' awu'un te oxeb nax c'aal ya acha'pas xan ta yach'ile? —xiic.

Esdras 5:14

“Soc la yalbotic xan, te ja' muc' ajwalil Ciro te la sloq'ues ta templo ta Babilonia te biluquetic pasbil ta oro soc ta plata, soc ja' la yac'bey ta sc'ab te jtul winic Sesbasar sbiile, te ja' nix te la yac'bey yat'el ta ajwalile. Melel te muc' ajwalil Nabucodonosor la yich' loq'uel ta templo ta Jerusalén ta namey, la yich' bael ta templo ta Babilonia.

Esdras 5:15

Ja' yu'un te Ciro la yalbey mandal te Sesbasar te ya stsob te biluquetique, te yacuc yich' sujt'el, ya yac' xan ta templo ta Jerusalén, soc te ya xcha'pas xan ta yawil nix yan buelta te templo yu'un te Diose.

Zacarías 4:9

—Te Zorobabel la yac'beyix te yiptajib templo, soc ja' ni me ay ta swenta sju'tesel ta pasel. Jich me ya sna'ic a te jo'on te Ajwalilon te la jticunat tele.