Esdras 5:12 - Bible in Tzeltal de Oxchuc y Tenejapa

¹² Soc la yalix xan te ja' te antiguo sme'-static te la yaq'uic ilinuc yo'tan te Dios yu'un te ch'ulchane, soc te ja' ac'otic ta sc'ab Nabucodonosor muc' ajwalil yu'un Babilonia te caldeo-winic, soc te ja' la sjin te templo. Jich ora loq'uesotic bael ta slumalic, bajt'ic ta Babilonia.

Bible in Tzeltal Bachajón

¹² Pero ta patil te jme'jtatcotic la yaq'uic ilinuc te Dios yu'un te ch'ulchan, ha la ya'be ta sc'ab Nabucodonosor ajwalil yu'un Babilonia, te caldeo-winic, te ha la sjin te Templo ini soc la yic'ticlan bahel ta chuquel te pueblo ta Babilonia.

Esdras 5:12 Referans Kwoze

Daniel 9:5

La jta jmultic ta atojol, la jpastic te bila amen ta pasel ta asite, la jpastic te bila ma lecuque. Ma'yuc sc'oplal c'ot cu'untic te mandaliletic awu'une; la jch'aytic jilel te mandaliletic awu'un soc te bila chapal awu'une.

2 Reyes 24:2

Te Cajwaltic la sticunbey bayal ta jchajp eleq'uetic: caldeoetic, siriaetic, moabetic soc amonetic. La sticun swenta scontro Judá yu'un ya slajinic, jich te bit'il neel yaloj te Cajwaltic ta swenta te j'alwanejetic, ja' te abatetic yu'une.

Jeremías 5:29

¿Ma bal yacuc cac'bey castigo yu'un? ¿Ma bal jichuc ya sc'an ac'beyel castigo te ants-winiquetic te jich ya spasique? Jo'on Ajwalilon te jich ya cale.

Salmos 106:40

Te Cajwaltic jajch' sc'ajc'al yo'tan ta stojol te lum yu'un; la spijt'es jilel manchuc me mero yu'un.

2 Reyes 25:1

Ta baluneb ja'wil soc lajuneb u soc lajuneb c'aal yochel ta muc' ajwalil a te Sedequías, te muc' ajwalil Nabucodonosor bajt' ta stojol Jerusalén ta spisil soc soldadoetic yu'un. C'o sjoytay te lume swenta yu'un ma'yuc mach'a ya xloc' soc ma'yuc mach'a ya x'och tey a. Tey c'o xchajban scampamento ta banti mero stojol ay te lume. Ta sjoyobal la sbusanbeyic lum ta xch'ujt' sts'ajc'ul, yu'un smoibic ta yaq'uel guerra.

Jueces 6:1

Te israeletic bolob yat'elic ta sit te Cajwaltique. Jich yu'un te Cajwaltic la yac'bey ta sc'ab juqueb ja'wil te madianetique.

Jueces 4:2

Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Deuteronomio 32:30

¿Bi yu'un te jtul nax mach'a la yac' anuc jmil ta jtule? ¿Bi swentail te cheb nax la sticun ta anel lajunmil ta jtul? Ja' nax yu'un te Cajwaltic, te ja' Jcanantaywanej yu'unic, la sc'an la yac'bey ta sc'ab yu'un te controe.

Deuteronomio 31:17

Pero ya me xtil jajch'el ta stojolic te sc'ajc'al co'tane, jich me ya jch'ayic jilel, jc'axel ma me ayuc sc'oplalic ta co'tan ya xc'otic. Mero bayal me te swocolic soc te bitic ma lecuc ya xc'ot ta stojolic, ja' swentail te jich me ya yalic: “¿Ma bal ja'uc yacotic ta wocol yu'un te ma ba sjoinejotiquix te Dios cu'untique?” xiic me.

Jeremías 52:12

Ta slajunebal c'aal sjajch'el a te yo'ebal u yu'un te sbalunlajunebal ja'wil yat'el a te Nabucodonosor muc' ajwalil yu'un Babilonia, te Nabuzaradán muc'ul abat yu'un te muc' ajwalile, soc comandante yu'un te jcanantaywanejetic yu'un te muc' ajwalile, c'ot ta Jerusalén.

2 Crónicas 36:20

Ta patil la yic' loq'uel ta slumalic c'alal ta Babilonia te mach'atic cuxajtic xan jilel yu'un te puñale, tey c'atp'ujic ta mozoil yu'unic a soc te patil alnich'anetic yu'unique, ja' to c'alal chicnaj te ajwalil yu'un te persiaetique,

Isaías 47:6

C'alal ilinon ta stojol te lum cu'une, la cac' ta q'uexlal, la cac' ochuc ta ac'ab. Te ja'ate ma la ana'bey yo'bolil sbaic, soc la awac'bey ta stojol mamaletic te yalal yugo-te' awu'une.

Jeremías 51:59

Ta xchanebal ja'wil yat'el ta ajwalil a te Sedequías, te muc' ajwalil yu'un Judá, te j'alwanej Jeremías ay bila la yac'bey bael te Seraías, snich'an Nerías, soc smam Maasías. Seraías la sjoin bael te muc' ajwalil Sedequías te bajt' ta Babilonia, te bit'il ja' ay ta swenta xchajbanel wayibal na yu'un te muc' ajwalile.