Esdras 5:1 - Bible in Tzeltal de Oxchuc y Tenejapa

¹ Te j'alwanejetic yu'un Dios, Hageo soc Zacarías snich'an Ido, la yalbeyic te judioetic ta sq'uinal Judá soc ta Jerusalén te c'op jul ta stojolic yu'un te Cajwaltic, te Dios yu'un Israel.

Bible in Tzeltal Bachajón

¹ Te jalwanejetic Hageo soc Zacarías snich'an Ido, c'opojic ta stojol te judiohetic ta sq'uinal Judá soc ta Jerusalén ta scuenta sbihil te Dios yu'un Israel te ha cuentahimbilic yu'un.

Esdras 5:1 Referans Kwoze

Hageo 1:1

Ta xchebal ja'wil yochel ta muc' ajwalil a te Darío, ta sbabial c'aal sjajch'el swenta swaquebal u a, tal sc'op Cajwaltic ta swenta te j'alwanej Hageo ta stojol te jwentainwanej ta Judá, ja' te Zorobabel snich'an Salatiel, soc ta stojol te muc'ul sacerdote te swentainej te sacerdoteetic, ja' te Josué te snich'an Josadac.

Miqueas 5:4

Te muc' ajwalil ya me xjajch' scanantay te lum yu'un ta yu'el, ta yutsilal te Cajwaltic te Dios yu'une. Lamal nax me q'uinal ya yaiyic, melel te Cajwaltic muc' me ya xc'ot ta jyalel c'alal ta sti'il te balumilale.

Esdras 4:24

Jich quejch'aj ta cha'pasel xan te templo yu'un Dios ta Jerusalén, ja' to ta xchebal ja'wil yat'el ta muc' ajwalil Darío ta Persia.

Esdras 6:14

Jich te jwentainwanej-judioetique, ju' yu'unic te la spasic xan bael te at'el swenta xcha'pasele, jich te bit'il albotic yu'un te j'alwanejetic yu'un te Diose, ja'ic te Hageo soc te Zacarías snich'an Ido. Te xcha'pasel te templo, ju' ta pasel, ja' la yich' t'unel te mandal la yal te Dios yu'un Israel, soc nix te bila mandalil la yal te Ciro, te Darío soc te Artajerjes, te muc' ajwaliletic yu'un Persia.

Hageo 2:18

Yo'tic, swaxaquebal u soc chaneb xcha'winic (24) c'aal, la yich'ix ac'beyel jajch'el yiptajib te templo cu'une.

Zacarías 8:9

Jich la yal xan te Cajwaltic te Spisil ya xju' yu'un: —Ac'aic puersa, ja'ex te ya awaiyic te c'opetic ya yalic te j'alwanejetic yu'un Dios ta ora in to, te ja' to nix jajch' yalic a te bi c'aalil la yich' aq'uel te sbabial yiptajib ta cha'pasel te templo cu'un, te Ajwalilon te Spisil ya xju' cu'une.