Esdras 4:7 - Bible in Tzeltal de Oxchuc y Tenejapa

⁷ Ta yorail te Artajerjes, muc' ajwalil ta Persia, te Bislam, Mitrídates, Tabeel soc te yantic sjo'taque la sticunbey jun te Artajerjes. Te carta yich'oj ts'ibuyel ta arameo-c'op, soc yich'oj c'asesel ta sc'opic.

Bible in Tzeltal Bachajón

⁷ Te Bislam, Mitrídates, Tabeel soc te yantic smohloltac la sts'ihbabeyic carta te Artajerjes ta yorahil te ay ta ajwalil yu'un Persia. Ts'ihbabil ta arameo-c'op te carta soc c'asesbil ta sc'opic.

Esdras 4:7 Referans Kwoze

2 Reyes 18:26

Te Eliaquim, Sebna soc Joa la sjac'beyic te sc'op te mach'a yich'oj yat'el yu'un ta Asiria: —Wocoluc, c'oponawotic ta arameo-c'op, melel ya caiytic. Ma xac'oponotic ta hebreo, melel spisilic te mach'atic ayic ta ba ts'ajq'ue yacalic ta yaiyel —la yut.

Daniel 2:4

Te mach'atic bayal bi sna'ojique, c'opojic, jich la yalbeyic te muc' ajwalile: —¡Muc' ajwalil, sbajt'el q'uinal cuxulat! Ala caiytic te awaiche, jo'otic te abatotic awu'une, ya me caltic awaiy te bi swentaile —xiic.

Isaías 36:11

Te Eliaquim, Sebná soc te Joa la sjac'beyic sc'op te asiria-winic te ay yat'ele: —Wocoluc, c'oponawotic ta arameo-c'op, yu'un jo'otic ja' ya caiytic stojol te arameo-c'ope. Ma xac'oponotic ta hebreo, melel spisil winiquetic ta sba ts'ajc' yacalic ta yaiyel stojol —xiic.

Esdras 4:17

Te muc' ajwalil Artajerjes jich sutbotic bael yu'un: “Ya jpatbeyex awo'tanic ja'ex te comandante Rehum, soc te secretario Simsai, soc te yantic jilemic ta jq'uinal te ay ta stojol smalib c'aal yu'un muc'ja' Eufrates: “Te bi la awalbonic

Esdras 4:9

Jich ay te jun la sticunic te Rehum te comandante, Simsai secretario soc te yantic sjo'taque, ja' te juecetic, generaletic soc te j'at'eletic yu'un ajwaliletic ta Persia, ta Erec, Babilonia soc Susa, ja' nix te Elam, soc xan te mach'atic talemic ta yantic nacionetic te ic'otic loq'uel ta slumalic yu'un te jtul ajwalil muc' sc'oplale, te Asnapar sbiile, te c'o yac' ta nainel ta lumetic ta sq'uinal Samaria soc ta yan spamlejal q'uinal te ay ta stojol smalib c'aal yu'un muc'ja' Eufrates: “Muc' ajwalil Artajerjes, jo'otic te awabatotique, te ayotic ta q'uinal te ay ta stojol smalib c'aal yu'un muc'ja' Eufrates:

Esdras 5:6

Te carta la sticunbeyic te muc' ajwalil Darío te Tatnai ajwalil yu'un te jpam q'uinal te ay ta stojol smalib c'aal yu'un Eufrates, soc te Setar-boznai soc te yantic sjo'tac ta at'el ta ajwalile, jich ay te cópia yu'un te cartae,

Esdras 4:1

Te c'alal bi ora la yaiyic te controetic yu'un te lum Judá soc te lum Benjamín te yacaliquix ta xcha'pasel te templo yu'un Cajwaltic Dios yu'un Israel te mach'atic sujt'emiquix tel te ac'bot yijq'uitay slumalique,

Esdras 4:8

Soc nix te Rehum, ja' comandante, soc te Simsai ja' secretario, la sts'ibubeyic jun carta te muc' ajwalil Artajerjes swenta slebeyel smulic te yajwal Jerusalén.

Esdras 8:36

Patil la cac'tic te smandal te muc' ajwalil ta sc'ab te mach'atic yich'oj yat'elic ta ajwalil, soc te ajwaliletic yu'un te jpam sq'uinal te ay ta stojol smalib c'aal yu'un te muc'ja' Eufrates, ja'ic te la scoltayic ta c'op te lum soc te templo yu'un te Diose.

Esdras 7:1

Ta patil bael, te c'alal ay ta muc' ajwalil ta Persia te Artajerjes, ay jtul winic Esdras sbiil. Ja' sts'umbal te Seraías, Azarías, Hilcías,

Nehemías 2:1

Jun c'aal ta u te Nisán sbiile, te ayix jtab ja'wil yat'el ta muc' ajwalil a te Artajerjes, te c'alal yacon ta sc'asesel te bila ya yuch', la yilon te muc' ajwalil te mero jmeloj co'tane.

Daniel 11:2

Yo'tic ya cac'bat ana'bey sba te bila smelelile: “Ya to me x'at'ejic ta muc' ajwalil oxeb winiquetic ta Persia. C'alal ya xlaj yat'elic, ya me yich' yat'el swenta xchanebal muc' ajwalil jtul winic te c'axem jich sc'ulejal a te bit'il oxtul yantique. Te c'alal ya sta yip ta swenta sc'ulejal, ya xchajban sba ta sjajch'el c'op ta stojol te nación Grecia.