Esdras 4:6 - Bible in Tzeltal de Oxchuc y Tenejapa

⁶ Soc ta xjajch'ibal yat'el ta muc' ajwalil te Asuero la slebeyic smulic te mach'atic ayic ta slumalic ta Judá soc ta Jerusalén.

Bible in Tzeltal Bachajón

⁶ Ta shahchibal ya'tel ta ajwalil te Asuero la slehbeyic smulic te mach'atic nahinemic ta Judá soc ta Jerusalén.

Esdras 4:6 Referans Kwoze

Daniel 9:1

Te Darío snich'an Asuero, te sts'umbal medoetique, och ta muc' ajwalil ta mandalteswanej ta sq'uinal caldeoetic.

Ester 1:1

Ja' te c'op in to, ja' c'ot ta pasel te c'alal ay ta muc' ajwalil a te Asuero, ja' te la swentain juqueb sjucwinic (127) ta jpam q'uinal te jajch' ta India c'alal ta Etiopía.

Apocalipsis 12:10

Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Hechos 25:7

C'alal och tel te Pabloe, te judioetic te talic ta Jerusalén la sjoytayic. Jich jajch' yalic spisil te bila muc' sc'oplal smulinej ta sc'opique. Ja'uc me to, ma ba ju' yu'unic yaq'uel ta ilel teme melel te ay smule.

Hechos 24:13

In winiquetic to ma staic te bila ya yac' ta ilel te ay bila amen jpasoje.

San Mateo 27:37

Soc la slejch'anbeyic ta bajel ta sjol te cruz te bay ts'ibubil te bila smulineje: “IN TO JA' TE JESÚS TE MUC' AJWALIL YU'UN TE JUDIOETIQUE”, xi' te ts'ibubile.

Esdras 4:5

Soc ay la yac'beyic majt'anil te sjo'tac ta at'el te ajwalile swenta smacjibal yat'el te judioetique. Jich ma ba ju' yu'unic spasel te judioetic te bila chapal yu'unic te jayeb c'aal te ay ta muc' ajwalil ta Persia te Ciro, asta ja' to te c'alal ay ta muc' ajwalil ta Persia te Darío.

Ester 1:10

Ta sjuquebal c'aal sjajch'el a te q'uine, te muc' ajwalil bin nax yo'tan ta scaj te yuch'oj vino. Jich la sticun bael te Mehumán, Bizta, Harbona, Bigta, Abagta, Zetar soc te Carcas, juqueb winiquetic te jun yo'tan sbaic ta stojole,

Génesis 26:21

Patil la spasic yan pozo. Ja' nix jich ay guerra c'ot yu'un. “Controinel” sbiil c'ot.

Ester 2:16

Te Ester la yich' iq'uel bael ta sna muc' ajwalil, swenta yu'un ya yich' aq'uel ta stojol te muc' ajwalil Asuero. Ja' ta slajunebal u te Tebet sbiil, te ja' sjuquebal ja'wil yochel ta muc' ajwalil a te Asuero.

Ester 3:8

Ja' yu'un te Amán jich la yalbey te muc' ajwalil Asuero: —Ta spisil te lumetic te smacoj te juju-jpam q'uinal awu'uninej ta mandalteswanej, ja'at te muc' ajwalilate, ay jtsob te parte yac'oj sba ta stojol te yantique. Ay leyetic yu'un te ma pajaluc soc te yu'un te yantic lumetique, soc ma sc'an spas te bila mandal awaloj te ja'at te muc' ajwalilate. Ma lecuc te ya x'ainic xan ta atojol tey ta banti ya spasawanat ta mandale.

Daniel 11:2

Yo'tic ya cac'bat ana'bey sba te bila smelelile: “Ya to me x'at'ejic ta muc' ajwalil oxeb winiquetic ta Persia. C'alal ya xlaj yat'elic, ya me yich' yat'el swenta xchanebal muc' ajwalil jtul winic te c'axem jich sc'ulejal a te bit'il oxtul yantique. Te c'alal ya sta yip ta swenta sc'ulejal, ya xchajban sba ta sjajch'el c'op ta stojol te nación Grecia.