Esdras 4:4 - Bible in Tzeltal de Oxchuc y Tenejapa

⁴ Ja' yu'un te mach'atic tey ayic ta q'uinale, jajch' xchebantesbeyic yo'tanic te judioetique. Jich ma la yaq'uic ta pasel a te templo.

Bible in Tzeltal Bachajón

⁴ Ha yu'un te mach'atic ayic tey a hahch schebantesbeyic yo'tanic te pueblo yu'un Judá, la xiwtesic scuenta yu'un ma ba ya x'a'tejic xan a.

Esdras 4:4 Referans Kwoze

Esdras 3:3

La spasic te scajtijib smajt'an Dios ta banti nix yawil, yu'un ja' la xi'ic te yajwal te q'uinale. Ta jujun sab soc ta jujun xmal c'aal la xchic'beyic smajt'an swenta yich'el ta muc' tey a te Cajwaltique.

Jeremías 38:4

Jich yu'un, te mach'atic yich'oj yat'elique la yalbeyic te muc' ajwalile: —Ac'a yich' milel te winique, melel ta swenta sc'op ya snijq'uesbey yo'tanic te soldadoetic te ayic to xan ta lum, soc spisil te ants-winiquetique. Te winique ma ja'uc ya slebey yutsilal te lume, ja' ya slebey te bila amene —xiic.

Nehemías 6:9

Melel yo'tanicuc ya xiwtesotic ta sc'opic. Scuyojic te ya xpejc'aj co'tantique, soc te ma ba ya ju'testic ta pasel te at'ele. Pero te jo'one, mero la cac' xan puersa ta spasel te at'ele.

Nehemías 4:11

Te jcontrotique scuyojic te ma'yuc bit'il ya caiytic te ya xtalique, soc te ni yacuc quiltique. Scuyojic te ja' to ya quiltic a te ayiquix ta coliltic yu'un ya smilotique, soc te jich ya yac' ta quejch'anel ta sc'opic a te at'ele.

2 Samuel 4:1

Te c'alal Is-boset snich'an Saúl la yaiy te lajix ta Hebrón te Abner, jc'axel pejc'aj te yo'tane. Spisil Israel jajch'ic ta buen xiwel.

Esdras 4:5

Soc ay la yac'beyic majt'anil te sjo'tac ta at'el te ajwalile swenta smacjibal yat'el te judioetique. Jich ma ba ju' yu'unic spasel te judioetic te bila chapal yu'unic te jayeb c'aal te ay ta muc' ajwalil ta Persia te Ciro, asta ja' to te c'alal ay ta muc' ajwalil ta Persia te Darío.

Nehemías 4:2

Jich la yal ta stojol te sjo'taque, soc ta stojol te soldadoetic ta Samaria: —¿Bi ya scuy sbaic a te judioetique te lajemic ta wi'nale? ¿Yu'un bal ya scuyic te ya yich'ic aq'uel permiso te ya yac'beyic xan milbil smajt'an te Dios yu'unique? ¿Yu'un bal scuyojic te ya xju' yu'unic spasel ta jun nax c'aal? ¿Yu'un bal scuyojic te ya x'ach'ub yu'unic te c'ajq'uem-tonetic ya sjots'ic loq'uel, te tenajtic ta banti busajtic ta lume? —xi'.

Daniel 10:13

Te ch'ul abat jcanantaywanej yu'un Persia, jun xcha'winic (21) c'aal tulan la yac' sba ta jtojol. Pero te Miguel te ja' jtul ta jwolwanejetic yu'un te ch'ul abatetic, ja' tal scoltayon. Melel te manchuc tale, tey jilon jtuquel ta yolilic te ajwaliletic ta Persia te jichuque.

Daniel 10:20

Ja' yu'un jich la yalbon: “¿Ya bal ana' bila swentail te tal quilate? Yu'un puersa me ya jcha'ac'bey xan guerra te jcanantaywanej ch'ul abat yu'un Persia. Te c'alal ya xlaj co'tan soc ta guerra, ya me xtal te jcanantaywanej ch'ul abat yu'un Grecia.