Esdras 4:22 - Bible in Tzeltal de Oxchuc y Tenejapa

²² Ma me xaquejch'anic ta yilel in c'opetic to, swenta yu'un jich ma x'esmaj xan jwocol ta jtojol a”, xi' te carta yu'un te muc' ajwalile.

Bible in Tzeltal Bachajón

²² Ch'uhunahic spasel te bin la jcalbeyex. ¿Bin yu'un ya xtohy xan swocol ta uts'inel te ajwaliletic? xchi te carta.

Esdras 4:22 Referans Kwoze

Esdras 4:13

Ya cac'tic ana' stojol ja'at te muc' ajwalilate: Teme la yich' pasel xan in lum to, soc teme la yich' pasel te sjoyob ts'ajc'ule, te winiquetic to ma ba ya stojic spatanic ta stojol ajwalil, soc sloc'ol xchonbajelic soc yantic xan patanetic ta swenta biluc. Jich me ya xch'ay te taq'uin ya awich' ja'at te muc' ajwalilate.

Esdras 4:21

Ja' yu'un, pasaic ta mandal te winiquetic, ac'a squejch'anic te at'ele, ja' to teme la cal xan jmandal, ma me xcha'pasic xan te lume.

Esdras 4:23

Te c'alal la yich' ilel te scarta muc' ajwalil Artajerjes ta stojolic te Rehum, te Simsai ja' te secretarioe soc te yantic sjo'taque ta ora nax bajt'ic ta Jerusalén. C'otic ta stojolic te judioetique, c'o scomic ta at'el soc sc'ajc'alic soc yat'ejibic ta guerra.

Daniel 6:2

La yac'bey yat'el oxebic, yu'un ja' me ya yilbey yat'elic te yantic ajwaliletic, swenta yu'un jich ma'yuc bila ay swocol yu'un a te muc' ajwalile. Te jtule ja' te Daniel.

Daniel 6:3

Ora chicnaj yat'el ta stojol te yantic cheb xan mach'atic la yich' yat'elic ta yilel te yat'el yantique, soc ta stojolic te jwentainwanejetic ta juju-jsejp te q'uinale, melel mero bayal sp'ijil yo'tan ta at'el la yilic stuquel. Ja' yu'un te muc' ajwalile, la snop te ya yac'bey swentain te ajwaliletic yu'un te nacione.